Hosea 7:8 - ŊMALƐ KRƆŊKRƆŊ LƐ

⁸ Yehowa kɛɛ, “Bɔ ni Israel kɛ ehe fufuaa maŋsɛɛ maji anɔbii lɛ, ehã etsɔ̃ tamɔ aboloo ni ebe fã kɛ fã.

Ṅmãle̱ Kroṅkroṅ Le̱

⁸ Ake̱ Efraim efutu mãdšimãdši le̱; Efraim etšṍ kaka ní atšṍko.

Hosea 7:8 ပူးပေါင်းရင်းမြစ်များ

1 Maŋtsɛmɛi 18:21

Kɛkɛ ni Elia tsi ebɛŋkɛ asafo muu ni ewo shi lɛ, ni ekɛɛ akɛ, “Mɛɛ beyinɔ nɔŋŋ nyɛyiŋ aaafee nyɛ enyɔnyɔɔnyɔ kɛyashi yɛ saji enyɔ nɛɛ ahe? Kɛji Yehowa ji Nyɔŋmɔ lɛ, nyɛjaa lɛ, ni kɛji Baal ji Nyɔŋmɔ lɛ nyɛjaa lɛ.” Shi maŋbii lɛ ateŋ mɔ ko mɔ ko etswaaa esɛŋ.

Ezra 9:1

Enɛɛmɛi asɛɛ lɛ, onukpai lɛ ba miŋɔɔ amɛbakɛɛ mi akɛ, Israel maŋbii lɛ kɛ osɔfoi lɛ kɛ Levibii lɛ tseko amɛhe yɛ shikpɔji lɛ anɔ bii lɛ ahe, yɛ nii ni amɛfeɔ ni Yudafoi hiɔ lɛ agbɛfaŋ. Nii nɛɛ ji nii ni Kanaanbii kɛ Hitbii kɛ Perizbii kɛ Yebusbii kɛ Amonbii kɛ Moabbii kɛ Ijiptbii kɛ Amorbii lɛ feɔ lɛ.

Ezra 9:12

Enɛ hewɔ lɛ, ogbalɔi lɛ kɛɛ wɔ akɛ wɔkɛ wɔbiyei akahã shikpɔji lɛ anɔ bii agbãla; ni asaŋ, wɔkaŋɔ amɛbiyei wɔhã wɔbihii. Gbalɔi lɛ kɛɛ wɔ akɛ wɔkatao hejɔlɛ loo shweremɔ wɔhã shikpɔŋ lɛ nɔ bii lɛ gbi ko gbi ko. Amɛkɛɛ wɔfee nakai bɔ ni afee ni wɔhe awa ni wɔye shikpɔŋ lɛ nɔ nii kpakpai lɛ ni wɔshi wɔhã wɔbii akɛ gboshinii kɛya naanɔ.

Lalai 106:35

shi moŋ amɛfutu amɛ ni amɛkase amɛnifeemɔnii lɛ.

Hosea 5:13

“Be ni Israel na hela ni emɔ lɛ lɛ, ni Yuda hu na fala ni efã lɛ, Efraim tee Asiria maŋtsɛ kpanaa lɛ ŋɔɔ eyabi edɛŋ yelikɛbuamɔ, shi Asiria nyɛɛɛ amɛ tsofa efee aloo etsa amɛ.

Hosea 5:7

Akɛni amɛje Yehowa sɛɛ hewɔ lɛ, amɛyafɔ gbɔi abii. Shi nyɔŋ hee ni baaje lɛ mli lɛ abaakpãtã amɛ kɛ amɛshikpɔŋ fɛɛ hiɛ.”

Hosea 7:9

Gbɔi lɛ ehã ehewalɛ etã, shi eyooko; eyiteŋ eje waŋ, shi ekɔɔɔ sɛɛ.

Hosea 9:3

Asaŋ Israel ehiŋ Yehowa shikpɔŋ lɛ nɔ, shi ebaaku sɛɛ eya Ijipt nyɔŋyeli mli; ni amɛaayaye nii ni he tseee yɛ Asiria.

Zefania 1:5

Mibakpãtã mɛi fɛɛ ni kwɔɔ kɛyaa tsui ayiteiaŋ amɛyajaa hulu kɛ nyɔɔŋtsere kɛ ŋulamii yɛ jɛi lɛ ahiɛ. Mibakpãtã mɛi hu ni kotoɔ Yehowa lɛ, ni amɛkãa lɛ kitã akɛ amɛbaaye lɛ anɔkwa, shi amɛkɛ jemawɔŋ Molek gbɛi lɛ kãa kitã ahiɛ.

Maleaki 2:11

Yuda yeee Nyɔŋmɔ anɔkwa, ni musubɔɔ nibii sɔŋŋ kɛkɛ afeɔ yɛ Israel kɛ Yerusalɛm. Yuda ebule Yehowa Sɔlemɔ we lɛ ni esumɔɔ lɛ. Yudahii lɛ eyaŋɔŋɔɔ ŋamɛi ni jaa maŋsɛɛ wɔji.

Mateo 6:24

“Mɔ ko nyɛŋ nuŋtsɔmɛi enyɔ asɔ̃mɔ; ejaakɛ no lɛ eeenyɛ mɔ kome ni eeesumɔ mɔ kroko lɛ; aloo eeekpɛtɛ mɔ kome he, ni eeebu mɔ kroko lɛ akɛ ejeee mɔ ko. Nyɛnyɛŋ Nyɔŋmɔ kɛ mamona (ninamɔ) nyɛsɔ̃mɔ.