Hosea 8:1 - ŊMALƐ KRƆŊKRƆŊ LƐ

¹ Yehowa kɛɛ akɛ, “Kpã tɛtɛrɛmantɛrɛ lɛ okɛhɛle mɛi ashi. Henyɛlɔ miiba tamɔ okropɔŋ ebayi Yehowa we lɛ nɔ, ejaakɛ mimaŋbii lɛ eku mi kɛ amɛ kpãŋmɔ lɛ mli, ni amɛtɔ̃ mimla lɛ nɔ.

Ṅmãle̱ Kroṅkroṅ Le̱

¹ Ṅõ *te̱tre̱mantre̱ le̱ omã onã! Eeyi Iehowa we le̱ no̱ tamo̱ okropoṅ; edšake̱ ame̱dũ mikpãṅmo̱ le̱ mli, ni ame̱tõ mimla le̱. *Ies. 55,1.

Hosea 8:1 ပူးပေါင်းရင်းမြစ်များ

2 Maŋtsɛmɛi 18:27

Shi Rabshake kɛɛ amɛ akɛ, “Ani osusuɔ akɛ minuŋtsɔ tsu mi bo kɛ onuŋtsɔ pɛ kɛkɛ ŋɔɔ kɛ nɛkɛ wiemɔ nɛɛ? Ani jeee hii lɛ ni tara gbogbo lɛ nɔ lɛ hu aŋɔɔ etsu mi, mɛi ni alomɔ amɛ kɛ nyɛ fɛɛ akɛ ja amɛye amɛ diɛŋtsɛ amɛwamɔ ni amɛnu amɛ diɛŋtsɛ amɛshãmɔ lɛ?”

Yesaia 18:3

Nyɛ jeŋ gbɔmɛi fɛɛ ni nyɛyɔɔ shikpɔŋ lɛ nɔ, kɛji ashi aflaŋaa yɛ gɔji lɛ anɔ lɛ, nyɛkwɛa, ni kɛji akpã tɛtɛrɛmantɛrɛ lɛ nyɛboa toi.

Yesaia 24:5

Shikpɔŋ lɛ nɔ bii lɛ ewo shikpɔŋ lɛ he muji, ejaakɛ amɛtɔ̃ mlai lɛ anɔ, ni amɛyeee akpɔi lɛ anɔ, ni amɛku naanɔ kpãŋmɔ lɛ mli.

Yesaia 58:1

Yehowa kɛɛ akɛ, “Bolɔmɔ waa! Kaaha onaa miiba shi. Wo ogbee nɔ tamɔ tɛtɛrɛmantɛrɛ. Jajemɔ mimaŋbii lɛ ahe eshai lɛ otsɔɔ amɛ; tsɔɔmɔ Israel we lɛ amɛhe eshai lɛ.

Yeremia 31:32

Kpãŋmɔ hee nɛɛ tamɔɔɔ kpãŋmɔ ni mi kɛ amɛtsɛmɛi lɛ kpãŋ be ni mimɔ amɛnine shi ni mikpala amɛ kɛjɛ Ijipt shikpɔŋ lɛ nɔ lɛ. Nakai mikpãŋmɔ lɛ amɛku mli, tsɛbelɛ mi ji amɛwu.

Yeremia 34:18

Ni hii lɛ ni yeee mikpãŋmɔ lɛ nɔ lɛ, mibafee amɛ tamɔ afee kpãŋmɔ tsinabi lɛ ni agba emli enyɔ, ni amɛtsɔ̃ fãfãafãi lɛ ateŋ kɛho lɛ.

Yeremia 4:13

Naa, henyɛlɔ lɛ efã kɛmiiba tamɔ atatu; etayaa shwiilii lɛ tamɔ lasuogbele; ni ekpɔŋɔi lɛ ahe yɛ oya fe okropɔŋ. Kpoo hã wɔ. Wɔhiɛ ekpãtã!

Yeremia 4:5

Akɛɛ yɛ Yuda, ni ashiɛ yɛ Yerusalɛm hu akɛ, “Akpã tɛtɛrɛmantɛrɛ yɛ shikpɔŋ lɛ nɔ fɛɛ, Abɔ oshe waa akɛ, ‘Nyɛbuaa nyɛhe naa, ni nyɛhãa wɔyaa maji ni atswa gbogbo awo amɛhe lɛ amli!’

Yeremia 48:40

Yehowa kɛɛ akɛ, “Naa mɔ ko baaba ebayi Moab nɔ gleŋ tamɔ okropɔŋ ni egbɛ efijiaŋ,

Yeremia 49:22

Naa, nakai be lɛ mɔ ko baagba shi shwiaa kɛba tamɔ okropɔŋ ni egbɛ efijiaŋ kɛbatua Bozra, ni Edom hii kãkãlɔi lɛ atsui baatsɔ̃ tamɔ yoo ni miikɔmɔ tsui.”

Yeremia 51:27

“Nyɛshia tayaa aflaŋaa yɛ shikpɔŋ lɛ nɔ. Nyɛkpãa tɛtɛrɛmantɛrɛ yɛ majimaji lɛ anɔ. Nyɛsaa maji lɛ nyɛhãa ta nyɛwoa Babilon. Nyɛwoa maŋtsɛyeli ni ji Ararat kɛ Mini kɛ Ashkenaz ŋaa koni amɛfã ta amɛwo Babilon. Nyɛfãa tatsɛ koni enyiɛ tabilɔi lɛ ahiɛ kɛyatua lɛ. Nyɛkɛ okpɔŋɔi abaa babaoo tamɔ baalabii.

Yeremia 6:1

Ao! Nyɛ Benyaminbii, nyɛjoa foi kɛjea Yerusalɛm ni nyɛhere nyɛyiwala. Akpã tɛtɛrɛmantɛrɛ yɛ Tekoa, nyɛkɛ lasu pukɔŋŋ atoa okadi yɛ Bet-Hakerem, ejaakɛ sane fɔŋ ni ji hiɛkpãtãmɔ kpeteŋkple miibu tamɔ oblɔtu kɛmiijɛ kooyigbɛ kɛmiiba.

Ezekiel 11:4

No hewɔ lɛ, gbɔmɔ Adesa, gbaa oshi amɛ.”

Ezekiel 16:59

Nuŋtsɔ Yehowa kɛɛ, “Bɔ ni ofee lɛ nakai pɛ mikɛ bo baaye, ejaakɛ otswa okitã lɛ ofɔ̃ afã, ni oku kpãŋmɔ lɛ mli.

Ezekiel 17:3

bɔ ni mi, Nuŋtsɔ Yehowa, mikɛɔ nɛ, okropɔŋ kpeteŋkple kɛ efiji agboi kɛ etsɛji kakadaji ko ni yɔɔ. Eyɛ tsɛji fɛɛfɛji bibii kɛ emli samaisamai. Eba Lebanon gɔŋ lɛ nɔ, ni ebaku tsenedrutso lɛ yiteŋ.

Ezekiel 7:14

Akpã tɛtɛrɛmantɛrɛ, afee kralo hu atã; shi mɔ ko mɔ ko eyaaa ta lɛ, ejaakɛ mimli efu asafo muu lɛ fɛɛ.”

Hosea 4:6

Mimaŋ lɛ hiɛ ekpãtã ejaakɛ amɛleee nii. Akɛni okwa nilee hewɔ lɛ, mi hu miikwa bo akɛ misɔfo; ni akɛni ohiɛ ekpa oNyɔŋmɔ lɛ mla lɛ nɔ hewɔ lɛ, mi hu mihiɛ miikpa obii lɛ anɔ.

Hosea 5:8

“Akpã ta tɛtɛrɛmantɛrɛ yɛ Gibea! Akpã koofɛŋ lɛ yɛ Rama! Abɔ oshe yɛ Bet-Aven! Ohe akpokpo, Benyamin!

Hosea 6:7

“Shi amɛ lɛ amɛtɔ̃ kpãŋmɔ lɛ nɔ tamɔ bɔ ni Adam fee lɛ, ni amɛyeee mi anɔkwa.

Hosea 9:15

Yehowa kɛɛ, “Amɛto amɛnifɔɔjianii lɛ fɛɛ feemɔ shishi yɛ Gilgal, ni jɛi mibɔ̃i amɛ nyɛɛ yɛ. Amɛnifeemɔnii gbohii lɛ ahewɔ lɛ mibashwie amɛ kɛje mishikpɔŋ lɛ nɔ. Misumɔŋ amɛ dɔŋŋ! Amɛlumɛi lɛ fɛɛ etse mihiɛ atua.

Yoel 2:1

Nyɛkpãa tɛtɛrɛmantɛrɛ yɛ Zion; nyɛbɔa oshe yɛ migɔŋ krɔŋkrɔŋ lɛ nɔ! Shikpɔŋ lɛ nɔ bii fɛɛ ahe akpokpo, ejaakɛ Yehowa gbi lɛ miiba; eshɛ shi etã.

Yoel 2:15

Nyɛkpãa tɛtɛrɛmantɛrɛ yɛ Zion; nyɛfãa akɛ ahi ŋmaa krɔŋkrɔŋ, ni nyɛtsɛa kpee ni mli wa.

Amos 3:6

Ani tɛtɛrɛmantɛrɛ gbɛɔ yɛ maŋ ni maŋbii lɛ hɛleee shi lo? Ani amane baa maŋ ko nɔ ni jeee Yehowa dɛŋ ejɛ lo?

Amos 8:3

Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

Amos 9:1

Mina Yehowa damɔ afɔleshãa latɛ lɛ he. Ekɛɛ mi akɛ, “Okɛ nii atswia Sɔlemɔtsu lɛ akulashiŋi lɛ ayiteiaŋ kpɔbii lɛ waa koni kpokui lɛ ahoso, ni ewule eshwie mɛi lɛ fɛɛ anɔ. Mɛi ni ahe baaje mli lɛ mibagbe amɛ yɛ ta mli. Mɔ ko mɔ ko ejoŋ minaa foi lɛ, mɔ ko mɔ ko hu he ejeŋ mli.

Habakuk 1:8

“Amɛkpɔŋɔi ahe yɛ oya fe mlaŋtswi, ni amɛhiɛ yɛ kramakrama fe klãji ni je ena amɛ kɛ hɔmɔ. Amɛkpɔŋɔnɔtalɔi lɛ jɛɔ shɔŋŋ amɛbaa; amɛshaneɔ shi kɛ foi tamɔ okropɔŋ shaneɔ shi eshaa eniyenii.

Zefania 1:16

Gbi lɛ tɛtɛrɛmantɛrɛ baagbɛɛ, ni abaabɔ oshe kɛtua maji ni atswatswaa gbogboi awo amɛhe lɛ kɛ mɔji ni kwɔlɔ lɛ hu.

Zakaria 11:1

“Ao, Lebanon, gbelemɔ oshinai lɛ, koni la ashã otsenedrui lɛ.

Zakaria 9:14

Agbɛnɛ Yehowa aaapue yɛ ewebii lɛ anɔ ni egãimlibii lɛ aafliki tamɔ srawa gbalaa lɛ. Nuŋtsɔ Nyɔŋmɔ lɛ diɛŋtsɛ ni aaakpã eta tɛtɛrɛmantɛrɛ lɛ, ni eeefã tamɔ wuoyigbɛ lasuogbele.

Mateo 24:28

Ejaakɛ he fɛɛ he ni gbonyo kã lɛ, jɛi akpaŋai buaa amɛhe naa yɛ.”

1 Korintobii 15:52

trukaa, hiŋmɛitswaa mli, be ni aaakpã naagbee tɛtɛrɛmantɛrɛ lɛ; ejaakɛ abaakpã tɛtɛrɛmantɛrɛ, ni aaatee gbohii ashi ni amɛfiteŋ dɔŋŋ, ni wɔ lɛ, abaatsake wɔ.

5 Mose 28:49

Yehowa kɛ maŋ ko aaajɛ shɔŋŋ diɛŋtsɛ, kɛaajɛ je lɛ naagbeehe, abatua bo trukaa, shwim tamɔ okropɔŋ filikiɔ, maŋ ko ni onuuu amɛwiemɔ,