Hosea 8:7 - ŊMALƐ KRƆŊKRƆŊ LƐ

⁷ Ejaakɛ akɛni amɛdu kɔɔyɔɔ lɛ lasuogbele ji yibii ni amɛbaakpa. Abele ekpɛŋ bi kome nɛkɛ ni aaana aye. Ni kɛji abele lɛ aaaba tete lɛ, gbɔi moŋ aaabaye.

Ṅmãle̱ Kroṅkroṅ Le̱

⁷ Edšabe̱ *kō̱yo̱ ame̱dũo̱, ni ahum ame̱akpa; enáṅ able ní damo̱ ši; ese̱bii le̱, ṅmā̃ be̱ mli; ni ké̱ eeba dšiṅṅ, gbo̱i aabaye kẽ. *Ier. 12,13.

Hosea 8:7 ပူးပေါင်းရင်းမြစ်များ

1 Mose 41:23

Kɛkɛ lɛ amɛsɛɛ lɛ, naa abele sɛɛbii kpawo ni ekwɛ̃. Abele sɛɛbii nɛɛ, nii bɛ yi ni amɛyɛ legelege ni bokã kɔɔyɔɔ egbi amɛ kekree.

2 Maŋtsɛmɛi 15:19

Asiria Maŋtsɛ Tiglat Pileser batua Israel, ni Menahem hã Tiglat Pileser jwiɛtɛi talentai akpe koni ewa lɛ ni ehã emaŋtsɛyeli lɛ ama shi yɛ Israel.

2 Maŋtsɛmɛi 15:29

Israel Maŋtsɛ Peka yinɔ lɛ Tiglat-Pileser, Asiria maŋtsɛ lɛ, fã ta kɛba Israel. Ebaŋɔ Gilead kɛ Galilea shikpɔji lɛ kɛ amɛmli maji nɛɛ: Iyon, Abel-Bet-Maaka, Yanoa, Kedesh, Hazor. Eŋɔ Naftali shikpɔŋ muu lɛ fɛɛ hu. Kɛkɛ ni eŋɔ Israelbii fɛɛ ni yɔɔ shikpɔŋ nɛɛ nɔ lɛ nom kɛtee Asiria.

Hiob 4:8

Bɔ pɛ ni mina nɛ: Mɛi ni huɔ nɔsha ŋmɔ, ni amɛduɔ yiwalɛ wui lɛ nomɛi nɔŋŋ amɛkpaa.

Abe̱i 22:8

Mɔ ni yeɔ toikɔdɔmɔ sane lɛ, enaa amanehulu, ni eyitsoŋwalɛ lɛ sɛɛ foɔ.

Jajelɔ 5:16

Awerɛho sane nɛ: bɔ pɛ ni eba lɛ, nakai nɔŋŋ eeetee. Mɛɛ sɛɛ ena fe akɛ egbo deŋme folo;

Yesaia 17:11

ni ooohã tsei nɛɛ ahere gbi nɔŋŋ ni otɛo amɛ lɛ, ni ooohã tsei nɛɛ agba afofro gbi leebi lɛ nɔŋŋ ni otɛo amɛ lɛ nɔ, shi nikpamɔ lɛ baaje odɛ̃ŋ, ni gbi lɛ aaatsɔ ŋkɔmɔyeli kɛ hejaramɔ ni naa wa gbi.

Yesaia 55:2

Mɛɛba nyɛkɔɔ shika nyɛkɛheɔ nɔ ni jeee ŋmãa? Ni nyɛkɛ nyɛnitsumɔŋ nyɔmɔwoo heɔ nɔ ni hãaa mɔ atɔ? Nyɛboa mi toi jogbaŋŋ, ni nyɛfea nɔ ni makɛɛ nyɛ lɛ, ni nyɛaaye niyenii kpakpa fe fɛɛ, ni nyɛmii aaashɛ.

Yesaia 66:15

Ejaakɛ naa, Yehowa aaaba kɛ la, ni eshwiilii lɛ aaanyiɛ lasuogbele mli kɛaaba, ni ekɛ mlila kpele aaawo ehenyɛlɔi lɛ anyɔmɔ; ni ekɛ la lilɛii aaakã ehenyɛlɔi.

Yeremia 12:13

Mimɛi lɛ du ŋmaa; shi amɛkpa ŋmei. Amɛgbo deŋme; shi amɛnaaa he sɛɛ ko. Yehowa mlifu lɛ naawalɛ hewɔ lɛ, nii ni amɛbaakpa lɛ baafee amɛ hiɛgbele.”

Yāfó 5:2

Wɔgboshinii etsɔ̃ gbɔi anɔ, ni wɔshĩai eyaje gbɔi adɛŋ nɛɛ.

Hosea 2:9

No hewɔ lɛ, mashɔ̃ mibele lɛ kɛ wain lɛ hu kɛ kuŋtu kɛ klala ni enaa ebuɔ lɛ.

Hosea 7:9

Gbɔi lɛ ehã ehewalɛ etã, shi eyooko; eyiteŋ eje waŋ, shi ekɔɔɔ sɛɛ.

Hosea 9:16

Israel lɛ etsɔ̃ tamɔ tso ni egbo; hela emɔ lɛ, ni eha eshishi fãi fɛɛ egboi; ni no hewɔ lɛ, ewooo yibii dɔŋŋ. Kɛji amɛna amɛfɔ lɛ, mibagbe amɛmusuŋbii ni amɛsumɔɔ lɛ.”

Nahum 1:3

Yehowa mli fuuu mra, ni ehewalɛ da kpele; ehãaa tɔ̃lɔ aŋɔ ehe aye. Ahum kɛ lasuogbele teɔ shi yɛ he ni Yehowa etsɔ̃ kɛho, ni enaneshi mlu ji atatui.

Hagai 1:6

Nyɛduɔ nii babaoo, shi fioo pɛ nyɛnaa nyɛkpaa. Nyɛyeɔ nii, shi nyɛtɔrɔɔɔ; ni nyɛnuɔ dãa shi nyɛtɔrɔɔɔ dãa. Nyɛbuɔ mama, shi mɔ ko mɔ ko he efeee kulɔɔ. Ni mɔ ni yeɔ apaa ni awoɔ lɛ nyɔmɔ hu lɛ, ekɛwoɔ kotoku ni shishi egbulɔ mli.”

Galatabii 6:7

Nyɛkalakaa nyɛhe, Nyɔŋmɔ lɛ aliii lɛ. Ejaakɛ nɔ pɛ ni gbɔmɔ duɔ lɛ, no nɔŋŋ ebaakpa.

Galatabii 6:8

Ejaakɛ mɔ ni duɔ nii yɛ lɛ diɛŋtsɛ eheloo mli lɛ, eheloo lɛ mli nɔŋŋ ebaakpa fitemɔ kɛjɛ; shi mɔ ni duɔ nii yɛ Mumɔ mli lɛ, Mumɔ lɛ mli nɔŋŋ ebaakpa naanɔ wala kɛjɛ.

5 Mose 28:33

Maŋsɛɛ maŋ ko ni oleee kwrakwra aaaba ebaloo oŋmɔshi nibaanii kɛ nii ni otsu oto fɛɛ kɛya eyaye. Yi sɔŋŋ kɛkɛ aaawa bo, ni shi sɔŋŋ kɛkɛ aaashwishwia bo daa nɛɛ,