Hosea 9:7 - ŊMALƐ KRƆŊKRƆŊ LƐ

⁷ Toigbalamɔ gbii lɛ eshɛ, be ni abaawo mɔ fɛɛ mɔ nyɔmɔ bɔ pɛ ni sa lɛ lɛ eshɛ. Israel baana ele akɛ gbalɔ lɛ buulu ni, ni mumɔŋ gbɔmɔ lɛ sɛkɛyelɔ ni yɛ enishaianii hewɔ.

Ṅmãle̱ Kroṅkroṅ Le̱

⁷ Sramo̱ gbĩĩ le̱ eše̱, nădšiaṅtō gbĩĩ le̱ hũ eše̱, Israel aaná ale, — gbalo̱ le̱ būlu ni, mumo̱ṅ gbomo le̱ hũ se̱ke̱yelo̱ ni, ye̱ onišaianii le̱ afále̱ ke̱ nyē̱ ní fá pī le̱ hewo̱.

Hosea 9:7 ပူးပေါင်းရင်းမြစ်များ

2 Maŋtsɛmɛi 9:11

Be ni Yehu ku esɛɛ kɛba enuŋtsɔ tsuji, asafoiatsɛmɛi, lɛ aŋɔɔ lɛ, amɛbi lɛ akɛ, “Ani hejɔlɛ sane ni lo? Mɛni hewɔ ni mɔnɛ sɛkɛyelɔ nɛɛ ba oŋɔɔ nɛɛ?” Ni ekɛɛ amɛ akɛ, “Nyɛ diɛŋtsɛ nyɛle gbɔmɔ lɛ kɛ bɔ ni ewiemɔ yɔɔ.”

Yesaia 10:3

Te nyɛaafee tɛŋŋ yɛ nakai toigbalamɔ gbi lɛ nɔ, be ni ahum baatswa kɛjɛ shɔŋŋ kɛba lɛ? Namɔ ŋɔɔ nyɛaajo foi kɛaaya nyɛyatao yelikɛbuamɔ; ni nɛgbɛ nyɛaashi nyɛnii ni nyɛna lɛ yɛ?

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 34:8

Ejaakɛ Yehowa oweletɔɔ be lɛ ni, be ni ebaaye Zion sane lɛ ehã lɛ koni eto lɛ najiaŋ pɛpɛɛpɛ lɛ.

Yesaia 44:25

Mɔ ni hãa amalelɔi agbalɛi feɔ yaka, ni ehãa klamɔi tsɔ̃ɔ kwashiai, mɔ ni kũɔ nilelɔi anaa, ni ehãa amɛnilee lɛ tsɔ̃ɔ kwashiai anii lɛ.

Yeremia 10:15

Yakayaka nibii ni; mɔ akɛlakaa, be ni abaagbala amɛtoi lɛ, amɛhiɛ baakpãtã.

Yeremia 11:23

bɔ ni eshwɛŋ mɔ ko ehaŋ amɛ, ejaakɛ afi nɔ ni mibagbala Anatotbii lɛ atoi lɛ, mibahã sane fɔŋ aye amɛ pam.”

Yeremia 16:18

Mibawo tɔ̃mɔi ni amɛtɔ̃ kɛ eshai ni amɛfee lɛ ahe nyɔmɔ toi enyɔ, ejaakɛ amɛkɛ amɛyakayaka amãgãi foji lɛ ebule mishikpɔŋ lɛ; amɛhã enɔ eyi tɔ kɛ amɛmusubɔɔ nii lɛ.”

Yeremia 23:13

Mina esha ni Samaria gbalɔi lɛ fee lɛ; amɛtsɔ̃ Baal nɔ amɛgba, ni amɛhã mimaŋ Israel du gbɛ.

Yeremia 25:14

Ejaakɛ mawo Babilonbii lɛ nyɔmɔ yɛ amɛnifeemɔnii kɛ amɛninenaa nitsumɔi lɛ ahewɔ, ejaakɛ majimaji kɛ maŋtsɛmɛi wuji baaye amɛ nyɔŋ.’ ”

Yeremia 29:26

Yehowa ewo bo osɔfo yɛ Osɔfo Yehoiada najiaŋ koni otsɔ̃ Yehowa Sɔlemɔ we lɛ nɔkwɛlɔ koni mɔ fɛɛ mɔ ni yiŋ kãa lɛ ni efeɔ ehe gbalɔ lɛ, obɔ lɛ apã ni owo lɛ gboklɛ lɛ,

Yeremia 46:21

Tabilɔi ni eyabɔ amɛ apaa lɛ tamɔ tsinabii ni eshwishwii yɛ amɛteŋ; amɛ fɛɛ amɛtsɔ̃ amɛhe amɛjo foi amɛtee; amɛdamɔɔɔ shi kwrakwra, ejaakɛ amanehulu gbi ebanina amɛ, amɛtoigbalamɔ gbi ebanina amɛ.

Yeremia 6:14

Amɛtsaa miwebii lɛ apilamɔ lɛ jabejabe ko kɛkɛ, ni amɛkɛɔ amɛ akɛ, ‘Omanye ei! Omanye ei!’ Be mli ni omanye ko kwraa bɛ.

Yeremia 8:11

Amɛmiitsa mimaŋbii lɛ apilamɔ lɛ jabejabe ko kɛkɛ, ni amɛkɛɔ amɛ akɛ, ‘Omanye ei! Omanye!’ Be mli ni omanye ko kwraa bɛ.

Yāfó 2:14

Ninai ni ogbalɔi lɛ egba bo lɛ, apasa kɛ shishiumɔ sɔŋŋ ni; amɛkpako onifɔɔjianii lɛ ahe mama koni no ahã oje nomŋɔɔ mli; shi moŋ amale kɛ lakamɔ ninai sɔŋŋ amɛna.

Ezekiel 13:10

“Naa! Akɛni amɛlakaa mimaŋ lɛ akɛ ‘Omanye eba,’ be mli ni omanye ko bɛ lɛ. Mimaŋbii lɛ tswaa gbogbo ni amale gbalɔi lɛ shaa he kaaloo;

Ezekiel 13:3

Bɔ ni Nuŋtsɔ Yehowa kɛɛ nɛ, “Kpoo ha gbalɔi kwashiai lɛ ni nɔ ni amɛmumɔ kɛɔ amɛ lɛ, no amɛgbaa, tsɛ amɛnako nɔ ko nɔ ko lɛ.

Ezekiel 25:17

Mikɛ mlifu kpele baakã amɛ, ni matɔ mihe owele jogbaŋŋ yɛ amɛnɔ, ni no amɛkɛaale akɛ mi, mi ji Yehowa, kɛji mitɔ mihe owele yɛ amɛnɔ lɛ.”

Ezekiel 38:23

Ni enɛ mikɛaahã maji fɛɛ ale akɛ mida ni mihe tse; ni amɛaana amɛle hu akɛ mi ji Yehowa.”

Ezekiel 9:10

No hewɔ lɛ, mihaŋ mɔ ko aŋɔ ehe aye; minaŋ mɔbɔ; shi moŋ mahã amɛmusu abua amɛyiteŋ.”

Hosea 14:1

Nyɛ Israelbii, nyɛkpalea kɛbaa Yehowa, nyɛNyɔŋmɔ lɛ, ŋɔɔ. Nyɛnishaianii lɛ ehã nyɛtɛrɛ, ni nyɛgbee shi.

Hosea 5:9

Gbi nɔ ni abaagbala Efraim toi lɛ, ebaatsɔ̃ amaŋfɔ̃. Naa, nɔ ni baaba Israel akutsei lɛ anɔ lɛ no mikɛɛ nɛɛ.

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

Hosea 9:8

Gbalɔ lɛ ato lɛ akɛ bulɔ ahã Israel, miNyɔŋmɔ lɛ webii lɛ. Shi he fɛɛ he ni eeetsɔ̃ lɛ atsɔ̃ lɛ tsɔne, ni eNyɔŋmɔ lɛ shĩa diɛŋtsɛ mli lɛ nyɛɛ anyɛɔ lɛ.

Amos 8:2

Kɛkɛ ni Yehowa bi mi akɛ, “Amos, mɛni onaa nɛɛ?” Mihere nɔ akɛ, “Kɛntɛŋ kɛ emli tsei ayibii ni etsu.” Kɛkɛ ni Yehowa kɛɛ mi akɛ, “Mimaŋ Israelbii akpulu eyi agbɛnɛ; mikɛ amɛhe ekeŋ amɛ dɔŋŋ; mibagbala amɛtoi.

Mika 2:11

“Gbalɔ ni maŋ nɛɛ sumɔɔ ji gbalɔ ni nyiɛɔ ni ewieɔ fuu ni emaleɔ ni ekɛɔ akɛ, ‘Wain kɛ dãa ni wa baabu ahã nyɛ.’

Mika 7:4

Mɔ ni kɛɛ ehi fe fɛɛ yɛ amɛteŋ lɛ, etamɔ kpitikpiti ŋmei, ni mɔ ni kɛɛ anɔkwafo ji lɛ fe fɛɛ lɛ, ŋmei afabaŋ po hi fe lɛ. Shi gbi ni Nyɔŋmɔ baagbala amɛtoi lɛ eshɛ taakɛ ebɔ amɛ kɔkɔ kɛtsɔ̃ egbalɔi lɛ anɔ lɛ, agbɛnɛ amɛ jijaa.

Zefania 3:4

Emli gbalɔi lɛ yiŋflɛflɛtsɛmɛi kɛ kutumpɔfoi sɔŋŋ ni; ni emli osɔfoi lɛ ebule nii ni yɔɔ krɔŋkrɔŋ, ni amɛtsɔ Nyɔŋmɔ mla lɛ hiɛ amɛbu shi.

Marko 3:21

Be ni ewekumɛi nu he lɛ, amɛtee ni amɛyamɔ lɛ, ejaakɛ mɛi miikɛɛ akɛ eyiŋ miikã lɛ.

Luka 21:22

Ejaakɛ oweletɔɔ gbii lɛ nɛ, koni nibii fɛɛ ni aŋma lɛ aba mli.

2 Korintobii 5:13

Ejaakɛ kɛ sɛkɛ wɔyeɔ jiŋŋ, Nyɔŋmɔ hewɔ wɔyeɔ, ni kɛ wɔyɛ shishiishi hu jiŋŋ, nyɛ hewɔ ni.

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.