Hosea 9:11 - ŊMALƐ KRƆŊKRƆŊ LƐ

¹¹ Israel agbojee sɛɛ aaafo tamɔ loofɔlɔ filikiɔ lɛ. Afɔŋ bi dɔŋŋ lɛ, ahiɛŋ musu dɔŋŋ, asaŋ anaŋ musu tete dɔŋŋ yɛ amɛteŋ.

Ṅmãle̱ Kroṅkroṅ Le̱

¹¹ Efraim hũ, enyam le̱ aafliki tamo̱ loflõ, afo̱ṅ, ahĩeṅ mũsũ, anáṅ mũsũ hũ.

Hosea 9:11 ပူးပေါင်းရင်းမြစ်များ

1 Mose 41:52

Ewo mɔ ni ji enyɔ lɛ Efraim ni ekɛɛ, “Ejaakɛ Nyɔŋmɔ ehã miwo shwiei yɛ mimanehulu shikpɔŋ lɛ nɔ.”

1 Mose 49:22

“Yosef lɛ, tso nine ni woɔ yibii ni, tso nine ni ma nuhiŋmɛi he, ni eniji kwɔlɔɔ gbogbo.

2 Samuel 6:23

Mikal, Saul biyoo lɛ, naaa bi kɛyashi egbo.

Hiob 18:5

Hɛɛ, abaagbe mɔ fɔŋ kane lɛ, ni ela lɛ etsoŋ dɔŋŋ!

Lalai 58:8

Hã amɛtsɔ̃ tamɔ waa mli nu kplãnaa; amɛtsɔ̃ tamɔ bi ni ashrake ni enaaa hulu.

Jajelɔ 6:3

Kɛji mɔ ko fɔ bii oha, ni ewala sɛɛ tsɛ, ni eye afii babaoo, shi eyeee jeŋ nibii kpakpai amli ŋɔɔmɔ lɛ eko, ni enaaa fuu kpakpa hu lɛ, miikɛɛ akɛ abifao ni ashrake tete nɔ hi fe lɛ.

Yesaia 17:3

Mɔɔ ko mɔɔ ko ni wa eshwɛŋ yɛ Israel shikpɔŋ lɛ nɔ, ni Damasko yeŋ maŋ ko maŋ ko nɔ dɔŋŋ; ni mɛi ni baashwɛ yɛ Siria lɛ ahiɛ aaashwie shi tamɔ Israel. Mi Yehowa, Taiatsɛ lɛ, mikɛɛ.”

Hosea 10:5

Samaria maŋ bii lɛ aaashe gbeyei, ni amɛbaaye ŋkɔmɔ yɛ Bet-Aven shika tsinabi lɛ hewɔ. Amɛ kɛ wulɔmɛi lɛ ni jaa tsinabi lɛ baawo yara amɛfo yɛ enyam ni afo sɛɛ lɛ hewɔ.

Hosea 4:7

“Bɔ ni amɛ, osɔfoi lɛ, ayi faa lɛ, nakai nɔŋŋ amɛfeɔ esha babaoo amɛshiɔ mi; ni no hewɔ lɛ, mibahã amɛhiɛ nyam lɛ atsɔ̃ hiɛgbele.

Hosea 5:9

Gbi nɔ ni abaagbala Efraim toi lɛ, ebaatsɔ̃ amaŋfɔ̃. Naa, nɔ ni baaba Israel akutsei lɛ anɔ lɛ no mikɛɛ nɛɛ.

Hosea 9:14

Mɛni masumɔ akɛ ofee gbɔmɛi nɛɛ? Yehowa, hã amɛmusu ashrake, ni amɛfufɔi fɛɛ agbi.

Amos 1:13

Bɔ ni Yehowa kɛɛ nɛ, “Tɔ̃mɔi babaoo ni Amonbii etɔ̃ hewɔ lɛ, miŋmɛŋ amɛtoi ni mito akɛ mibagbala lɛ he, ejaakɛ taitai ni amɛfãfãa bɔ ni afee ni amɛlɛɛ amɛshikpɔŋ lɛ husui amli hewɔ lɛ, amɛgbalagbalaa Gilead yeihɔlɔi amusui amli, ni bii lɛ je shwie shi.

Luka 23:29

Ejaakɛ naa, gbii miiba no mli ni amɛaakɛɛ, ‘Ajɔɔ kenei kɛ musui ni fɔko dã kɛ fufɔi ni ayeko dã!’

5 Mose 28:18

“Aaalomɔ omusuŋ bii kɛ oŋmɔshi nibaanii kɛ otsinai abii kɛ otoi abii.

5 Mose 28:57

Ebaaye lɛ diɛŋtsɛ ebi ni efɔ eŋmɔŋ sɛɛnii kɛ emusuŋ bii nigii, ejaakɛ nɔ fɛɛ nɔ he esɛ̃ yɛ omaji lɛ ayi ni ohenyɛlɔ esa kɛ fimɔ ni efi bo lɛ hewɔ.

5 Mose 33:17

Yosef kromɔbi lɛ je agbo tamɔ tsinanuu; ni ekoji ni ji ehewalɛ lɛ tamɔ ŋaŋ tsinanuu nɔ; nomɛi ji Efraim mɛi akpei nyɔŋma, kɛ Manase akpei nyɔŋma ni amɛkɛbaashimɔ maji lɛ fɛɛ, ni amɛaatsirɛ amɛ kɛaatee jeŋ naagbeehei lɛ.”