Kojolɔi 11:3 - ŊMALƐ KRƆŊKRƆŊ LƐ

³ Kɛkɛ ni Yefta jo foi yɛ enyɛmimɛi lɛ aŋɔɔ, ni eyahi Tob shikpɔŋ lɛ nɔ. Yakayaka gbɔmɛi komɛi bua amɛhe naa amɛyafata Yefta he, ni amɛkɛ lɛ fãa ta, amɛyayeɔ ojo.

Ṅmãle̱ Kroṅkroṅ Le̱

³ Ke̱ke̱ ni Iefta dšo foi ye̱ enyemimei le̱ aṅõ, ni eyahĩ ši ye̱ Tob šikpoṅ le̱ no̱; ní yakayaka gbomei komei *bua ame̱he nā ame̱yafata Iefta he, ni ame̱ke̱le̱ fãa ta. *9,4. 1 Sam. 23,2.

Kojolɔi 11:3 ပူးပေါင်းရင်းမြစ်များ

2 Samuel 10:6

Amonbii lɛ na akɛ amɛyata David he. No hewɔ lɛ, amɛtsu kɛtee ni ayabɔ Siriabii tabilɔi ni nyiɛɔ nane akpei nyɔŋmai enyɔ apaa kɛjɛ Bet-Rehob kɛ Zoba. Amɛyabɔ Maaka maŋtsɛ lɛ kɛ etabilɔi akpe kɛ Tob tabilɔi hu akpei nyɔŋma kɛ enyɔ apaa.

2 Samuel 10:8

Amonbii lɛ je kpo, ni amɛbagba ta yɛ amɛmaŋ, Raba, agbo lɛ naa. Shi Siriabii lɛ ni jɛ Zoba kɛ Rehob lɛ kɛ Tob hii lɛ kɛ Maaka hii lɛ sɔŋŋ tse amɛhe, ni amɛgba amɛta lɛ yɛ ŋa lɛ nɔ.

Bɔfoi 17:5

Shi efee Yudafoi krokomɛi lɛ atãŋ, ni amɛyakpala niiahetswialɔi lɛ ateŋ hii fɔ̃ji komɛi amɛfata amɛhe, ni be ni amɛfee asafo yuu lɛ, amɛwo maŋ lɛ mli hirihiri; ni amɛyatua Yason we lɛ amɛmiitao akɛ amɛkpala Paulo kɛ Sila amɛyahã maŋ lɛ.

Kojolɔi 11:2

Be ni bii nɛɛ badara lɛ, amɛshwie Yefta, ni amɛkɛɛ lɛ akɛ, “Oyeŋ gboshinii yɛ wɔtsɛ we lɛ, ejaakɛ yoo kroko bi ji bo.”

Kojolɔi 9:4

Amɛŋɔ jwiɛtɛi kukuji nyɔŋmai kpawo kɛjɛ Baal-Berit we lɛ amɛhã lɛ. Abimelek kɛ shika nɛɛ bɔ yakayaka gbɔmɛi yibulɔi apaa koni amɛnyiɛ esɛɛ.

1 Samuel 22:2

Kɛkɛ ni mɛi fɛɛ ni aawa amɛ yi kɛ mɛi hu ni hiɛhiɛ nyɔji kɛ mɛi fɛɛ hu ni bɛ shihilɛ he miishɛɛ lɛ bua amɛhe naa ni amɛyafata David he. Kɛkɛ ni David batsɔ̃ amɛsafoiatsɛ. Hii aaafee ohai ejwɛ sɔŋŋ ni bafata David he nɛɛ.

1 Samuel 27:2

Enɛ hã David kɛ ewebii hii ohai ekpaa ni fata ehe lɛ shwie nɔ kɛtee Maok bi Akish, Gat maŋtsɛ lɛ, ŋɔɔ.