Hosea 7:7 - ŊMALƐ KRƆŊKRƆŊ LƐ

⁷ “Amɛkɛ mlila ni yɔɔ amɛmli lɛ gbegbee amɛnɔyelɔi lɛ. Amɛmaŋtsɛmɛi lɛ fɛɛ nyɔnyɔi, shi amɛteŋ mɔ ko mɔ ko kwraa ebooo etsɛɛɛ mi.”

Ṅmãle̱ Kroṅkroṅ Le̱

⁷ Ame̱fẽ-tſẽm ame̱mli edo̱ la tamo̱ flõnõ, ni ame̱šãa ame̱kodšolo̱i le̱; ame̱maṅtše̱mei le̱ fẽ nyõnyõo̱, ni mokomoko be̱ ame̱teṅ ni tšé̱o̱mi!

Hosea 7:7 ပူးပေါင်းရင်းမြစ်များ

1 Maŋtsɛmɛi 15:28

No hewɔ lɛ, Baasha gbe Nadab be ni Asa eye maŋtsɛ afii etɛ̃ yɛ Yuda. Kɛkɛ ni lɛ Baasha lɛ ebaye Nadab sɛɛ akɛ maŋtsɛ yɛ Israel.

1 Maŋtsɛmɛi 16:18

Be ni Zimri na akɛ aŋɔ maŋ lɛ, eyabote maŋtsɛwe lɛ mɔɔ lɛ mli kɛkɛ ni ema maŋtsɛwe lɛ naa la, ni eshã shĩa lɛ eshwie enɔ, ni egbo.

1 Maŋtsɛmɛi 16:22

Shi mɛi ni yɔɔ Omri sɛɛ lɛ ye mɛi ni yɔɔ Ginat bi Tibni lɛ sɛɛ lɛ anɔ kunim. Tibni nyɔ, ni Omri baye maŋtsɛ,

2 Maŋtsɛmɛi 10:14

Kɛkɛ ni Yehu kɛɛ akɛ, “Nyɛmɔmɔa amɛ hiɛkãalɔi!” Ni amɛmɔmɔ amɛ hiɛkãalɔi, ni amɛgbe amɛ yɛ Toohetsɔikuuhe bu lɛ he, hii nyɔŋmai ejwɛ kɛ enyɔ, ni eshwɛɛɛ amɛteŋ mɔ ko mɔ ko.

2 Maŋtsɛmɛi 10:7

Be ni wolo lɛ bashɛ amɛdɛŋ lɛ, amɛmɔmɔ maŋtsɛ bihii nyɔŋmai kpawo lɛ, ni amɛgbe amɛ fɛɛ, ni amɛŋɔ amɛyitsei lɛ amɛwo kɛntɛŋi amli, ni amɛtsu akɛyahã Yehu yɛ Yezreel.

2 Maŋtsɛmɛi 15:10

Ni Yabesh bi Shalum tee Maŋtsɛ Zakaria yinɔ apam, ni etswa lɛ nɔ ni egbe lɛ yɛ maŋ hiɛ, kɛkɛ ni ebaye maŋtsɛ yɛ esɛɛ.

2 Maŋtsɛmɛi 15:14

Gadi bi Menahem yiŋ kɛjɛ Tirza kɛba Samaria, ni ebatswa Yabesh bi Shalum nɔ yɛ Samaria, ni egbe lɛ; kɛkɛ ni eye maŋtsɛ yɛ esɛɛ.

2 Maŋtsɛmɛi 15:25

Ni Remalia bi Peka, ni ji Pekahia asafoiatsɛnukpa lɛ, tee Pekahia yinɔ apam, ni etswa lɛ nɔ egbe lɛ yɛ Samaria, yɛ maŋtsɛ we lɛ mɔɔ lɛ mli. Gilead hii nyɔŋmai enumɔ fata Peka he; kɛkɛ ni Peka ye maŋtsɛ yɛ Pekahia sɛɛ.

2 Maŋtsɛmɛi 15:30

Yuda Maŋtsɛ Yotam yinɔ afi ni ji nyɔŋmai enyɔ lɛ nɔ lɛ, Ela bi Hoshea tee Maŋtsɛ Peka, Remalia bi lɛ, yinɔ apam, ni etswa lɛ nɔ egbe lɛ, ni ebaye maŋtsɛ yɛ Israel.

2 Maŋtsɛmɛi 9:24

Kɛkɛ ni Yehu kɔ egãi lɛ ni eŋɔ tsɛ̃ Yoram kɔ̃ji ateŋ, ni gãi lɛ tsɔ̃ Yoram tsui mli kɛje kpo, ni egbee eshwiili lɛ mli.

2 Maŋtsɛmɛi 9:33

Ni ekɛɛ, “Nyɛwoa lɛ nyɛshɛa nyɛfɔ̃a shikpɔŋ!” Kɛkɛ ni amɛwo lɛ amɛtswa shi; ni elá lɛ eko tsɛŋe shwie gbogbo lɛ kɛ okpɔŋɔi lɛ ahe. Yehu kɛ eshwiili ni eta mli lɛ kɛ okpɔŋɔi lɛ tsɔ̃ Yezebel gbonyo lɛ nɔ kɛho.

Hiob 36:13

Mɛi ni sheee Nyɔŋmɔ gbeyei lɛ, eŋmɛ̃ɛɛ mlifu he; kɛji efĩ amɛ tete lɛ amɛbiii Nyɔŋmɔ dɛŋ yelikɛbuamɔ.

Lalai 14:4

Ani nɔfɔŋfeelɔi lɛ amɛleee nii? Mɛi ni yeɔ mimaŋbii tamɔ ayeɔ kɔmi, ni amɛsɔleee amɛtsɛɛɛ Yehowa lɛ, amɛbɛ jwɛŋmɔ!

Yesaia 43:22

Yehowa kɛɛ, “Israel, ojaaa mi! Israel, ogbaaa ohe naa yɛ mihe!

Yesaia 64:4

Ejaakɛ kɛjɛ teteete lɛ anuko dã, ni efoko mɔ ko mɔ ko toi naa dã, ni hiŋmɛi hu enako Nyɔŋmɔ ko yɛ bo osɛɛ ni feɔ nɔ ehaa mɛi ni hiɛ kã enɔ lɛ!

Yesaia 64:6

Wɔ fɛɛ wɔtsɔmɔ tamɔ mɔ ko ni he tseee, ni wɔjalɛ nifeemɔnii lɛ tamɔ takoshwɛ. Wɔnishaianii lɛ ehã wɔfee tamɔ baa gbiŋ, ni kɔɔyɔɔ tswaa wɔ kɛyaa.

Yesaia 64:7

Mɔ ko bɛ ni sɔleɔ tsɛɔ bo; mɔ ko bɛ ni baa odɛ̃ŋ yelikɛbuamɔ, ejaakɛ okɛ ohiɛ etee wɔ, ni oŋmɛɛ wɔhe oha wɔnishaianii lɛ.

Yesaia 9:13

Israelbii lɛ kpaleee amɛbaaa mɔ ni gbala amɛtoi lɛ ŋɔɔ lɛ, amɛtaooo Yehowa, Taiatsɛ lɛ, sɛɛgbɛ.

Ezekiel 22:30

Hewɔ lɛ, mitao akɛ mana mɔ ko kɛjɛ amɛteŋ ni eeetswa gbogbo ni ewule lɛ, ni eeebu folɔ lɛ naa yɛ mihiɛ ehã shikpɔŋ lɛ, koni mikafite lɛ; shi minaaa mɔ ko mɔ ko.

Daniel 9:13

Nɛkɛ efɔŋ nɛɛ eba wɔnɔ tamɔ bɔ ni aŋma yɛ Mose Mla lɛ mli lɛ. Kɛ̃lɛ wɔkpako bo Yehowa fai, ni wɔkpaleko kɛjeko wɔnifɔ̃ɔjianii lɛ ahe, ni wɔboko anɔkwale wiemɔ lɛ toi.

Hosea 13:10

Nɛgbɛ omaŋtsɛ lɛ yɔɔ koni ehere oyiwala; aloo nɛgbɛ nyɛlumɛi lɛ ni baafã nyɛhe lɛ yɔɔ, mɛi ahewɔ ni nyɛbi akɛ, ‘Ahã wɔ maŋtsɛ kɛ lumɛi lɛ?’

Hosea 5:15

“Mibagbala mihe shi mashi amɛ kɛyaashi amɛaakpɛlɛ̃ amɛtɔ̃mɔ nɔ, ni amɛaabatao misɛɛgbɛ. Ekolɛ fimɔ be lɛ mli lɛ amɛaatao mi.”

Hosea 7:10

Israel shwãanii lɛ miiye odase miishi lɛ moŋ, shi kɛ̃lɛ maŋbii lɛ kpaleee koni amɛba mi, Yehowa amɛNyɔŋmɔ lɛ, ŋɔɔ, aloo koni amɛtao misɛɛgbɛ.

Hosea 7:14

Amɛfooo amɛtsɛɛɛ mi kɛjɛɛɛ amɛtsuiiaŋ; shi moŋ amɛsai anɔ amɛfoɔ waa yɛ. Kɛji amɛmiisɔle yɛ abele kɛ wain he lɛ, amɛkɛ kakla folɔɔ amɛhe tamɔ wɔŋjalɔi lɛ feɔ lɛ. Gbɔmɛi nɛɛ etse mihiɛ atua.

Hosea 8:4

“Amɛto maŋtsɛmɛi, shi jeee mi minɔ amɛtsɔ̃; ni amɛhole lumɛi hu ni mileee mli eko kwraa. Amɛkɛ amɛjwiɛtɛi kɛ amɛshika fee amãgãi ni baakpãtã amɛ nɔŋŋ amɛhiɛ.

Mika 2:1

Kpoo hã mɛi ni toɔ efɔŋ he ŋaa yɛ amɛsai anɔ lɛ. Kɛji je tsɛre, ni amɛna hegbɛ lɛ, amɛfeɔ efɔŋ ni amɛto he ŋaa amɛfɔ shi lɛ ejaakɛ efɔŋ lɛ nɔ hewalɛ yɛ amɛdɛŋ.