Kojolɔi 13:3 - ŊMALƐ KRƆŊKRƆŊ LƐ

³ Yehowa bɔfo jie ehe kpo etsɔ̃ɔ yoo lɛ, ni ekɛɛ lɛ akɛ, “Kene ji bo, ni obɛ bi; shi agbɛnɛ obaana musu, ni obaafɔ binuu.

Ṅmãle̱ Kroṅkroṅ Le̱

³ Ni Iehowa bo̱fo le̱ dšie ehe kpo etšõ yō le̱, ni ekē̱le̱ ake̱: Na, ofe kene ni ofo̱o̱ moṅ, ši agbe̱ne̱ obaná mũsũ ni obafo̱ binū.

Kojolɔi 13:3 ပူးပေါင်းရင်းမြစ်များ

1 Mose 17:16

Majɔɔ lɛ ni asaŋ mahã okɛ lɛ afɔ binuu. Majɔɔ lɛ, ni eeetsɔ̃ maji anyɛ, ni maji anɔ maŋtsɛmɛi aaajɛ emli.”

1 Mose 18:10

Amɛteŋ mɔ kome kɛɛ akɛ, “Bɔ fɛɛ bɔ ni fee lɛ maku misɛɛ maba oŋɔɔ wɔsɛɛ afi benɛ mli ni be ni maba lɛ oŋa Sara ena binuu.” Sara damɔ buu lɛ mli gbɛ yɛ shinaa lɛ shi yɛ Abraham sɛɛgbɛ eebo toi.

1 Mose 18:14

Ani nɔ ko wa hã Yehowa lo? Be ni mito lɛ maba oŋɔɔ ekoŋŋ afi naakplɔ benɛ, ni Sara aaana binuu!”

2 Maŋtsɛmɛi 4:16

Elisha kɛɛ yoo lɛ akɛ, “Wɔsɛɛ afi naakplɔ benɛ lɛ, ooohiɛ binuu yɛ okpɔkɔiaŋ.” Yoo lɛ kɛɛ Elisha akɛ, “Dabida minuŋtsɔ, Nyɔŋmɔ gbɔmɔ ji bo, kaalaka mi.”

Luka 1:11

Ni Nuŋtsɔ lɛ bɔfo ko bajie ehe kpo etsɔ̃ɔ lɛ ni edamɔ tsofakɛŋmashãa latɛ lɛ ninejurɔ nɔ.

Luka 1:13

Shi bɔfo lɛ kɛɛ lɛ akɛ, “Kaashe gbeyei, Zakaria, ejaakɛ Nyɔŋmɔ ebo ofaikpamɔ lɛ toi, ni oŋa Elizabet aaafɔ binuu ahã bo, ni ooowo lɛ gbɛi akɛ Yohane.

Kojolɔi 13:10

Yoo lɛ he fee oya, ni esha foi eyakɛɛ ewu lɛ akɛ, “Naa nuu lɛ ni ba miŋɔɔ nyɛsɛɛ lɛ ebajie ehe kpo etsɔ̃ɔ mi.”

Kojolɔi 13:15

Manoa kɛɛ Yehowa bɔfo lɛ akɛ, “Ofainɛ, hã wɔtsi onaa fioo, ni wɔkɛ too abotiabi afee niyenii ahã bo.”

Kojolɔi 13:6

Kɛkɛ ni yoo lɛ ba ni ebakɛɛ ewu akɛ, “Nyɔŋmɔ gbɔmɔ ko ba miŋɔɔ. Ehiɛ tamɔ Nyɔŋmɔ bɔfo hiɛ, ehe yɛ gbeyei naakpa. Shi mibiii lɛ he ni ejɛ, ni lɛ hu etsɔ̃ɔɔ mi egbɛi.

Kojolɔi 13:8

Kɛkɛ ni Manoa kpa Yehowa fai ni ekɛɛ, “Ao Yehowa, miikpa bo fai, hã Nyɔŋmɔ gbɔmɔ lɛ ni otsu lɛ aba wɔŋɔɔ ekoŋŋ ni ebatsɔ̃ɔ wɔ bɔ ni wɔhiɛ gbekɛ lɛ ni abaafɔ lɛ wɔhã.”

Kojolɔi 2:1

Agbɛnɛ Yehowa bɔfo jɛ Gilgal kɛba Bokim ni ebakɛɛ Israelbii lɛ akɛ, “Mijie nyɛ kɛjɛ Ijipt ni mikɛ nyɛ ba shikpɔŋ ni mikã nyɛtsɛmɛi lɛ akitã yɛ he lɛ nɔ, ni mikɛɛ: ‘Mikuŋ mikpãŋmɔ ni mi kɛ nyɛ ekpãŋ lɛ mli gbi ko gbi ko,

Kojolɔi 6:14

Kɛkɛ ni Yehowa tsɔ̃ ehiɛ ehã Gideon ni ekɛɛ lɛ akɛ, “Yaa kɛ ohewalɛ nɛɛ koni oyahere Israel yɛ Midianbii lɛ adɛŋ! Mi ji mɔ ni tsuɔ bo lɛ?”

1 Samuel 1:20

be ni shɛɔ afi naakplɔ lɛ Hana ena musu, ni efɔ binuu. Hana wo abifao lɛ gbɛi akɛ Samuel, ni ekɛɛ, “Ejaakɛ miba lɛ yɛ Yehowa dɛŋ.”