Kojolɔi 13:5 - ŊMALƐ KRƆŊKRƆŊ LƐ

⁵ Ejaakɛ naa, obaana musu, ni obaafɔ binuu. Asooyi naa akasa eyiteŋ, ejaakɛ gbekɛ lɛ baafee mɔ ni ajɔɔ enɔ ahã Nyɔŋmɔ kɛjɛ musuŋ beebe. Lɛ ebaabɔi Israelbii lɛ heremɔ yɛ Filistibii lɛ adɛŋ.”

Ṅmãle̱ Kroṅkroṅ Le̱

⁵ Edšake̱ na, obaná mũsũ ni obafo̱ binū; *asōyi nā akasa eyiteṅ, edšake̱ gbekẽ le̱ bafe Nyoṅmo̱ Nazirnyo ke̱-dše̱ mũsũṅ bēbe; ni le̱ ebabõi Israelbii le̱ ayiwala heremo̱ ke̱-badše̱ Filistibii le̱ adeṅ. *4 Mose 6,2-5. 1 Sam. 1,11.

Kojolɔi 13:5 ပူးပေါင်းရင်းမြစ်များ

2 Samuel 8:1

Enɛ sɛɛ lɛ David kɛ Filistibii lɛ wu, ni eye amɛnɔ kunim, ni eshɔ̃ shikpɔŋ lɛ nɔ hewalɛ lɛ yɛ Filistibii lɛ adɛŋ.

1 Kronika 18:1

Enɛ sɛɛ lɛ David kɛ Filistibii lɛ wu, ni eye amɛnɔ kunim, ni eshɔ̃ Gat maŋ lɛ kɛ akrowai ni bɔle lɛ lɛ yɛ Filistibii lɛ adɛŋ.

Amos 2:11

Mitee nyɛbihii lɛ ekomɛi ashi, ni mifee amɛ gbalɔi, ni mifee nyɛblahii lɛ ekomɛi hu Nazirifoi. Israelbii, ebɛ mli nakai lo? Mi Yehowa mikɛɛ.

4 Mose 6:5

“Kɛyaashi eeeye ebe ni ewo shi akɛ ejɔɔ ehe nɔ ehã Yehowa etã lɛ, ekaku eyi, ni yishɛɛ kakla naa akasa eyiteŋ. Shiwoo lɛ fĩɔ lɛ bei abɔ fɛɛ ni ejɔɔ ehe nɔ kwraa ehã Yehowa lɛ. Mɔ krɔŋkrɔŋ ji lɛ; ni eŋmɛ eyi kusuu.

Luka 1:15

Ejaakɛ eeetsɔ̃ agbo yɛ Nuŋtsɔ lɛ hiɛ. Ni enuŋ wain loo dãa ni wa ko, Ni Mumɔ Krɔŋkrɔŋ aaayi lɛ obɔ̃ kɛaajɛ enyɛ musuŋ beebe.

Kojolɔi 16:17

egba Delila eyitsoŋ sane fɛɛ ekɛɛ, “Asooyi naa esako miyiteŋ pɛŋ, ejaakɛ mɔ ni ajɔɔ enɔ ahã Nyɔŋmɔ ji mi kɛjɛ minyɛ musuŋ beebe. Kɛji ashɛ miyi lɛ, no dani mihewalɛ lɛ aaaje mimli, ni magbɔjɔ ni matamɔ gbɔmɔ fɛɛ gbɔmɔ.”

1 Samuel 1:11

Hana wo shi ekɛɛ, “Yehowa Taiatsɛ, kɛji oookwɛ mi, oweyoo, mimanehulu nɛɛ, ni oookai mi, ni ohiɛ kpaŋ mi, oweyoo, nɔ shi moŋ ooohã mi, oweyoo, binuu lɛ, no lɛ majɔɔ enɔ mahã bo, Yehowa, ewala gbii abɔ fɛɛ; ni asooyi naa esaŋ eyiteŋ.”

1 Samuel 7:13

Aye Filistibii lɛ anɔ bɔ sɔŋŋ ni kɛjɛ no sɛɛ lɛ amɛnaji enyɔ nɛkɛ yiii Israelbii lɛ akpokpai lɛ anɔ dɔŋŋ. Ni Samuel yinɔ fɛɛ lɛ Yehowa eŋmɛɛɛ Filistibii lɛ agbɛ koni amɛbatua Israel.