Kojolɔi 10:6 - ŊMALƐ KRƆŊKRƆŊ LƐ

⁶ Israelbii lɛ fee efɔŋ amɛshi Yehowa ekoŋŋ. Amɛyasɔmɔ Baal nyɔŋmɔi lɛ kɛ Astarte nyɔŋmɔi lɛ ni ji Siriabii kɛ Sidonbii kɛ Moabbii kɛ Amonbii kɛ Filistibii anyɔŋmɔi lɛ. Amɛkwa Yehowa, ni amɛsɔmɔɔɔ lɛ hu.

Ṅmãle̱ Kroṅkroṅ Le̱

⁶ Ni Israelbii le̱ fe efõṅ ye̱ Iehowa hĩe ekoṅ, ni ame̱yasúmo̱ Baalim ke̱ Aštarot ke̱ Aram nyoṅmo̱i le̱ ke̱ Zidon nyoṅmo̱i le̱ ke̱ Moab nyoṅmo̱i le̱ ke̱ Amonbii le̱ anyoṅmo̱i le̱ ke̱ Filistibii le̱ anyoṅmo̱i le̱, ni ame̱kwa Iehowa, ni ame̱súmo̱o̱le̱.

Kojolɔi 10:6 ပူးပေါင်းရင်းမြစ်များ

1 Maŋtsɛmɛi 11:33

Mibafee enɛ, ejaakɛ Solomon ekwa mi, eyaja Astarte, Sidonbii lɛ anyɔŋmɔ lɛ, kɛ Kemosh, Moab nyɔŋmɔ lɛ, kɛ Molek, Amonbii anyɔŋmɔ lɛ; ebaaa ejeŋ jogbaŋŋ koni efee jalɛnii ni sa mihiɛ ni eye mikpɔi kɛ mimlai lɛ anɔ, tamɔ bɔ ni etsɛ David fee lɛ.

1 Maŋtsɛmɛi 11:5

Ejaakɛ Solomon yaja Astarte, Sidonbii lɛ anyɔŋmɔ lɛ, kɛ Molek, Amonbii lɛ anyɔŋmɔ, ni Yehowa hiɔ lɛ.

1 Maŋtsɛmɛi 11:7

Kɛkɛ ni Solomon mã jamɔhe ehã Kemosh, Moabbii anyɔŋmɔ ni Yehowa hiɔ lɛ, kɛ Molek ni ji Amonbii anyɔŋmɔ ni Yehowa hiɔ lɛ hu, yɛ Yerusalɛm bokãgbɛ.

1 Maŋtsɛmɛi 16:31

Akɛni eshai ni Nebat bi Yeroboam fee lɛ jeee fɛifɛi yɛ Ahab hiɛ hewɔ lɛ, etee nɔ, ni eyaŋɔ Sidonbii amaŋtsɛ Etbaal biyoo Yezebel lɛ akɛ ŋa. No hewɔ lɛ, Ahab tee ni eyaja, ni esɔ̃mɔ Baal.

2 Maŋtsɛmɛi 17:16

Ni amɛkwa Yehowa amɛNyɔŋmɔ lɛ kitãi lɛ, ni amɛfee shika tsinabii enyɔ amãgã amɛhã amɛhe. Amɛfee Ashera amãgã, ni amɛja ŋulamii, ni amɛsɔ̃mɔ Baal.

2 Maŋtsɛmɛi 23:13

Kɛkɛ ni maŋtsɛ Yosia bule jamɔhei grɔŋŋi lɛ ni maŋtsɛ Solomon mamɔ yɛ Yerusalɛm bokãgbɛ lɛ, kɛ afɔleshãa latɛi ni yɔɔ Mugɔŋ lɛ wuoyigbɛ ni akɛjaa Astarte, Sidonbii lɛ amãgã lɛ, kɛ Kemosh, Moabbii lɛ amãgã lɛ, kɛ Molek, Amonbii lɛ amãgã lɛ.

2 Kronika 28:23

Eshã afɔlei ehã Damaskobii ni ye enɔ kunim yɛ ta mli lɛ ajemawɔji lɛ. Ekɛɛmɔ ji akɛ, “Siriabii ajemawɔji lɛ yeɔ buaa Siria maŋtsɛmɛi lɛ, no hewɔ lɛ, kɛji mi hu mishã afɔle mihã amɛ lɛ, amɛaaye amɛbua mi.” Shi enɛ ni efee lɛ moŋ hã Ahaz kɛ Israel fɛɛ hiɛ kpãtã butuu

Lalai 106:36

Yehowa webii lɛ ja maŋsɛɛbii amãgãi lɛ, ni no hã amɛnane tɔ̃tɔ̃.

Yesaia 23:4

Ao Sidon, ohiɛ agbo; ejaakɛ ŋshɔ ewie, ŋshɔ shishi diɛŋtsɛ ewie akɛ, “Mikɔ̃mɔko dã, asaŋ mifɔko dã. Milɛko oblahii dã lɛ, milɛko oblayei hu dã.”

Yeremia 2:13

Ejaakɛ miwebii lɛ efee nifɔɔjianii srɔtoi enyɔ: amɛkwa mi, mi, ni mi ji wala nu fɛɛ jɛɛhe lɛ; ni amɛyakpɛkpɛɛ nubui amɛhã amɛhe, nubui ni ejwra ni nyɛɛɛ nu ato.”

Yeremia 2:20

“Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

Yeremia 32:23

Amɛba ni amɛbaŋɔ ni amɛkɛfee amɛnɔ. Shi amɛyeee ogbee nɔ, ni amɛbaaa amɛjeŋ yɛ omla lɛ naa. Nibii fɛɛ ni owo amɛ kitã yɛ he akɛ amɛfee lɛ, amɛfeee ekome folo nɛkɛ. No hewɔ ni ohã nɛkɛ sane fɔŋ nɛɛ ba amɛnɔ nɛɛ.

Ezekiel 27:16

Siria hu kɛ bo ye jara ejaakɛ oyɛ nii babaoo. Amɛkɛ kafuŋklei, mama afaseo tsuru ni alo nii awo mli, kɛ klala kpakpa, kɛ tɛ̃ŋlɛo kɛ rubitɛi baa, ni amɛkɛbatsakeɔ oguɔ nibii lɛ.

5 Mose 13:6

“Onyɛmi ni ji onyɛ musuŋbi, loo obinuu, loo obiyoo, loo oŋa ni kãa osɛɛ, loo oshieŋtsɛ ko ni okɛ lɛ shɛɔ hulu wɔɔ aaalaka bo akɛ ohã nyɛya ni nyɛyaja nyɔŋmɔi krokomɛi ni nyɛ loo nyɛtsɛmɛi lɛ tete leee lɛ,

5 Mose 13:8

kaakpɛlɛ̃, ni kaabo lɛ toi hu, kaana lɛ mɔbɔ, okabaa eyi, ni okatee enɔ hu,

5 Mose 31:16

Kɛkɛ ni Yehowa kɛɛ Mose akɛ, “Naa, eshwɛ fioo ni obaagbo, ni ogbele sɛɛ lɛ maŋ nɛɛ baakwa mi, ni amɛbaaja nyɔŋmɔi krokomɛi ni amɛyaanina yɛ shikpɔŋ ni amɛyaa nɔ lɛ nɔ lɛ. Amɛbaakwa mi, ni amɛaaku kpãŋmɔ ni mi kɛ amɛ ekpãŋ lɛ mli.

5 Mose 31:17

Kɛji eba mli nakai lɛ mimli aaawo amɛ la yɛ nakai be lɛ mli; ni mibakwa amɛ, ni mifeŋ amɛ ejurɔ, ni aaaye amɛnɔ. Saji fɔ̃ji babaoo kɛ haomɔi baaba amɛnɔ, ni ebaahã amɛbi yɛ nakai be lɛ mli akɛ, ‘Kwɛɛ jeee Yehowa, wɔNyɔŋmɔ lɛ, ni bɛ wɔteŋ dɔŋŋ lɛ hewɔ ni nɛkɛ nifɔɔjianii nɛɛ eba wɔnɔ nɛɛ?’

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

Yoshua 13:31

kɛ Gilead shikpɔŋ lɛ fã kɛ agbɛnɛ Ashtarot kɛ Edrei, ni ji Bashan maŋtsɛ Og maŋtsɛyelihe lɛ mli maji wuji lɛ. Akɛ shikpɔŋ nɛɛ hã Manase bi Makir shwiei lɛ yɛ amɛwekui lɛ anaa akɛ Manasebii akutso lɛ fã lɛ gbɛfaŋ nɔ.

Kojolɔi 10:5

Yair gbo, ni afu lɛ yɛ Kamon.

Kojolɔi 11:24

Ani nɔ ni onyɔŋmɔ Kemosh kɛhã bo akɛ onɔ lɛ, oŋɔɔɔ? Wɔ hu, nɔ fɛɛ nɔ ni Yehowa, wɔ Nyɔŋmɔ lɛ, ehã wɔ lɛ, wɔɔŋɔ akɛ wɔnɔ.

Kojolɔi 13:1

Israelbii lɛ fee esha amɛshi Yehowa ekoŋŋ, ni Yehowa hã Filistibii ye amɛnɔ afii nyɔŋmai ejwɛ.

Kojolɔi 16:23

Eba mli akɛ Filistibii alumɛi lɛ babua amɛhe naa koni amɛshã afɔle kpele amɛhã amɛnyɔŋmɔ Dagon lɛ, koni amɛnya, ejaakɛ amɛkɛɛ, “Wɔnyɔŋmɔ lɛ ehã wɔye wɔhenyɛlɔ Samson lɛ nɔ kunim.”

Kojolɔi 3:7

Israelbii lɛ fee efɔŋ amɛshi Yehowa. Amɛhiɛ kpa Yehowa, amɛNyɔŋmɔ lɛ nɔ, ni amɛyasɔmɔ Baal nyɔŋmɔi lɛ kɛ Ashera nyɔŋmɔi lɛ.

Kojolɔi 4:1

Ehud gbele sɛɛ lɛ, Israelbii lɛ fee efɔŋ ekoŋŋ amɛshi Yehowa.

Kojolɔi 6:1

Israelbii lɛ fee efɔŋ amɛshi Yehowa. No hewɔ lɛ, ehã Midianbii ye Israelbii lɛ anɔ afii kpawo.

Kojolɔi 8:33

Shi be ni Gideon egbo sɛɛ lɛ, Israelbii lɛ ku amɛsɛɛ amɛyasɔmɔ Baal nyɔŋmɔi lɛ, ni amɛkɛ Baal-Berit fee amɛnyɔŋmɔ.

1 Samuel 5:2

ni amɛkɛtee nyɔŋmɔ ni amɛyɔɔ ni egbɛi ji Dagon lɛ we lɛ, ni amɛkɛyama Dagon amãgã lɛ masɛi.