Kojolɔi 14:4 - ŊMALƐ KRƆŊKRƆŊ LƐ

⁴ Shi etsɛ kɛ enyɛ leee akɛ Yehowa dɛŋ jɛ ni Filistibii lɛ ahe gbɛ Yehowa taoɔ, ejaakɛ nakai be lɛ mli lɛ, Filistibii lɛ yeɔ Israel nɔ.

Ṅmãle̱ Kroṅkroṅ Le̱

⁴ Ši etše̱ ke̱ enye lee ake̱ Iehowa deṅ dše̱, ni Filistibii le̱ ahe gbe̱ etaoo̱, edšake̱ nakai be le̱ mli le̱ Filistibii le̱ yeo̱ Israel no̱.

Kojolɔi 14:4 ပူးပေါင်းရင်းမြစ်များ

1 Maŋtsɛmɛi 12:15

No hewɔ lɛ, Maŋtsɛ Rehoboam booo maŋbii lɛ toi, ejaakɛ Yehowa dɛŋ sane lɛ jɛ, bɔ ni afee ni Yehowa ahã ewiemɔ ni etsɔ̃ Ahia, Shilonyo lɛ, nɔ ni ekɛ Nebat bi Yeroboam wie lɛ aba mli.

1 Maŋtsɛmɛi 12:24

Bɔ ni Yehowa kɛɛ nɛ. ‘Nyɛkayaa, ni asaŋ nyɛkɛ nyɛnyɛmimɛi Israelbii lɛ akawua. Nyɛteŋ mɔ fɛɛ mɔ aku esɛɛ eya ewe; ejaakɛ midɛŋ nɛkɛ sane nɛɛ jɛ.’ ” No hewɔ lɛ, Rehoboam kɛ Yudabii kɛ Benyaminbii kɛ maŋbii lɛ bo Yehowa wiemɔ lɛ toi, ni amɛku amɛsɛɛ amɛtee amɛshĩai ekoŋŋ yɛ Yehowa wiemɔ lɛ naa.

2 Maŋtsɛmɛi 6:33

Be ni Elisha kɛ enukpai lɛ wieɔ lolo lɛ, maŋtsɛ lɛ bashɛ eŋɔɔ, ni ekɛɛ akɛ, “Nɛkɛ efɔŋ nɛɛ, Yehowa ŋɔɔ ejɛ. Mɛni mimɛɔ dɔŋŋ? Mɛni feemɔ shwɛɔ mi dɔŋŋ?”

2 Kronika 10:15

Belɛ Maŋtsɛ Rehoboam booo maŋbii lɛ toi ejaakɛ Nyɔŋmɔ ninenaa nitsumɔ ni, bɔ ni afee koni wiemɔ ni Yehowa tsɔ̃ Ahia, Shilonyo lɛ, nɔ ni ekɛ Nebat bi Yeroboam wie lɛ aba mli.

2 Kronika 22:7

Shi eji Nyɔŋmɔ yiŋtoo akɛ Ahazia shigbeemɔ atsɔ̃ nɛkɛ saramɔ ni etee eyasara Yoram nɛɛ nɔ. Ejaakɛ be ni eyashɛ jɛi sɛɛ lɛ, etee ni eyawa Yoram koni ekɛ Yehu, Nimshi bi lɛ, ni Yehowa ekɔ lɛ koni ekpãtã Ahab we lɛ hiɛ lɛ ayawu.

2 Kronika 25:20

Shi Amazia eyabuuu shɛɛ lɛ, ejaakɛ Nyɔŋmɔ yiŋtoo ji akɛ ebaahã aye Amazia nɔ kunim yɛ Edombii ajemawɔji ni eja lɛ ahewɔ.

Lalai 115:3

WɔNyɔŋmɔ lɛ, Ŋwɛii amli ŋwɛi lɛ eyɔɔ; ni nɔ fɛɛ nɔ ni esumɔɔ lɛ, no efeɔ.

Daniel 6:4

Kɛkɛ ni onukpai nɔkwɛlɔi krokomɛi lɛ kɛ amraloi lɛ bɔ mɔdɛŋ akɛ amɛaana tɔ̃mɔ ko yɛ Daniel he lo, koni amɛkɛfolɔ enaa. Shi akɛni Daniel yeɔ anɔkwa hewɔ lɛ amɛnaaa sane ko loo tɔ̃mɔ ko yɛ ehe.

5 Mose 28:48

No hewɔ lɛ, okɛ hɔmɔ kɛ kumai kɛ yayai kɛ hiamɔ yɛ nibii fɛɛ mli aaasɔmɔ ohenyɛlɔi ni Yehowa baahã abatua bo lɛ. Henyɛlɔi nɛɛ kɛ dade apã aaawo okuɛ kɛyashi beyinɔ ni eeekpãtã ohiɛ.

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

Kojolɔi 13:1

Israelbii lɛ fee esha amɛshi Yehowa ekoŋŋ, ni Yehowa hã Filistibii ye amɛnɔ afii nyɔŋmai ejwɛ.

Kojolɔi 14:5

Kɛkɛ ni Samson kɛ etsɛ kɛ enyɛ yiŋ kɛtee Timna. Amɛshɛ Timna waintromi lɛ ahe; kɛkɛ ni jata oblanyo ko bɔ̃i huumɔ kɛ Samson woo.

Kojolɔi 15:11

No hewɔ lɛ, Yuda hii akpei etɛ̃ yiŋ amɛtee tɛkplo ni yɔɔ Etam tɛsaa lɛ mli lɛ mli, ni amɛyakɛɛ Samson akɛ, “Ani oleee akɛ Filistibii lɛ amɛ amɛ ji mɛi ni yeɔ wɔnɔ lo? Hewɔ lɛ, mɛni ofee wɔ nɛɛ?” Eto he akɛ, “Bɔ ni amɛfee mi lɛ, nakai mi hu mifee amɛ lɛ.”

Kojolɔi 15:3

Samson kɛɛ amɛ akɛ, “Agbɛnɛ kɛji mifee Filistibii lɛ efɔŋ ko lɛ, amɛsɔ̃ ko wulaaa miyiteŋ.”