Kojolɔi 12:5 - ŊMALƐ KRƆŊKRƆŊ LƐ

⁵ Gileadbii tsĩ Efraimbii lɛ gbɛ yɛ hei ni afoɔ Yordan Faa lɛ yɛ lɛ. Kɛji Efraimbii ni ejo foi lɛ ateŋ mɔ ko kɛɛ akɛ, “hã mafo faa lɛ,” Gileadbii biɔ lɛ akɛ, “Ani Efraimnyo ji bo lo?” Ni kɛ ekɛɛ “Dabi” lɛ,

Ṅmãle̱ Kroṅkroṅ Le̱

⁵ Ni Gileadbii le̱ yatšĩ Efraimbii le̱ agbe̱ ye̱ Iordan fōhei le̱; ni eba mli ake̱, ké̱ Efraimbii foidšelo̱i le̱ eko kē̱ ake̱: Hã mafo fā le̱, Gileadbii le̱ bio̱le̱ ake̱: Ani Efraimnyo dšio lo? ni ke̱dši ekē̱: Dabi! le̱,

Kojolɔi 12:5 ပူးပေါင်းရင်းမြစ်များ

Kojolɔi 3:28

Ekɛɛ amɛ akɛ, “Nyɛnyiɛa misɛɛ, ejaakɛ Yehowa baahã nyɛye nyɛhenyɛlɔi Moabbii lɛ anɔ kunim.” No hewɔ lɛ, amɛkpeleke shi kɛnyiɛ esɛɛ. Amɛŋɔ Yordan faafoohei ni atsɔ̃ɔ jɛi kɛyaa Moab lɛ, ni amɛŋmɛɛɛ mɔ ko mɔ ko gbɛ ni efoɔ.

Yoshua 22:11

Ayagba Israelbii krokomɛi lɛ akɛ, “Shi nyɛtara lo? Rubenbii lɛ kɛ Gadbii lɛ kɛ Manasebii lɛ akutso lɛ fã lɛ ema afɔleshãa latɛ yɛ Gelilot yɛ Yordan lɛ naa yɛ wɔgbɛfaŋ shikpɔŋ lɛ nɔ.”

Kojolɔi 7:24

Agbɛnɛ Gideon tsu mɛi kɛtee Efraim gɔji lɛ anɔ fɛɛ ayakɛɛ akɛ, “Nyɛkpelekea shi ni nyɛkɛ Midianbii lɛ abakpea. Nyɛtsimɔa faafoohei gbɛi lɛ kɛyashia Bet-Bara kɛ Yordan naa.” No hewɔ lɛ, ayakpee Efraim hii lɛ fɛɛ kɛba, ni amɛtsimɔ gbɛi ni akɛyaa fai lɛ anaa kɛyashi Bet-Bara kɛ Yordan naa.

Yoshua 2:7

No hewɔ lɛ, maŋtsɛ lɛ tsuji lɛ tiu hii lɛ kɛtsɔ̃ Yordan Faa lɛ naagbɛ kɛtee faafoohe lɛ tɔ̃ɔ. Amrɔ ni maŋtsɛ lɛ tsuji lɛ je kpo pɛ, ni aŋã maŋ lɛ agbo lɛ.

Kojolɔi 12:4

Kɛkɛ ni Yefta bua Gileadhii lɛ fɛɛ naa kɛkpe, ni ekɛ Efraimbii lɛ wu, ni amɛye Efraimbii lɛ anɔ kunim, ejaakɛ Efraimbii lɛ kɛɛ akɛ, “Nyɛ Gileadbii lɛ, kobɔfoi ni bafata Efraimbii kɛ Manasebii ahe ji nyɛ.”

Kojolɔi 12:6

Gileadbii lɛ kɛɔ lɛ akɛ, “Belɛ kɛɛmɔ, ‘Shibolet’; ni kɛ enyɛɛɛ etsɛ wiemɔ lɛ jogbaŋŋ ni ekɛɛ ‘Sibolet’ ” lɛ, kɛkɛ lɛ amɛmɔɔ lɛ, ni amɛgbeɔ lɛ yɛ hei ni afoɔ Yordan Faa lɛ yɛ lɛ. Nɛkɛ be nɛɛ mli lɛ, Efraimbii lɛ ateŋ mɛi akpei nyɔŋmai ejwɛ kɛ enyɔ nyɔnyɔɔi.

Kojolɔi 17:7

Shi oblanyo ko yɛ Betlehem ni yɔɔ Yuda lɛ. Ejɛ Yuda weku lɛ mli; Levinyo ji lɛ, ni ebato gbɔ yɛ Betlehem.

1 Samuel 1:1

Nuu ko hi shi yɛ Rama yɛ Efraim gɔji lɛ anɔ. Egbɛi ji Elkana, ni etsɛ gbɛi ji Yeroham. Zuf bi Tohu bi Elihu bi ji Elkana nɛɛ.

1 Maŋtsɛmɛi 11:26

Mɔ ko hu ni te shi wo Maŋtsɛ Solomon ji etsulɔ Yeroboam, ni ji Nebat, Efraimnyo ko ni jɛ Zereda, bi lɛ. Yeroboam nyɛ ji Zerua, yoo okulafo ko.