Kojolɔi 10:9 - ŊMALƐ KRƆŊKRƆŊ LƐ

⁹ Agbɛnɛ hu Amonbii lɛ bafo Yordan koni amɛkɛ Yuda kɛ Benyamin we lɛ kɛ Efraim abawu. Enɛ hã Israelbii lɛ fee yeyeeye naakpa.

Ṅmãle̱ Kroṅkroṅ Le̱

⁹ Ni asaṅ Amonbii le̱ bafo Iordan ni ame̱ke̱ Iuda hũ ke̱ Benyamin ke̱ Efraim we le̱ bawu; ni Israel fe yeyēye naakpa.

Kojolɔi 10:9 ပူးပေါင်းရင်းမြစ်များ

2 Kronika 14:9

Kɛkɛ ni Etiopianyo ko ni gbɛi ji Zera lɛ fã ta kɛba koni ebatua Yudabii. Ehiɛ tabilɔi akpe toi akpe kɛ tayaa shwiilii hu ohai etɛ̃; ni eba aahu kɛbashɛ Maresha tɔ̃ɔ.

2 Kronika 15:5

Nakai bei lɛ amli lɛ mɔ ni yaa ni jio, mɔ ni baa ni jio, amɛ fɛɛ amɛbɛ hejɔlɛ, ejaakɛ kpokpai fɛɛ anɔ ejɔɔɔ kɛ basabasa nifeemɔi.

5 Mose 28:65

Onaŋ hejɔlɛ, ni asaŋ onaŋ nanemaahe hu yɛ maji nɛɛ ateŋ; aaahã otsui afã, ni ooofee yeyeeye kɛ tsuiyeli yɛ jɛi;

Kojolɔi 10:10

Kɛkɛ ni amɛbolɔ amɛtsɛ Yehowa amɛkɛɛ: “Wɔfee esha wɔshi bo; ejaakɛ wɔkwa bo, wɔNyɔŋmɔ lɛ, ni wɔyasɔmɔ Baal nyɔŋmɔi lɛ.”

Kojolɔi 10:8

Filistibii kɛ Amonbii nɛɛ hao Israelbii lɛ ni amɛbɔ̃i amɛ nyɔŋyeli yɛ nakai afi lɛ nɔ. Amɛye Israelbii fɛɛ ni yɔɔ Yordan sɛɛ yɛ Amorbii ashikpɔŋ ni yɔɔ Gilead lɛ nɔ lɛ, nɛkɛ nyɔŋ nɛɛ afii nyɔŋma kɛ kpaanyɔ sɔŋŋ.

Kojolɔi 11:4

No sɛɛ lɛ, Amonbii lɛ fã ta wo Israel.

Kojolɔi 2:15

He fɛɛ he ni Israelbii lɛ aaafã ta kɛaatee lɛ, Yehowa kɛ amɛ yeɔ kɛ joomɔ tamɔ bɔ ni ebɔ amɛ kɔkɔ kɛ bɔ ni ekã amɛ kitã lɛ. Enɛ hã efi Israelbii lɛ waa naakpa.

Kojolɔi 6:2

Midianbii lɛ anineshi wa naakpa yɛ Israelbii lɛ anɔ. Midianbii lɛ ahewɔ lɛ, Israelbii lɛ tao bui yɛ gɔji lɛ anɔ, kɛ tɛkploi kɛ mɔji amɛhã amɛhe.

1 Samuel 13:6

Be ni Israel hii lɛ na akɛ nine miitao akɛ etsɔ̃ɔ amɛnɔ (ejaakɛ ta lɛ miinyɛ amɛ) lɛ, mɛi yateetee amɛhe yɛ tɛkploi kɛ bui kɛ tɛsai kɛ gbonyobui kɛ nubui amli,

1 Samuel 28:15

Kɛkɛ ni Samuel bi Saul akɛ, “Mɛɛ hewɔ obagba minaa kɛ tsɛmɔ ni obatsɛ mi nɛɛ?” Saul jie naa ekɛɛ akɛ, “Efi mi naakpa. Filistibii lɛ kɛ mi jwere ta nɔ, ni Nyɔŋmɔ hu eje misɛɛ bɔ sɔŋŋ ni yɛ gbalɔi anaa jio, yɛ lamɔ mli jio, Nyɔŋmɔ efooo midaaŋ kwraa dɔŋŋ. Enɛ hewɔ ni mibatsɛ bo nɛɛ koni otsɔ̃ɔ mi nɔ ni mifee.”