Hosea 9:8 - ŊMALƐ KRƆŊKRƆŊ LƐ

⁸ Gbalɔ lɛ ato lɛ akɛ bulɔ ahã Israel, miNyɔŋmɔ lɛ webii lɛ. Shi he fɛɛ he ni eeetsɔ̃ lɛ atsɔ̃ lɛ tsɔne, ni eNyɔŋmɔ lɛ shĩa diɛŋtsɛ mli lɛ nyɛɛ anyɛɔ lɛ.

Ṅmãle̱ Kroṅkroṅ Le̱

⁸ Efraim le̱, sralo̱ dšile̱ ye̱ mi-Nyoṅmo̱ le̱ mase̱i. Gbalo̱ le̱, *loflõdũlo̱ tšõne ye̱ egbe̱i fẽ no̱, nyē̱ ye̱ e-Nyoṅmo̱ le̱ we le̱. *5,1.

Hosea 9:8 ပူးပေါင်းရင်းမြစ်များ

1 Maŋtsɛmɛi 17:1

Gbalɔ ko ni gbɛi ji Elia, Tishbinyo ni ejɛ Gilead, lɛ kɛɛ Maŋtsɛ Ahab akɛ, “Miikɛɛ bo, yɛ Yehowa, Israel Nyɔŋmɔ hiɛkãalɔ lɛ, mɔ ni misɔ̃mɔɔ lɛ, gbɛi mli akɛ bɔ enyɔŋ, ni nu hu enɛŋ kɛyashi biɛ afii enyɔ loo afii etɛ̃, bɛja mi, miwie dã.”

1 Maŋtsɛmɛi 18:1

Be kplaŋŋ sɛɛ lɛ, yɛ nuhɔmɔ lɛ afi ni ji etɛ̃ lɛ mli lɛ, Yehowa kɛ Elia wie, ni ekɛɛ lɛ akɛ, “Yaa koni okɛ ohe ayatsɔ̃ɔ Ahab, ni mahã nu anɛ yɛ shikpɔŋ lɛ nɔ.”

1 Maŋtsɛmɛi 18:19

No hewɔ lɛ, agbɛnɛ tsu koni ayabua Israel fɛɛ naa abahã mi yɛ Karmel Gɔŋ lɛ nɔ: Baal gbalɔi ohai ejwɛ kɛ nyɔŋmai enumɔ lɛ, kɛ Ashera gbalɔi ohai ejwɛ lɛ kɛ mɛi ni yeɔ nii yɛ Yezebel okplɔ̃ lɛ he lɛ hu fɛɛ aba.”

1 Maŋtsɛmɛi 22:11

Gbalɔi lɛ ateŋ mɔ ko ni ji Kenaana bi Zedekia lɛ fee dade akloŋtoi, kɛkɛ ni ekɛɛ Ahab akɛ, “Bɔ ni Yehowa kɛɛ nɛ: ‘Enɛɛmɛi okɛbaashimɔ Siriabii lɛ kɛyashi beyinɔ ni oookpãtã amɛhiɛ.’ ”

1 Maŋtsɛmɛi 22:22

Ni Yehowa bi lɛ akɛ, “Yɛ mɛɛ gbɛ nɔ?” Mumɔ lɛ to he ekɛɛ, “Maya, ni mibatsɔ̃ amale mumɔ yɛ gbalɔi lɛ fɛɛ anaa.” Kɛkɛ ni Yehowa kɛɛ akɛ, “Yaa koni oyalaka lɛ; onine baashɛ enɔ.”

1 Maŋtsɛmɛi 22:28

Shi Mikaia kɛɛ akɛ, “Kɛji otee, ni oyaye omanye, ni oba fĩi, belɛ jeee Yehowa ni tsɔ̃ minɔ wie lɛ.” Kɛkɛ ni ekɛshi sɛɛ akɛ, “Nyɛ mɛi fɛɛ, nyɛboa nɔ ni mikɛɛ lɛ toi.”

1 Maŋtsɛmɛi 22:6

No hewɔ lɛ, Israel Maŋtsɛ Ahab bua gbalɔi lɛ anaa kɛkpe, amɛyi aaafee ohai ejwɛ, ni ebi amɛ akɛ, “Miya miyatua Ramot-Gilead lo, aloo mikaya?” Gbalɔi lɛ to he akɛ, “Yaa, ni Yehowa baatu maŋ lɛ ewo odɛ̃ŋ.”

2 Maŋtsɛmɛi 13:21

Ni eba mli akɛ, gbi ko be ni amɛyaafu nuu ko lɛ, naa, amɛna ojoyeli ta ko. No hewɔ lɛ, amɛshɛ nuu lɛ gbonyo amɛfɔ̃ Elisha gbonyo bu lɛ mli, kɛkɛ ni amɛjo foi. Ni be ni nuu lɛ gbonyo lɛ he yasa Elisha wui lɛ ahe pɛ, kɛkɛ ni gbonyo lɛ hiɛ tsɛ̃, ni ete shi edamɔ enaji anɔ.

2 Maŋtsɛmɛi 2:14

Kɛkɛ ni ekɔ Elia atade ni je ehe egbee shi lɛ, ni ekɛtswa nu lɛ mli, ni ekɛɛ akɛ, “Nɛgbɛ Yehowa, Elia Nyɔŋmɔ lɛ, yɔɔ?” Ni be ni ekɛ atade lɛ tswa nu lɛ mli lɛ, nu lɛ mli gba enyɔ, kɛtee biɛ kɛ biɛ. Ni Elisha tsɔ̃ mli kɛho.

2 Maŋtsɛmɛi 2:21

Ni etee nuhiŋmɛi lɛ he, ni eyatsi ŋoo lɛ ewo mli, ni ekɛɛ akɛ, “Bɔ ni Yehowa kɛɛ nɛ, ‘Mifee nu nɛɛ krɔŋŋ, ni ehaŋ gbele loo sharakemɔ aba dɔŋŋ.’ ”

2 Maŋtsɛmɛi 4:41

Elisha kɛɛ amɛ akɛ, “Nyɛkɛ mamu abaa!” Kɛkɛ ni ekɛ mamu lɛ wo kukwɛi lɛ mli, ni ekɛɛ, “Nyɛtsɔa nyɛhãa mɛi lɛ ni amɛyea.” Ni nɔ ko fɔŋ ko efeee amɛ.

2 Maŋtsɛmɛi 4:43

Shi etsulɔ lɛ kɛɛ, “Ani niyenii nɛɛ aaashɛ mɛi oha naa lo?” Elisha hã lɛ hetoo akɛ, “Bo lɛ, ŋɔɔ ohã mɛi lɛ ni amɛye! Ejaakɛ bɔ ni Yehowa kɛɛ nɛ, ‘Amɛaaye aahu ni eko aaashwɛ.’ ”

2 Maŋtsɛmɛi 5:14

No hewɔ lɛ, Naaman kpeleke shi, ni ekɛ ehe yatsɔ Yordan Faa lɛ mli shii kpawo tamɔ bɔ ni Yehowa Nyɔŋmɔ gbɔmɔ lɛ wie lɛ, ni ehe tã, ni ehewolo nɔ bafee trotro ekoŋŋ tamɔ gbekɛ fioo hewolo.

2 Maŋtsɛmɛi 5:27

Enɛ hewɔ lɛ, Naaman kpiti lɛ aaatsɛŋe bo kɛ oshwiei fɛɛ kɛaatee naanɔ.” Ni eje ehiɛ eje kpo kɛ ehe kpiti sakoo tamɔ ayilɔ.

2 Maŋtsɛmɛi 7:19

nakai asafoiatsɛ lɛ ji mɔ ni here Nyɔŋmɔ gbɔmɔ lɛ nɔ akɛ, “Kɛji Yehowa aaagbele samfɛji yɛ ŋwɛi po, ni ŋmãa aaanɛ kɛaajɛ ŋwɛi ashwie shi lɛ, ani wiemɔ nɛɛ aaaba mli lo?” lɛ. Ni Elisha kɛɛ lɛ akɛ, “Naa, bo diɛŋtsɛ ooona kɛ ohiŋmɛii, shi oyeŋ eko kɔkɔɔkɔ lɛ.”

2 Maŋtsɛmɛi 7:2

Kɛkɛ ni asafoiatsɛ lɛ ni maŋtsɛ lɛ kpasaa enine lɛ here Nyɔŋmɔ gbɔmɔ lɛ nɔ ni ekɛɛ Elisha akɛ, “Naa, kɛji Yehowa aaagbele samfɛji yɛ ŋwɛi po ni ŋmãa aaanɛ kɛaajɛ ŋwɛi ashwie shi lɛ, ani wiemɔ nɛɛ aaaba mli lo?” Ni Elisha kɛɛ, “Na ooona kɛ bo diɛŋtsɛ ohiŋmɛi, shi oyeŋ eko kɔkɔɔkɔ.”

Lalai 124:7

Wɔwala eje amɛdɛŋ tamɔ loofɔlɔ jeɔ loofɔlɔdulɔi atsɔne mli. Tsɔne kpãa lɛ etse ni wɔje mli.

Jajelɔ 9:12

Ejaakɛ gbɔmɔ adesa leee ebe. Kɛji be lɛ banina lɛ trukaa lɛ, etsɔ̃ɔ tamɔ faaŋ loo ni ahiɛ, loo loofɔji ni akɛ tsɔne edu amɛ.

Salomo Lalai 3:3

Bulɔi ni buɔ yɛ maŋ lɛ mli lɛ, na mi. Mibi amɛ akɛ, “Ani nyɛna mɔ ni mitsui sumɔɔ lɛ lo?”

Yesaia 62:6

Ao Yerusalɛm, mito bulɔi yɛ ogbogboi lɛ anɔ. Shwaneshwane kɛ nyɔɔŋnyɔɔŋ fɛɛ lɛ, amɛmuaŋ amɛnaa. Nyɛ mɛi ni nyɛkaiɔ Yehowa shiwoi lɛ, nyɛkajɔa nyɛhe;

Yeremia 11:19

Mitamɔ too gwantɛŋ ni he jɔ, ni akpala lɛ kɛtee koni ayagbe lɛ. Shi mileee kwraa akɛ mi mihe ŋaa fɔŋ amɛto be ni akɛɛ akɛ, “Nyɛhãa wɔkpatãa tso lɛ kɛ eyibii lɛ fɛɛ hiɛ; nyɛhãa wɔjiea lɛ yɛ hiɛkãalɔi aje lɛ mli koni akakai lɛ kwrakwra dɔŋŋ lɛ.”

Yeremia 14:13

Kɛkɛ ni mikɛɛ akɛ, “Ao! Nuŋtsɔ Nyɔŋmɔ, naa, gbalɔi lɛ kɛɔ gbɔmɛi nɛɛ akɛ, ‘Nyɛnaŋ ta ko, ni nyɛnaŋ hɔmɔ ko; shi moŋ mahã nyɛ toiŋjɔlɛ ni sɛɛ efooo yɛ biɛ nɛɛ.’ ”

Yeremia 23:13

Mina esha ni Samaria gbalɔi lɛ fee lɛ; amɛtsɔ̃ Baal nɔ amɛgba, ni amɛhã mimaŋ Israel du gbɛ.

Yeremia 31:6

Ejaakɛ be ko miiba, ni bulɔi aaabolɔ yɛ Efraim gɔji lɛ anɔ akɛ, ‘Nyɛtea shi koni wɔya Yehowa, wɔNyɔŋmɔ lɛ, ŋɔɔ yɛ Zion.’ ”

Yeremia 6:14

Amɛtsaa miwebii lɛ apilamɔ lɛ jabejabe ko kɛkɛ, ni amɛkɛɔ amɛ akɛ, ‘Omanye ei! Omanye ei!’ Be mli ni omanye ko kwraa bɛ.

Yeremia 6:17

Kɛkɛ ni Yehowa kɛɛ akɛ, “Naa, miito bulɔi mahã nyɛ, ni miikɛɛ akɛ, ‘Nyɛboa tɛtɛrɛmantɛrɛ gbɛɛmɔ toi, ni nyɛye nɔ.’ Shi amɛkɛɛ akɛ, ‘Wɔboŋ toi!’ ”

Yāfó 2:14

Ninai ni ogbalɔi lɛ egba bo lɛ, apasa kɛ shishiumɔ sɔŋŋ ni; amɛkpako onifɔɔjianii lɛ ahe mama koni no ahã oje nomŋɔɔ mli; shi moŋ amale kɛ lakamɔ ninai sɔŋŋ amɛna.

Yāfó 4:13

Shi eba mli, ejaakɛ Yerusalɛm gbalɔi lɛ fee esha, ni esɔfoi lɛ fee nɔ fɔŋ; amɛshwie jalɔi ala shi yɛ maŋ lɛ mli.

Ezekiel 3:17

“Gbɔmɔ Adesa, mito bo bulɔ mihã Israel we lɛ; ni be fɛɛ be ni ooonu minaa wiemɔ lɛ, obɔ amɛ kɔkɔ ohã mi.

Ezekiel 33:7

“No hewɔ lɛ, bo Gbɔmɔ Adesa, mito bo bulɔ mihã Israel we lɛ. Be fɛɛ be ni ooonu wiemɔ ko kɛaajɛ minaa lɛ, bɔɔ amɛ kɔkɔ oha mi.

Hosea 5:1

“Nyɛ Osɔfoi, nyɛboa sane nɛɛ toi! Nyɛ Israelbii, nyɛkaa toi! Nyɛ maŋtsɛ we lɛ mli bii, nyɛfea toi, shi naa, abaakojo nyɛ fɛɛ, ejaakɛ nyɛfee nyɛhe tamɔ akpa ni atsɔ̃ yɛ Mizpa, kɛ yaa ni akɛlɛɛ shi yɛ Tabor Gɔŋ lɛ nɔ.

Hosea 9:7

Toigbalamɔ gbii lɛ eshɛ, be ni abaawo mɔ fɛɛ mɔ nyɔmɔ bɔ pɛ ni sa lɛ lɛ eshɛ. Israel baana ele akɛ gbalɔ lɛ buulu ni, ni mumɔŋ gbɔmɔ lɛ sɛkɛyelɔ ni yɛ enishaianii hewɔ.

Hosea 9:9

Amɛbote eshafeemɔ mli vii tamɔ bɔ ni eba yɛ Gibea lɛ. No hewɔ lɛ, agbɛnɛ mibani eshai ni amɛfee lɛ ahe, ni mibawo amɛ nyɔmɔ.

Mika 7:4

Mɔ ni kɛɛ ehi fe fɛɛ yɛ amɛteŋ lɛ, etamɔ kpitikpiti ŋmei, ni mɔ ni kɛɛ anɔkwafo ji lɛ fe fɛɛ lɛ, ŋmei afabaŋ po hi fe lɛ. Shi gbi ni Nyɔŋmɔ baagbala amɛtoi lɛ eshɛ taakɛ ebɔ amɛ kɔkɔ kɛtsɔ̃ egbalɔi lɛ anɔ lɛ, agbɛnɛ amɛ jijaa.

Yohane 15:24

Eji mitsuuu nitsumɔi ni mɔ ko mɔ ko tsuko eko dã yɛ amɛteŋ kulɛ, esha ko bɛ amɛhe; shi agbɛnɛ lɛ amɛna, ni kɛ̃lɛ amɛmiinyɛ mi kɛ miTsɛ fɛɛ.

Romabii 3:7

Shi kɛ mimalemɔ lɛ hãa Nyɔŋmɔ anɔkwale lɛ faa kɛtekeɔ nɔ hã enunyam lɛ, mɛɛba mɔ ni akã he akojoɔ mi akɛ eshafeelɔ?

Hebribii 13:17

Nyɛboa nyɛtsɔ̃ɔlɔi lɛ atoi, ni nyɛbaa nyɛhe shi nyɛhãa amɛ; ejaakɛ amɛ amɛbuɔ nyɛsusumai lɛ ahe akɛ mɛi ni baabu he akɔntaa, koni amɛkɛ miishɛɛ afee nii nɛɛ, shi jeee kɛ ŋtsɔidɔɔmɔ; ejaakɛ no ehiii hãaa nyɛ.