Kojolɔi 11:34 - ŊMALƐ KRƆŊKRƆŊ LƐ

³⁴ Be ni Yefta ku esɛɛ kɛbaa ewe lɛ yɛ Mizpa lɛ, naa, ebiyoo lɛ je kpo kɛ fabii kɛ joi kɛba koni ebakpee lɛ. Yefta bi koome pɛ ji lɛ; esɛɛ lɛ ebɛ binuu lɛ, ebɛ biyoo hu.

Ṅmãle̱ Kroṅkroṅ Le̱

³⁴ Ke̱ke̱ ni Iefta ba ewe le̱ ye̱ Mizpa; ni na, ebiyō le̱ dše kpo bale̱ kpēmo̱ ke̱ fabii ke̱ dšōi, ni le̱ dši ebi kome pe̱; ese̱ le̱ ebe̱ binū lo biyō le̱ eko doṅṅ.

Kojolɔi 11:34 ပူးပေါင်းရင်းမြစ်များ

2 Samuel 6:14

David jo kɛ ehewalɛ fɛɛ ekɛwo Yehowa hiɛ nyam, ni emia kɛ klala efod pɛ.

Lalai 150:4

Nyɛjiea eyi kɛ miji kɛ joo, nyɛjiea eyi kɛ kpãa saŋku kɛ bɛji!

Lalai 68:25

Lalɔi lɛ nyiɛ hiɛ, saŋkutswalɔi lɛ nyiɛ sɛɛ, ni oblayei ni shaa fabii lɛ nyiɛ teŋ.

2 Mose 15:20

Kɛkɛ ni gbalɔyoo Miriam, Aaron nyɛmiyoo lɛ, kɔ fao ehiɛ edɛ̃, ni yei lɛ fɛɛ kɔlɔ fabii kɛnyiɛ esɛɛ, ni amɛsha ni amɛjo.

Yeremia 31:13

Kɛkɛ lɛ oblayei lɛ baajo kɛ nyamɔ, ni oblahii kɛ hiimeji amii aaashɛ amɛhe. Mibahã amɛkɔmɔyeli atsɔ̃ mliflimɔ; mibashɛje amɛmii, ni yɛ awerɛho najiaŋ lɛ mahã amɛnya.

Yeremia 31:4

Ao! Oblayoo foro Israel! Mibasaa matswa bo tamɔ tsu mama shi ekoŋŋ, ni oooma shi hu. Oookɔlɔ omiji lɛ otsotsoro ekoŋŋ ni oooje kpo okɛ mɛi ni amli efili amɛ aaayajo kɛ miishɛɛ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Luka 7:12

Shi be ni eshɛ maŋ lɛ agbo lɛ naa etã lɛ, naa, awo gbonyo ko kɛmiije kpo, ni enyɛ bi kome ji lɛ; ni okulafo ji yoo lɛ, ni maŋ lɛ mli bii pii kɛ lɛ nyiɛ.

Luka 8:42

Ejaakɛ eyɛ biyoo kome pɛ ni eye aaafee afii nyɔŋma kɛ enyɔ, ni eehe egbo. Shi be ni Yesu yaa lɛ, asafoi lɛ mia lɛ.

Luka 9:38

Ni nuu ko jɛ mɛi lɛ ateŋ bo ekɛɛ, “Tsɔɔlɔ, miikpa bo fai, kwɛmɔ mibi lɛ, shi mibi kome ji lɛ.

Yoshua 18:26

kɛ Mizpe kɛ Kefira kɛ Moza.

Kojolɔi 10:17

Agbɛnɛ Amonbii lɛ hoo ta ni amɛbabɔ nsra yɛ Gilead. Israelbii hu bua amɛhe naa, ni amɛyabɔ nsra yɛ Mizpa.

Kojolɔi 11:11

No hewɔ lɛ, Yefta kɛ Gilead onukpai lɛ yiŋ tee, ni maŋ lɛ wo lɛ onukpa kɛ asafoiatsɛ amɛhã maŋ lɛ. Ni Yefta yawie wiemɔi nɛɛ fɛɛ yɛ Yehowa hiɛ yɛ Mizpa.

Kojolɔi 20:1

Kɛkɛ ni Israelbii lɛ fɛɛ, kɛjɛ Dan yɛ kooyigbɛ aahu kɛyashi Beersheba yɛ wuoyigbɛ kɛ Gilead shikpɔŋ lɛ yɛ bokãgbɛ fã kɛba. Amɛbabua amɛhe naa amɛfee asafo kpele kome yɛ Yehowa hiɛ yɛ Mizpa.

Kojolɔi 21:21

Kɛji Shilo oblayei lɛ je kpo ba amɛbajo lɛ, kɛkɛ lɛ nyɛfãa kpo kɛjɛa waintromi lɛ amli kɛbaa koni nyɛteŋ mɔ fɛɛ mɔ abamɔ eŋã yɛ Shilo oblayei lɛ ateŋ, koni nyɛkɛ amɛ aya Benyamin shikpɔŋ lɛ nɔ.