Hosea 9:4 - ŊMALƐ KRƆŊKRƆŊ LƐ

⁴ Amɛnyɛŋ amɛfɔse wain amɛshwie shi yɛ maŋsɛɛ shikpɔŋ lɛ nɔ amɛhã Yehowa, aloo amɛshã afɔlei ni sa amɛhã lɛ. Enɛ hewɔ lɛ, nii ni amɛaaye lɛ aaabule mɛi fɛɛ ni aaaye eko tamɔ yara nɔ nii buleɔ mɔ lɛ. Ejaakɛ nii ni amɛaaye lɛ amɛ diɛŋtsɛ amɛhɔmɔ kɛkɛ amɛkɛaagbe, shi ekoeko shɛŋ Yehowa hiɛ.

Ṅmãle̱ Kroṅkroṅ Le̱

⁴ Ame̱fo̱seṅ wein ame̱hãṅ Iehowa, ni ame̱fo̱lei le̱ hũ esaṅ ehĩe; etamo̱ yăra no̱ abolo hãame̱; mei fẽ ní yeo̱ le̱ aabule amehe. Edšake̱ ame̱bolo le̱, ame̱dientše̱ ame̱hõmo̱ ke̱ke̱ ame̱ke̱-agbe, ebaṅ Iehowa we le̱.

Hosea 9:4 ပူးပေါင်းရင်းမြစ်များ

2 Mose 29:40

Klɛŋklɛŋ toobi lɛ okɛ ŋmaa mamu yiteremɔ kilo mlijaa nyɔŋma mli ekome, ni akɛ fɔ ni ashi mli lita mlijaa ejwɛ mli ekome akpɔtɔ afata he, kɛ wain lita mlijaa ejwɛ mli ekome ni akɛshã afɔle lɛ.

2 Mose 40:23

kɛkɛ ni eto aboloo lɛ pɛpɛɛpɛ eshwie nɔ yɛ Yehowa hiɛ tamɔ bɔ ni Yehowa fã lɛ lɛ.

Yesaia 57:6

Nyɛkɔlɔɔ fai anaa fɔbitɛi, ni nyɛ diɛŋtsɛ nyɛjaa amɛ akɛ wɔŋ. Nyɛfɔseɔ dãa nyɛshwieɔ shi nyɛhaa amɛ akɛ afɔle, ni nyɛshãa niyenii afɔle nyɛkɛhaa amɛ. Aso mitsui aaanyɔ mimli yɛ enɛɛmɛi ahewɔ?

Yesaia 66:3

“Mɔ ni gbeɔ tsina lɛ, etamɔ mɔ ni gbeɔ gbɔmɔ nɔŋŋ; mɔ ni kɛ toobi shãa afɔle lɛ, etamɔ mɔ ni kɛ gbee shãa afɔle nɔŋŋ; mɔ ni shãa niyenii afɔle lɛ, etamɔ mɔ ni kɛ kplotoo lá bahãa nɔŋŋ; mɔ ni shãa krɔbɔo afɔle lɛ, etamɔ mɔ ni jaa wɔŋ nɔŋŋ. Mɛi nɛɛ fɛɛ ekɔlɔ amɛ diɛŋtsɛ amɛgbɛi, ni amɛnaa nihiinii ni amɛfeɔ lɛ he miishɛɛ.

Yeremia 16:7

Mɔ ko mɔ ko eyaŋ ekɛ ŋkɔmɔyelɔ ko ayaye nii koni ekɛshɛje emii yɛ mɔ ko ni egbo hewɔ. Nakai nɔŋŋ mɔ ko mɔ ko haŋ mɔ ko ni etsɛ loo enyɛ egbo nɔ ko ni enu ekɛsheje mɔ lɛ mii.

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

Ezekiel 24:17

Fo yɛ osɛŋ, kaahã oyaafo je kpo ni anu yɛ onaabu. Kaafee yara ko. Okɛ obɔnduku lɛ afi oyitso, ni owo otokotai lɛ; okɛ mama ko akabala onaabu, ni kaaye yara nɔ niyenii hu.”

Ezekiel 24:22

Kɛkɛ lɛ nyɛbaafee tamɔ bɔ ni mifee mitsɔ̃ɔ nyɛ nɛɛ: nyɛkɛ mama eblaŋ nyɛnaabui, ni nyɛyeŋ yara nɔ niyenii hu.

Daniel 1:8

Shi Daniel tswa efai shi akɛ eyeŋ maŋtsɛ niyenii ni ewo fɔ lɛ, ni enuŋ maŋtsɛ wain lɛ hu koni ekabule ehe. No hewɔ lɛ, ekpa Ashpenaz, piafonyonukpa fe fɛɛ lɛ, fai akɛ eŋmɛ lɛ gbɛ koni ekabule ehe.

Hosea 3:4

Ejaakɛ nakai pɛ Israel baahi shi gbii pii ni amɛbɛ maŋtsɛ lɛ, amɛbɛ lumɛi hu; asaŋ amɛshãaa afɔle; ni amɛbɛ shiu lɛ amɛbɛ efod kɛ terafim hu ni akɛbiɔ nii.

Hosea 7:16

Amɛkã he amɛmiija Baal lolo, ni amɛtsɔ̃ tamɔ gãitso ni waaa. Naafuu wiemɔi ni amɛlumɛi lɛ wieɔ lɛ ahewɔ lɛ, amɛaanyɔnyɔi yɛ klante naa. Ni enɛ aaatsɔ̃ nɔ ni akɛaaye amɛhe fɛo yɛ Ijipt shikpɔŋ lɛ nɔ.”

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

Yoel 1:13

Osɔfoi, nyɛbua kpekpe, ni nyɛwoa yara; Nyɛ afɔleshãa latɛ lɛ he sɔ̃ɔlɔi, nyɛwɔa lele. Nyɛbotea Sɔlemɔ we lɛ, ni nyɛyea ŋkɔmɔ nyɔɔŋnyɔɔŋ fɛɛ, nyɛ miNyɔŋmɔ lɛ sɔ̃ɔlɔi, ejaakɛ niyenii afɔle kɛ dãa afɔle ni akɛyaa nyɛNyɔŋmɔ lɛ we lɛ, atsi naa.

Yoel 1:9

Niyenii afɔle kɛ dãa sɛɛ efo yɛ Yehowa we lɛ. Osɔfoi ni ji Yehowa sɔ̃ɔlɔi lɛ miiye ŋkɔmɔ, ejaakɛ afɔlei bɛ hã Yehowa.

Yoel 2:14

Ekolɛ Yehowa, nyɛNyɔŋmɔ lɛ, aaatsake ejwɛŋmɔ, ni eeejɔɔ nyɛŋmɔshinii, ni nyɛkɛ niyenii afɔle kɛ dãa afɔle aaabahã Yehowa, nyɛNyɔŋmɔ lɛ.

3 Mose 17:11

Nɔ fɛɛ nɔ ni hiɛ kã lɛ, elá lɛ mli ewala yɔɔ, ni no hewɔ ni Yehowa fã akɛ afɔse lá lɛ fɛɛ ashwie afɔleshãa latɛ lɛ nɔ koni akɛjie maŋ lɛ he eshai lɛ. Ejaakɛ lá ni ji wala lɛ akɛjieɔ eshai yɛ gbɔmɔ he.

3 Mose 21:17

ni ekɛɛ Aaron akɛ, “Oshwiei lɛ ateŋ mɔ ko ni eje kpa akaba, yɛ amɛyinɔi fɛɛ mli, ni ekɛ niyenii afɔle lɛ bahã mi.

3 Mose 21:21

Nuu fɛɛ nuu ni kpa ko yɔɔ ehe yɛ osɔfo Aaron bihii lɛ ateŋ lɛ, ekatsi ebɛŋkɛ ni ekɛ niyenii afɔle lɛ bahã mi.

3 Mose 21:6

Osɔfo lɛ afee ehe krɔŋkrɔŋ ahã mi, ni ekawo migbɛi lɛ he muji, ejaakɛ Yehowa afɔlei ni akɛ la shãa, ni ji eNyɔŋmɔ lɛ aboloo lɛ, lɛ ekɛbahãa. No hewɔ lɛ, efee ehe krɔŋkrɔŋ.

3 Mose 21:8

Nyɛbua osɔfo lɛ akɛ mɔ krɔŋkrɔŋ, ejaakɛ mi, Yehowa, ji mɔ ni mifeɔ osɔfoi lɛ krɔŋkrɔŋ lɛ.

Amos 5:22

Nyɛshãa shãa afɔlei kɛ nyɛniyenii afɔlei tete nyɛhãa mi nɛ, shi miheee. Shidaa afɔlei ni nyɛkɛ nyɛkooloi ni eshwishwii shãa lɛ hu, mikwɛɛɛ po.

Maleaki 2:13

Asaŋ nɔ ni ji enyɔ hu ni nyɛfeɔ nɛ. Nyɛwoɔ yara ni nyɛdɔmɔɔ ŋtsɔi, ni nyɛkɛ nyɛyaafonu fɔɔ Yehowa afɔleshãa latɛ lɛ, ejaakɛ nyɛfɔleshãa nibii lɛ esaaa Yehowa hiɛ dɔŋŋ aahu po ni eeemɔ mli kɛ tsuijurɔ yɛ nyɛdɛŋ.

4 Mose 19:11

“Mɔ fɛɛ mɔ ni aaata gbonyo ko he lɛ, ebule ehe kɛyaashi gbii kpawo.

4 Mose 28:2

“Kɛɛmɔ Israelbii lɛ akɛ amɛhiɛ ahi minikeenii ni ji niyenii afɔle ni akɛ la shãa ni ejeɔ ŋma ewoɔ mi lɛ nɔ koni amɛkɛbahã mi kɛji afɔle hãmɔ be shɛ lɛ.

4 Mose 4:7

“Amɛkɛ mama bluu aha okplɔ̃ ni akɛ Yehowa aboloo lɛ mãa nɔ lɛ nɔ, koni amɛkɛ plɛtei lɛ, kɛ tsɛnsii ni akɛ tsofakɛŋma woɔ mli lɛ, kɛ okpolui lɛ kɛ kpuji ni akɛ afɔleshãa dãa woɔ mli lɛ amãmɔ nɔ. Be fɛɛ be lɛ aboloo amã okplɔ̃ lɛ nɔ.

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

5 Mose 26:14

Miyeko nii nɛɛ ni mijie lɛ eko yɛ mikɔmɔyeli beiaŋ lɛ, mifiteko nii lɛ eko be ni mibule mihe lɛ, mikɛ eko hu eshãko afɔle mihãko gbonyo ko. Miye Yehowa, miNyɔŋmɔ lɛ, gbee nɔ, ni mifee nɔ fɛɛ nɔ ni owo mi shi akɛ mifee lɛ.