Kojolɔi 14:3 - ŊMALƐ KRƆŊKRƆŊ LƐ

³ Shi etsɛ kɛ enyɛ kɛɛ lɛ akɛ, “Aso yoo ko yoo ko bɛ onyɛmimɛi lɛ abiyei lɛ ateŋ aloo wɔjakubii lɛ fɛɛ ateŋ hewɔ ni esa akɛ oyaŋɔ yoo yɛ Filistibii foolɔi lɛ ateŋ lɛ?” Shi Samson kɛɛ etsɛ akɛ, “Yaaŋɔ lɛ obahã mi, ejaakɛ lɛ misumɔɔ.”

Ṅmãle̱ Kroṅkroṅ Le̱

³ Ni etše̱ ke̱ enye kē̱le̱ ake̱: Aso yō ko yō ko be̱ onyemimei le̱ abiyei le̱ ke̱ midšakubii le̱ fẽ ateṅ, hewo̱ ni oyaã oyaṅõ yō *ye̱ Filistibii fōlo̱i le̱ ateṅ le̱? Ni Samson kē̱ etše̱ ake̱: Yaṅõ le̱ obahãmi, edšake̱ le̱ misumoo̱! *2 Mose 34,16.

Kojolɔi 14:3 ပူးပေါင်းရင်းမြစ်များ

1 Mose 13:8

Kɛkɛ ni Abram kɛɛ Lot akɛ, “Kaahã bei miiba mi kɛ bo teŋ kɛ mikoolookwɛlɔi lɛ kɛ okoolookwɛlɔi lɛ ateŋ, ejaakɛ nyɛmimɛi ji wɔ.

1 Mose 21:27

Kɛkɛ ni Abraham kɛ toi kɛ tsinai hã Abimelek ni amɛyi enyɔ lɛ fɛɛ amɛkpãŋ.

1 Mose 34:14

Yakob bii lɛ kɛɛ Shekem kɛ etsɛ Hamor akɛ, “Wɔnyɛŋ nɛkɛ nɔ ko wɔfee ni wɔkɛ wɔnyɛmi yoo ahã mɔ ko ni ji foolɔ ejaakɛ no lɛ wɔto kpa.

2 Samuel 1:20

Nyɛkayagbaa enɛ yɛ Gat; akatsi enɛ tã yɛ Ashkelon blohuiaŋ koni Filistibii lɛ abiyei lɛ akanya, ni foolɔi lɛ abiyei lɛ miitumɔ.

Yoshua 23:12

Ejaakɛ naa, kɛji nyɛfeee nakai, shi moŋ nyɛkwa lɛ, ni nyɛkɛ nyɛhe yabɔ maji ni anɔ bii ni eshwɛ futu nyɛteŋ nɛɛ ahe, ni nyɛ kɛ amɛ botebotee gbãlãshihilɛ mli, ni nyɛkɛ amɛyei hihii shi, ni amɛ hu amɛkɛ nyɛyei hihii shi lɛ,

Kojolɔi 14:2

Kɛkɛ ni Samson ku esɛɛ eba, ni ebakɛɛ etsɛ kɛ enyɛ akɛ, “Miyana Filisti oblayoo ko yɛ Timna; nyɛyaŋɔa lɛ nyɛbahãa mi ni mikɛ lɛ afea miŋã.”

Kojolɔi 15:18

Kɛkɛ ni kumai ye Samson waa naakpa. Ebo etsɛ Yehowa ekɛɛ, “Otsɔ̃ otsulɔ nine nɔ otsu yiwalaheremɔ nitsumɔ kpele nɛɛ; ni mɛɛba ni magbo kɛ kumai moŋ ni magbee foolɔi nɛɛ adɛŋ?”

1 Samuel 14:6

Yonatan kɛɛ oblanyo ni hiɛ edama lɛ akɛ, “Wɔfo mli wɔtee wɔyahɛŋ foolɔi nɛɛ asraafoi lɛ; shi eko lɛ Yehowa aaaye abua wɔ ejaakɛ nɔ ko nɔ ko etsiii Yehowa naa akɛ ekɛ mɛi pii loo mɛi fioo aaahere yiwala.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.

1 Samuel 31:4

Kɛkɛ ni Saul kɛɛ oblanyo ni hiɛɔ etawuunii lɛ akɛ, “Gbalamɔ oklante lɛ, ni okɛdu mi bɔ ni afee ni foolɔi nɛɛ akaba amɛbagbe mi, ni amɛfee mi niseniianii.” Shi oblanyo lɛ emiii nakai feemɔ ejaakɛ gbeyei emɔ lɛ naakpa. Enɛ hewɔ lɛ, Saul gbala lɛ diɛŋtsɛ eklante lɛ, ni eho egbee nɔ.