Hosea 8:5 - ŊMALƐ KRƆŊKRƆŊ LƐ

⁵ Mitaooo tsinabi ni ajaa yɛ Samaria maŋ lɛ mli lɛ kwrakwra. Mimli ewo amɛ la naakpa. Mɛɛ beyinɔ po amɛaaba amɛjeŋ jogbaŋŋ yɛ Israel?

Ṅmãle̱ Kroṅkroṅ Le̱

⁵ *Otšinabi le̱ ye̱ Samaria; mi-mlila le̱ ete ši ewoame̱. Mẽ beyino̱ po nyeanyẽ nyeba nyadšeṅ kro̱ṅṅ? *1 Maṅ. 12,28.

Hosea 8:5 ပူးပေါင်းရင်းမြစ်များ

2 Kronika 13:8

Ŋmɛnɛ lɛ nyɛ hu nyɛte shi kɛmiishi hewalɛ ni Yehowa ejɔɔ nɔ ehã David shwiei lɛ ejaakɛ nyɛyi fa, ni asaŋ nyɛhiɛ shika tsinabii lɛ ni Yeroboam fee hã nyɛ akɛ nyɛnyɔŋmɔi lɛ.

Lalai 19:13

Baamɔ mi otsulɔ, miyi kɛjɛ eshai ni gbɔmɔ hiɛ kã he ni efeɔ lɛ mli. Kaahã eshai lɛ miiye minɔ; no dani mahi kɛwula shi, ni mihe aaaje tɔ̃mɔi kpelei amli.

Abe̱i 1:22

Oo, nyɛ mɛi ni nyɛjwɛŋmɔ naa waaa, mɛɛ beyinɔ nɔŋŋ nyɛaahiɛ nyɛkwashiafeemɔ nɛɛ mli kɛyashi? Ni mɛɛ beyinɔ nɔŋŋ kwashiai hu aaanyɛ nilee kɛyashi?

Yesaia 45:20

Yehowa kɛɛ akɛ, “Nyɛbuaa nyɛhe naa koni nyɛbaa, nyɛ fɛɛ nyɛbaa kutuu, nyɛ, maji lɛ amli bii ni nyɛje hiɛkpãtãmɔ mli! Mɛi ni tereɔ amɛtso amãgãi lɛ kɛnyiɛɔ, ni amɛsɔleɔ amɛhãa nyɔŋmɔ ni nyɛɛɛ mɔ yiwala ehere lɛ, amɛleee nii.

Yeremia 13:27

Mina nii ni mihiɔ ni ofeɔ lɛ, kɛ misɛɛ ni ojeɔ ni oyajaa nyɔŋmɔi krokomɛi lɛ, kɛ onyɛnyɛŋtswi ni obɔɔ lɛ, kɛ ajwamãŋ ni obɔɔ nyaŋemɔnyaŋemɔ yɛ ŋa nɔ gɔ̃ŋkpɔi lɛ anɔ lɛ. Kpoo hã bo, bo Yerusalɛm! Mɛɛbe abaakã he atsuu ohe kɛyashi?”

Yeremia 4:14

Ao! Yerusalɛm, fɔ otsuiŋ nishaianii lɛ oshwie, bɔ ni afee ni ahere oyiwala. Mɛɛ beyinɔ nɔŋŋ po susumɔ fɔ̃ji aaahi oyiŋ kɛyashi?

Yeremia 48:13

Kɛkɛ lɛ Kemosh baawo Maobbii hiɛgbele tamɔ bɔ ni Betel, ni Israelbii ahiɛ kã enɔ lɛ, wo Israel hiɛgbele lɛ.

Hosea 10:5

Samaria maŋ bii lɛ aaashe gbeyei, ni amɛbaaye ŋkɔmɔ yɛ Bet-Aven shika tsinabi lɛ hewɔ. Amɛ kɛ wulɔmɛi lɛ ni jaa tsinabi lɛ baawo yara amɛfo yɛ enyam ni afo sɛɛ lɛ hewɔ.

Hosea 10:8

Betel gɔji lɛ ayiteiaŋ hei ni Israelbii lɛ jaa amãgãi yɛ ni amɛkɛgbo toi lɛ, aaakpãtã fɛɛ hiɛ. Ŋmei kɛ aŋlɛŋlɛi baakwɛ̃ yɛ afɔleshãa latɛi lɛ anɔ yɛ jɛi. Gbɔmɛi nɛɛ baabolɔ amɛkɛɛ gɔji lɛ akɛ, “Nyɛhaa wɔnɔ!” Ni amɛaakɛɛ gɔ̃ŋkpɔi lɛ hu akɛ, “Nyɛbashwiea wɔnɔ!”

Hosea 13:2

Amɛkã he amɛmiifee esha lɛ lolo kɛbashi ŋmɛnɛ ejaakɛ amɛkɛ amɛjwiɛtɛii yahãa ŋaalɔi, ni amɛhãa akɛ jwiɛtɛi lɛ shwieɔ amãgãi kɛ wɔji ahãa amɛ. Kɛkɛ lɛ amɛkɛɔ akɛ, “Ashã afɔle ahã amɛ!” Mɛi ni yashãa afɔlei lɛ shwɔɔ tsinabi amãgãi lɛ anaa.

Hosea 8:6

Ŋaalɔ ko ni fee tsinabi lɛ; shi naa, jeee Nyɔŋmɔ ni. Nakai tsinabi lɛ ni ajaa yɛ Samaria lɛ, aaajwara lɛ dukuduku.

Amos 8:14

ni mɛi ni kɛ Samaria jemawɔji lɛ kãa kitã amɛkɛɔ akɛ, ‘Mina Dan jemawɔŋ lɛ,’ loo ‘Mina Beersheba jemawɔŋ lɛ,’ amɛbaanyɔnyɔi.”

Mika 1:7

Aaajwara emãgãi lɛ fɛɛ wɔtsɔwɔtsɔ, ni nii ni akɛbawoɔ Sɔlemɔ we lɛ ajwamãŋi anyɔmɔ lɛ, aaashã fɛɛ. Makumɔ ewɔji lɛ fɛɛ mabua shi ni etsɔ̃ tamɔ gɔŋ. Ajwamãŋi anyɔmɔwo mli Samaria bua nii nɛɛ anaa kɛjɛ, ni agbɛnɛ Samaria henyɛlɔi aaaloo fɛɛ kɛaatee amɛjamɔhei yɛ hei krokomɛi.”

Bɔfoi 7:41

Nakai be lɛ mli amɛfee tsinabi amãgã, ni amɛshã afɔle amɛhã lɛ, ni amɛna amɛ diɛŋtsɛ amɛnine naa nitsumɔi lɛ ahe tsuijurɔ.

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.