Kojolɔi 12:3 - ŊMALƐ KRƆŊKRƆŊ LƐ

³ Be ni mina akɛ nyɛhereŋ mi lɛ, mikɛ mihe wo osharã mli, ni mifã kɛyanina Amonbii lɛ. Yehowa hã miye amɛnɔ kunim. No hewɔ lɛ, mɛni hewɔ nyɛfã kɛba minɔ ŋmɛnɛ ni nyɛkɛ mi abawu lɛ?”

Ṅmãle̱ Kroṅkroṅ Le̱

³ Ni beni mina ake̱ nyebahereemi le̱, *miši mitšitši, ni mifã ke̱-yanina Amonbii le̱, ni Iehowa dšieame̱ ewo mideṅ. Bĕle̱ mẽba nyefã ke̱-ba mino̱ ṅme̱ne̱ ni nyeke̱mi abawu? *5,18; 9,17.

Kojolɔi 12:3 ပူးပေါင်းရင်းမြစ်များ

2 Kronika 13:12

Naa, Nyɔŋmɔ kɛ wɔ yɛ, ni lɛ enyiɛ wɔta lɛ hiɛ, asaŋ esɔfoi lɛ hu yɛ biɛ kɛ tɛtɛrɛmantɛrɛi, ni amɛbaakpã kɛbɔ tawuu oshe amɛwo nyɛ. Ataamɛi Israelbii, nyɛkakaa kwraa akɛ nyɛkɛ Yehowa, nyɛtsɛmɛi aNyɔŋmɔ, lɛ baawu ta. Nyɛyeŋ kunim kɔkɔɔkɔ.”

Hiob 13:14

Mɛɛ hewɔ maŋɔ miheloo makɔ̃ minaa koni mahiɛ miwala yɛ midɛŋ?

Lalai 119:109

Mihiɛ miwala yɛ midɛŋ be fɛɛ be; shi omla lɛ mihiɛ kpaaa nɔ.

Romabii 16:4

amɛkɛ amɛhe wo gbele mli yɛ miyiwala hewɔ, ni jeee mi kɛkɛ midaa amɛ shi, shi moŋ jeŋmaji lɛ amli asafoi lɛ fɛɛ hu daa amɛ shi.

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.

Kojolɔi 11:27

No hewɔ lɛ, mifeko bo efɔŋ ko; shi bo moŋ ni ofeɔ mi efɔŋ akɛ ofã ta kɛba minɔ. Yehowa ni ji kojolɔ lɛ akojo Israelbii kɛ Amonbii ateŋ sane ŋmɛnɛ gbi nɛɛ.”

Kojolɔi 12:2

Yefta kɛɛ amɛ akɛ, “Mikɛ mimaŋbii lɛ, bei ni mli wa ba wɔ kɛ Amonbii lɛ ateŋ, shi be ni mitsɛ nyɛ lɛ, nyɛbahereee mi yɛ Amonbii lɛ adɛŋ.

Kojolɔi 12:4

Kɛkɛ ni Yefta bua Gileadhii lɛ fɛɛ naa kɛkpe, ni ekɛ Efraimbii lɛ wu, ni amɛye Efraimbii lɛ anɔ kunim, ejaakɛ Efraimbii lɛ kɛɛ akɛ, “Nyɛ Gileadbii lɛ, kobɔfoi ni bafata Efraimbii kɛ Manasebii ahe ji nyɛ.”

Kojolɔi 9:17

Ejaakɛ mitsɛ wu hã nyɛ; ekɛ ehe wo osharã mli, ni ekɛjie nyɛ yɛ Midianbii adɛŋ.

1 Samuel 19:5

Edɔɔɔ ewala he, ni no hewɔ lɛ, etee ni ekɛ Goliat, Filistinyo lɛ, yakpe, ni egbe lɛ, ni Yehowa hã Israel fɛɛ ye kunim kpeteŋkple. Bo diɛŋtsɛ hu ona kunim ni eye lɛ, ni onya he. Mɛni hewɔ mɔ ni otaoɔ akɛ ofee mɔ ni efeko efɔŋ ko lɛ esha, ni ogbe David yakatswaa lɛ?”

1 Samuel 28:21

Fee sɛɛ be ni yoo okɔmfo lɛ tsi ebɛŋkɛ Saul, ni ena akɛ gbeyei emɔ lɛ lɛ, ekɛɛ Saul akɛ, “Oweyoo bo bo toi bianɛ, ni mikɛ mihe wo osharã mli, ni mifee nɔ ni obi mi akɛ mifee lɛ.