Hosea 8:4 - ŊMALƐ KRƆŊKRƆŊ LƐ

⁴ “Amɛto maŋtsɛmɛi, shi jeee mi minɔ amɛtsɔ̃; ni amɛhole lumɛi hu ni mileee mli eko kwraa. Amɛkɛ amɛjwiɛtɛi kɛ amɛshika fee amãgãi ni baakpãtã amɛ nɔŋŋ amɛhiɛ.

Ṅmãle̱ Kroṅkroṅ Le̱

⁴ *Ame̱too̱ maṅtše̱mei, ši dšee mideṅ edše̱; ame̱woo̱ lume̱i hũ, ši milee mli. Ame̱ke̱ amadſie̱tei ke̱ ame̱šika le̱ feo̱ amãgãi, beni afe ní aflo̱ame̱ aſie! *2 Maṅ. 15,10. 14. 25. 30.

Hosea 8:4 ပူးပေါင်းရင်းမြစ်များ

1 Maŋtsɛmɛi 12:28

No hewɔ lɛ, be ni maŋtsɛ lɛ ejwɛŋ sane lɛ he sɛɛ lɛ, efee shika tsinabii amãgãi enyɔ, ni ekɛɛ emaŋbii lɛ akɛ, “Shii abɔ ni nyɛyaa Yerusalɛm nyɛyajaa lɛ efa. Ao Israel, naa onyɔŋmɔi ni yajie bo kɛjɛ Ijipt shikpɔŋ lɛ nɔ lɛ!”

1 Maŋtsɛmɛi 13:34

Nɛkɛ enifeemɔ nɛɛ batsɔ̃ esha kpele ehã Yeroboam we lɛ. Enɛ ji nɔ ni hã emaŋtsɛyeli lɛ gbee shi.

1 Maŋtsɛmɛi 16:31

Akɛni eshai ni Nebat bi Yeroboam fee lɛ jeee fɛifɛi yɛ Ahab hiɛ hewɔ lɛ, etee nɔ, ni eyaŋɔ Sidonbii amaŋtsɛ Etbaal biyoo Yezebel lɛ akɛ ŋa. No hewɔ lɛ, Ahab tee ni eyaja, ni esɔ̃mɔ Baal.

Yeremia 16:20

Aso gbɔmɔ adesa aaanyɛ nyɔŋmɔi efee ehã lɛ diɛŋtsɛ ehe? Nɔ ni eeefee lɛ jeee nyɔŋmɔ ni.”

Ezekiel 18:31

Nyɛkpaa efɔŋ fɛɛ efɔŋ ni nyɛfee nyɛshi mi lɛ feemɔ, ni nyɛtsakea nyɛtsuiiaŋ ni nyɛnaa mumɔ hee. Ao, Israelbii, shi mɛɛba ni nyɛaagboi?

Daniel 3:1

Maŋtsɛ Nebukadnezar hã afee shika amãgã ko ni ekwɔlɛ ji ninetalɔi nyɔŋmai ekpaa, kɛ elɛɛmɔ hu ninetalɔi ekpaa. Afee amãgã nɛɛ ama shi yɛ Dura ŋa lɛ nɔ yɛ Babilon kpokpai lɛ anɔ.

Hosea 13:1

Kulɛ kɛji Efraim shwiei lɛ wie lɛ, mɛi ahe kpokpoɔ yɛ Israel. Awo Efraim nɔ yɛ Israel; shi kɛtsɔ̃ jemawɔŋ Baal jamɔ nɔ lɛ, Efraim shwiei lɛ tɔ̃, ni no hewɔ amɛgboi.

Hosea 13:11

Mihã nyɛ maŋtsɛmɛi, shi yɛ mlifu naa; ni miŋɔ amɛ kɛtee yɛ mlila naa.

Hosea 13:2

Amɛkã he amɛmiifee esha lɛ lolo kɛbashi ŋmɛnɛ ejaakɛ amɛkɛ amɛjwiɛtɛii yahãa ŋaalɔi, ni amɛhãa akɛ jwiɛtɛi lɛ shwieɔ amãgãi kɛ wɔji ahãa amɛ. Kɛkɛ lɛ amɛkɛɔ akɛ, “Ashã afɔle ahã amɛ!” Mɛi ni yashãa afɔlei lɛ shwɔɔ tsinabi amãgãi lɛ anaa.

Hosea 2:8

Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Hosea 8:3

Israelbii ekwa nɔ kpakpa lɛ, no hewɔ lɛ, henyɛlɔi aaanyiɛ amɛsɛɛ.

Mateo 25:12

Shi ehere nɔ ekɛɛ, ‘Anɔkwale mikɛɔ nyɛ akɛ mileee nyɛ.’

Luka 13:25

Be mli ni shĩatsɛ lɛ ete shi eyaŋa shinaa lɛ, ni nyɛaabɔ̃i sɛɛdaamɔ kɛ shinaa lɛ shimɔ, ni nyɛaakɛɛ akɛ, ‘Nuŋtsɔ, Nuŋtsɔ, gbelemɔ wɔ!’ lɛ, eeehere nɔ ekɛɛ nyɛ akɛ, ‘Mileee he ni nyɛjɛ.’

Luka 13:27

Ni eeekɛɛ akɛ, ‘Miikɛɛ nyɛ akɛ mileee he ni nyɛjɛ; nyɛjea minɔ nyɛyaa, nyɛ mɛi fɛɛ ni nyɛtsuɔ nii ni ejaaa gbɛ lɛ!’

Yohane 10:14

Mi ji tookwɛlɔ kpakpa lɛ; mile mi diɛŋtsɛ mitoi lɛ, ni mitoi lɛ hu le mi,

Galatabii 4:9

shi agbɛnɛ moŋ ni nyɛle Nyɔŋmɔ, aloo ni Nyɔŋmɔ ele nyɛ lɛ, te feɔ tɛŋŋ ni nyɛkuɔ nyɛsɛɛ kɛya shishijee nibii ni nyɛ̃ɛɛ nɔ ko afee ni bɛ hewalɛ ko lɛ aŋɔɔ, ni nyɛsaa nyɛtaoɔ akɛ nyɛje shishi nyɛsɔ̃mɔ amɛ ekoŋŋ lɛ?