Hosea 9:9 - ŊMALƐ KRƆŊKRƆŊ LƐ

⁹ Amɛbote eshafeemɔ mli vii tamɔ bɔ ni eba yɛ Gibea lɛ. No hewɔ lɛ, agbɛnɛ mibani eshai ni amɛfee lɛ ahe, ni mibawo amɛ nyɔmɔ.

Ṅmãle̱ Kroṅkroṅ Le̱

⁹ Ame̱bote fitemo̱ mli vī̃, take̱ boni afe *ye̱ Gibea gbĩĩ le̱ amli le̱; eekai ame̱nišaianii le̱, eewo amehe ešai le̱ ahe nyõmo̱! *Kodš. 19,22-30; 20,13.

Hosea 9:9 ပူးပေါင်းရင်းမြစ်များ

2 Mose 32:7

Kɛkɛ ni Yehowa kɛɛ Mose akɛ, “Kpelekemɔ shi oya ni oya, shi omaŋbii lɛ ni okɛjɛ Ijipt kɛba lɛ ewo amɛhe muji.

Yesaia 24:5

Shikpɔŋ lɛ nɔ bii lɛ ewo shikpɔŋ lɛ he muji, ejaakɛ amɛtɔ̃ mlai lɛ anɔ, ni amɛyeee akpɔi lɛ anɔ, ni amɛku naanɔ kpãŋmɔ lɛ mli.

Yesaia 31:6

“Ao Israelbii, nyɛkua nyɛsɛɛ nyɛbaa mɔ ni nyɛtse ehiɛ atua lɛ ŋɔɔ.

Yeremia 14:10

Bɔ ni Yehowa kɛɛ yɛ gbɔmɛi nɛɛ ahe nɛ, “Nɛkɛ amɛsumɔ akɛ amɛkpa shi, ni etɔɔɔ amɛ kɛ shikpaa lɛ. No hewɔ lɛ, mi Yehowa, mihereŋ amɛ atuu dɔŋŋ. Agbɛnɛ mibakai amɛnishaianii lɛ moŋ, ni mibagbala amɛtoi yɛ amɛhe eshai lɛ ahewɔ.”

Ezekiel 21:28

“Ni bo Gbɔmɔ Adesa, gbaa ni okɛɛ Amonbii lɛ akɛ, bɔ ni Nuŋtsɔ Yehowa kɛɔ nyɛ yɛ ahora ni amɛbɔɔ Israel lɛ he nɛ; kɛɛmɔ akɛ: ‘Klante, agbala klante kɛhã gbɔmɔgbee; asha he kaŋkaŋ, ni ekpɛ tamɔ srawa.’ ”

Hosea 10:9

Yehowa kɛɛ akɛ, “Israel, ofee esha kɛjɛ Gibea esha lɛ nɔ beebe, ni ohiɛ esha lɛ mli oofee lolo. Mɛni hewɔ esaaa akɛ ta ni afã ashi nɔshafeelɔi lɛ ninaa bo yɛ Gibea?

Hosea 4:9

Magbala osɔfoi lɛ atoi tamɔ maŋbii lɛ nɔŋŋ yɛ amɛjeŋba hewɔ; mawo amɛnishaianii ni amɛfee lɛ he nyɔmɔ.

Hosea 5:8

“Akpã ta tɛtɛrɛmantɛrɛ yɛ Gibea! Akpã koofɛŋ lɛ yɛ Rama! Abɔ oshe yɛ Bet-Aven! Ohe akpokpo, Benyamin!

Hosea 7:2

Efeee amɛ kwraa akɛ miina amɛnifɔɔjianii lɛ fɛɛ. Shi naa amɛnifeemɔnii lɛ ebɔle amɛ, ni miikwɛ.”

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

Hosea 9:8

Gbalɔ lɛ ato lɛ akɛ bulɔ ahã Israel, miNyɔŋmɔ lɛ webii lɛ. Shi he fɛɛ he ni eeetsɔ̃ lɛ atsɔ̃ lɛ tsɔne, ni eNyɔŋmɔ lɛ shĩa diɛŋtsɛ mli lɛ nyɛɛ anyɛɔ lɛ.

Zefania 3:7

Mikɛɛ akɛ, ‘Anɔkwa, eeeshe mi gbeyei, ni eeekpɛlɛ̃ mitsɔsemɔ lɛ, ni ekuŋ ehiɛ efɔŋ mimlai ni miwo lɛ lɛ eko eko nɔ.’ Shi fɛɛ sɛɛ lɛ babaoo moŋ ni amɛfee nibii gbohiigbohii ji no.”

Kojolɔi 19:12

Shi enuŋtsɔ lɛ kɛɛ lɛ akɛ, “Wɔgbaŋ kɛyaŋ mɛi kpɔji amaŋ ko mli, maŋ ni jeee Israelbii amaŋ. Shi moŋ wɔbaafoŋ kɛya Gibea.” Ekɛɛ etsulɔ lɛ akɛ, “Wɔtsi wɔshɛ wɔhiɛgbɛ he ko ni wɔyawɔ Gibea loo Rama.”

Kojolɔi 19:16

Kɛkɛ lɛ naa nuumo ko ni eyatsu nii yɛ eŋmɔ mli ni eku esɛɛ eeba gbɛkɛnaashi mli. Efraim gɔji lɛ anɔ nyo ji lɛ, ni ebato gbɔ yɛ Gibea maŋ lɛ mli. Gibeabii lɛ Benyaminbii ni.

Kojolɔi 19:22

Shi be ni amɛmii eshɛ amɛhe lɛ, maŋ lɛ mli bii komɛi ni ji hii yakagbɔmɛi babɔle shĩa lɛ kɛkpe. Amɛshimɔ shinaa lɛ, ni amɛkɛɛ shĩatsɛ ni ji nuumo lɛ akɛ, “Okɛ nuu lɛ ni bato oshĩa lɛ aje kpo kɛba ni wɔkɛ lɛ awɔ.”

Kojolɔi 20:43

Israelbii lɛ sa Benyaminbii lɛ ayi, ni amɛnyiɛ Benyaminbii lɛ asɛɛ kɛyashi Noha. Amɛnaanaa Benyaminbii lɛ anɔ aahu kɛyashi Gibea ŋlɛnɔ yɛ bokãgbɛ.