Hosea 9:3 - ŊMALƐ KRƆŊKRƆŊ LƐ

³ Asaŋ Israel ehiŋ Yehowa shikpɔŋ lɛ nɔ, shi ebaaku sɛɛ eya Ijipt nyɔŋyeli mli; ni amɛaayaye nii ni he tseee yɛ Asiria.

Ṅmãle̱ Kroṅkroṅ Le̱

³ Ame̱hĩĩ ši ye̱ Iehowa šikpoṅ le̱ no̱; ši Efraim *aakũ ese̱ ate Mizraim, ni ame̱ayaye nii ní he tšee ye̱ Ašur. *8,13.

Hosea 9:3 ပူးပေါင်းရင်းမြစ်များ

1 Maŋtsɛmɛi 9:7

no lɛ makpãtã Israel hiɛ kɛje shikpɔŋ ni miŋɔ hã amɛ lɛ nɔ. Makwa nɛkɛ Sɔlemɔ we nɛɛ ni mifee lɛ krɔŋkrɔŋ mihã mihe akɛ jɛi aaaja mi yɛ lɛ. Mɛi aaaye Israel he fɛo, ni eeetsɔ̃ nyaŋemɔnɔ yɛ maji krokomɛi ateŋ.

2 Maŋtsɛmɛi 17:6

Hoshea yinɔ afi ni ji nɛɛhu lɛ nɔ lɛ, Asiria maŋtsɛ lɛ ŋɔ Samaria. Kɛkɛ ni eŋɔ Israelbii nom kɛtee Asiria; eŋɔ amɛteŋ mɛi komɛi kɛtee Hala maŋ wulu lɛ mli; ekɛ mɛi komɛi hu tee Habor Faa lɛ naa yɛ Gozan kpokpai anɔ; ekɛ mɛi komɛi hu tee Media maji wuji lɛ amli.

Yeremia 16:18

Mibawo tɔ̃mɔi ni amɛtɔ̃ kɛ eshai ni amɛfee lɛ ahe nyɔmɔ toi enyɔ, ejaakɛ amɛkɛ amɛyakayaka amãgãi foji lɛ ebule mishikpɔŋ lɛ; amɛhã enɔ eyi tɔ kɛ amɛmusubɔɔ nii lɛ.”

Yeremia 2:7

Mikɛ nyɛ ba shikpɔŋ ni baa nii nɔ koni nyɛye enɔ ŋmãa kɛ enɔ nibii kpakpai lɛ. Shi be ni nyɛbashɛ nɔ lɛ, nyɛbule mishikpɔŋ lɛ, ni nyɛhã migboshinii lɛ tsɔ̃ musubɔɔnii.

Yāfó 5:6

Daaŋŋmãa hewɔ lɛ, wɔkɛ wɔhe hã Ijipt kɛ Asiria.

Ezekiel 4:13

Kɛkɛ ni Yehowa kɛɛ akɛ, “Nakai pɛ Israelbii lɛ baaye amɛniyenii ni amɛhiɔ lɛ yɛ majimaji lɛ ateŋ hei, ni mashwie amɛ kɛya lɛ.”

Daniel 1:8

Shi Daniel tswa efai shi akɛ eyeŋ maŋtsɛ niyenii ni ewo fɔ lɛ, ni enuŋ maŋtsɛ wain lɛ hu koni ekabule ehe. No hewɔ lɛ, ekpa Ashpenaz, piafonyonukpa fe fɛɛ lɛ, fai akɛ eŋmɛ lɛ gbɛ koni ekabule ehe.

Hosea 11:11

Amɛaaba kɛaajɛ Ijipt kɛ hekpokpomɔ tamɔ loofɔji; amɛaaba tamɔ okpoi kɛaajɛ Asiria shikpɔŋ lɛ nɔ; ni mikɛ amɛ aaaku sɛɛ kɛaaba amɛ diɛŋtsɛ amɛshĩai amli ekoŋŋ. Mi, Yehowa, mi mikɛɛ.”

Hosea 11:5

“Amɛaaku amɛsɛɛ kɛaatee Ijipt shikpɔŋ lɛ nɔ, ni Asiria aaaye amɛnɔ, ejaakɛ amɛkpɛlɛ̃ɛɛ akɛ amɛkpaleɔ kɛbaa miŋɔɔ.

Hosea 7:11

Israel etsɔ̃ tamɔ okpo kwashia ni bɛ yitso: ŋmɛnɛ lɛ eetsɛ Ijipt koni ebawa lɛ; wɔ lɛ eetsɛ Asiria.

Hosea 7:16

Amɛkã he amɛmiija Baal lolo, ni amɛtsɔ̃ tamɔ gãitso ni waaa. Naafuu wiemɔi ni amɛlumɛi lɛ wieɔ lɛ ahewɔ lɛ, amɛaanyɔnyɔi yɛ klante naa. Ni enɛ aaatsɔ̃ nɔ ni akɛaaye amɛhe fɛo yɛ Ijipt shikpɔŋ lɛ nɔ.”

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

Hosea 9:6

Ejaakɛ amɛbaashi kɛya Asiria, ni Ijipt aaabua amɛgbohii lɛ anaa ni aaafu amɛ yɛ Memfis. Hei ni amɛkɛ amɛjwiɛtɛi nibii fɛɛfɛji lɛ toɔ lɛ amli baatsa kɛ sɔ̃nsɔ̃rɔ̃i, ni ŋmeitsei hu aaatsa yɛ amɛshĩai amli.

3 Mose 18:28

koni shikpɔŋ lɛ akafɛ̃ nyɛ hu eshwie tamɔ bɔ ni efɛ̃ jeŋmaŋ ni tsɔ nyɛhiɛ lɛ eshwie lɛ.

3 Mose 20:22

“Nyɛyea mimlai lɛ kɛ mikpɔi lɛ fɛɛ nɔ, koni shikpɔŋ ni mikɛ nyɛ yaa ni nyɛyahi nɔ lɛ akafɛ̃ nyɛ eshwie.

3 Mose 25:23

“Akafo shikpɔŋ yibaa ni ahɔ̃ɔ lɛ owura kosɛɛ, ejaakɛ shikpɔŋ lɛ mi minɔ ni; ni nyɛ lɛ miwe kɛ mishĩa mli gbɔi kɛkɛ ji nyɛ.

Amos 7:17

Amazia, bɔ ni Yehowa kɛɛ nɛ, ‘Oŋa baatsɔ̃ ajwamãŋ yɛ maŋ lɛ mli, ni obihii kɛ obiyei lɛ baanyɔnyɔɔ yɛ ta naa; abaaŋɔ oshikpɔŋ lɛ, ni abaaja ahã mɛi kpɔji. Bo diɛŋtsɛ lɛ maŋsɛɛ obaaya oyagbo yɛ, yɛ shikpɔŋ ko nɔ ni ajaaa Nyɔŋmɔ yɛ; ni Israelbii lɛ nom kɛ̃ aaaŋɔ amɛ kɛaaje amɛshikpɔŋ nɔ kɛaatee.’ ”

Mika 2:10

Nyɛtea shi ni nyɛyaa. Biɛ bɛ shweshweeshwe dɔŋŋ yɛ nyɛhe eshai ni kɛ hiɛkpãtãmɔ baaba lɛ hewɔ.

Bɔfoi 10:14

Shi Petro kɛɛ, “Dabida, Nuŋtsɔ, ejaakɛ miyeko nɔ ko ni buleɔ mɔ loo nɔ ko ni he tseee dã.”

5 Mose 28:63

Bɔ ni Yehowa nya he akɛ efee nyɛ ejurɔ koni ehã nyɛyi afa lɛ, nakai nɔŋŋ eeenya he akɛ ekpãtã nyɛhiɛ koni efite nyɛ, ni aaashwie nyɛ kɛje shikpɔŋ ni nyɛyaa nyɛyaŋɔ lɛ nɔ.

5 Mose 28:68

Ni Yehowa kɛ nyɛ aaawo lɛji amli kɛaaya Ijipt ekoŋŋ, tsɛbelɛ eji gbɛ ko ni ewo nyɛ he shi akɛ nyɛfaŋ dɔŋŋ; ni nyɛaahɔ̃hɔ̃ɔ nyɛ diɛŋtsɛ nyɛhe nyɛhã nyɛhenyɛlɔi lɛ akɛ nyɔji hii kɛ nyɔji yei, shi mɔ ko mɔ ko heŋ nyɛ tete.”

5 Mose 4:26

no lɛ miitsɛ ŋwɛi kɛ shikpɔŋ ŋmɛnɛ koni amɛye odase amɛshi nyɛ akɛ etsɛŋ ni aaakpãtã nyɛhiɛ yɛ shikpɔŋ ni nyɛbaafo Yordan lɛ kɛya ni nyɛyaŋɔ lɛ nɔ. Nyɛyeŋ be ko yɛ nɔ ni abaakpãtã nyɛhiɛ kwrakwra.

Yoshua 23:15

Bɔ ni nibii fɛɛ ni Yehowa, nyɛNyɔŋmɔ lɛ, wo nyɛ amɛhe shi lɛ eba mli eha nyɛ lɛ, nakai nɔŋŋ kɛ̃ Yehowa aaahã nibii fɔ̃ji fɛɛ hu aba nyɛnɔ kɛaatee beyinɔ ni eeekpãtã nyɛhiɛ yɛ shikpɔŋ kpakpa ni lɛ Yehowa, nyɛNyɔŋmɔ lɛ, nɔŋŋ kɛhã nyɛ nɛɛ nɔ.