Hosea 7:2 - ŊMALƐ KRƆŊKRƆŊ LƐ

² Efeee amɛ kwraa akɛ miina amɛnifɔɔjianii lɛ fɛɛ. Shi naa amɛnifeemɔnii lɛ ebɔle amɛ, ni miikwɛ.”

Ṅmãle̱ Kroṅkroṅ Le̱

² Ni ame̱dſẽṅṅ ye̱ ame̱tšui mli ake̱ mikaio̱ amanifõdšianii le̱ fẽ. Agbene̱ ame̱nifemo̱nii le̱ ebo̱leame̱; ame̱ye̱ mihĩe!

Hosea 7:2 ပူးပေါင်းရင်းမြစ်များ

Hiob 34:21

Ejaakɛ ohiŋmɛi jwere gbɔmɔ adesa jeŋba nɔ, ni onaa enyiɛmɔhei fɛɛ.

Lalai 10:11

Mɔ fɔŋ susuɔ yɛ etsuiŋ akɛ, “Nyɔŋmɔ hiɛ ekpa nɔ, ekɛ ehiɛ etee; ni enaŋ gbi ko gbi ko.”

Lalai 25:7

Oo Yehowa, kaakai miblahiaŋ eshai kɛ tɔ̃mɔi lɛ; shi moŋ kaimɔ mi yɛ omlihilɛ kɛ okpakpafeemɔ ni sɛɛ efooo lɛ hewɔ.

Lalai 50:22

Agbɛnɛ, nyɛ mɛi ni nyɛhiɛ ekpa Nyɔŋmɔ nɔ lɛ, nyɛkadia enɛ kɛjeee nakai lɛ, mibatserɛ nyɛmli dukuduku ni mɔ ko bɛ ni baahere nyɛyiwala.

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

Lalai 90:8

Oŋɔ wɔnishaianii lɛ oto ohiɛ, ni wɔdujiaŋ eshai lɛ, yɛ ohiɛ faŋŋ.

Yesaia 1:3

Tsina le mɔ nɔ̃ ni ji lɛ, ni teji hu le he ni enuŋtsɔ eto eniyenii adeka yɛ. Shi Israel lɛ, lɛ lɛ eleee enɛ mli ekoeko; miwebii lɛ bɛ niiashishinumɔ.”

Yesaia 26:16

Ao Yehowa, amɛhejaramɔ mli lɛ, amɛtao osɛɛgbɛ; amɛsɔle amɛkpa bo fai be ni ogbalaa amɛtoi lɛ.

Yesaia 44:19

Mɔ ko mɔ ko jwɛŋmɔ baaa nɔ, asaŋ nilee loo sanesɛɛkɔmɔ hɛleee mɔ ko kwra shi ni ekɛɛ akɛ, “Mikɛ tso lɛ fã shã ŋai, ni mikɛ ŋai lɛ shã aboloo kɛ loo fɛɛ ni miye. Esa akɛ makoto tsoku lɛ lo?”

Yesaia 5:12

Amɛkɛ saŋku kɛ obenta kɛ milɛ̃ kɛ blɛ kɛ wain yeɔ amɛgbiijuji lɛ, shi amɛbuuu Yehowa, nifeemɔnii, ni amɛnãaa eninenaa nitsumɔi lɛ hu.

Yeremia 14:10

Bɔ ni Yehowa kɛɛ yɛ gbɔmɛi nɛɛ ahe nɛ, “Nɛkɛ amɛsumɔ akɛ amɛkpa shi, ni etɔɔɔ amɛ kɛ shikpaa lɛ. No hewɔ lɛ, mi Yehowa, mihereŋ amɛ atuu dɔŋŋ. Agbɛnɛ mibakai amɛnishaianii lɛ moŋ, ni mibagbala amɛtoi yɛ amɛhe eshai lɛ ahewɔ.”

Yeremia 16:17

Ejaakɛ nɔ fɛɛ nɔ ni amɛfeɔ lɛ mihiŋmɛii jwere nɔ, eko eko bɛ ni minaaa.

Yeremia 17:1

Yehowa kɛɛ akɛ, “Yuda he esha lɛ akɛ dade niŋmaatso kɛ enaa daiamɔnd piɔpiɔ kpɛ wo amɛtsui tao lɛ nɔ; akpɛ yɛ amɛfɔleshãa latɛi lɛ akoji lɛ anɔ.

Yeremia 2:19

Bo diɛŋtsɛ onifɔɔjianii lɛ baagbala otoi, ni kwamɔ ni okwa mi lɛ baabu bo fɔ. Na ole, ni oyoo akɛ kwamɔ ni okwa mi, Yehowa, oNyɔŋmɔ lɛ, nɔ fɔŋ ni, ni ebaajoo ehã bo. Mihe gbeyeishemɔ bɛ omli. Mi, Nuŋtsɔ Nyɔŋmɔ, Taiatsɛ, mikɛɛ.”

Yeremia 32:19

oŋaalee mli kwɔ, ni ofeɔ nibii wuji. Bo ni onaa gbɔmɛi ajeŋbai fɛɛ, ni bɔ ni mɔ fɛɛ mɔ nifeemɔ yɔɔ lɛ nakai he nyɔmɔ owoɔ lɛ; ni nɔ ni mɔ fɛɛ mɔ duɔ lɛ no yibii ohãa ekpaa.

Yeremia 4:18

Yuda, ojeŋba kɛ onifeemɔnii ji nɔ ni kɛ nɛkɛ sane eba onɔ nɛɛ. Ohiɛkpãtãmɔ nɛ, ni eejoo pam, ni eetsu otsui mli.

Yeremia 44:21

“Tsofakɛŋma ni nyɛ kɛ nyɛtsɛmɛi lɛ kɛ nyɛmaŋtsɛmɛi lɛ kɛ nyɛlumɛi kɛ shikpɔŋ lɛ nɔ bii lɛ shãshãa yɛ Yuda maji lɛ kɛ Yerusalɛm blohui lɛ amli lɛ, ani Yehowa kaiii? Ani ebaaa ejwɛŋmɔ mli lo?

Ezekiel 21:29

“Nii ni nyɛnaa lɛ amale ninaa ni, ni nyɛgbalɛi hu amale gbalɛi ni, koni nyɛkɛ sɔ̃ lɛ afɔ̃ lumɛi kɛ mɛi fɔ̃ji ni egboi lɛ anɔ. Amɛ lɛ, amɛnaagbee hiɛkpãtãmɔ be lɛ eshɛ.

Hosea 12:2

“No hewɔ lɛ, Yehowa kɛ Yudabii lɛ yɛ sane. Ebaawo Israelbii nyɔmɔ yɛ amɛjeŋba naa; eeegbala amɛtoi yɛ amɛnifeemɔnii anaa.

Hosea 4:9

Magbala osɔfoi lɛ atoi tamɔ maŋbii lɛ nɔŋŋ yɛ amɛjeŋba hewɔ; mawo amɛnishaianii ni amɛfee lɛ he nyɔmɔ.

Hosea 6:2

Gbii enyɔ sɛɛ lɛ, eeetsĩɛ wɔ, ni gbi ni ji etɛ̃ lɛ nɔ lɛ eeetee wɔ shi, ni wɔ kɛ lɛ aaahi shi.

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

Hosea 9:15

Yehowa kɛɛ, “Amɛto amɛnifɔɔjianii lɛ fɛɛ feemɔ shishi yɛ Gilgal, ni jɛi mibɔ̃i amɛ nyɛɛ yɛ. Amɛnifeemɔnii gbohii lɛ ahewɔ lɛ mibashwie amɛ kɛje mishikpɔŋ lɛ nɔ. Misumɔŋ amɛ dɔŋŋ! Amɛlumɛi lɛ fɛɛ etse mihiɛ atua.

Hosea 9:9

Amɛbote eshafeemɔ mli vii tamɔ bɔ ni eba yɛ Gibea lɛ. No hewɔ lɛ, agbɛnɛ mibani eshai ni amɛfee lɛ ahe, ni mibawo amɛ nyɔmɔ.

Amos 8:7

Yehowa, Israel Nyɔŋmɔ lɛ, ekã kitã akɛ; “Anɔkwa, mihiɛ kpaŋ amɛnifeemɔnii lɛ eko nɔ kɔkɔɔkɔ.

Yona 1:2

“Tee shi ni oya Nineve maŋ kpeteŋkple lɛ mli koni oyashiɛ oshi maŋ lɛ, ejaakɛ nifɔɔjianii fɛɛ ni emli bii lɛ feɔ lɛ miina fɛɛ.”

4 Mose 32:23

Shi kɛji nyɛyeee nyɛshiwoo lɛ nɔ yɛ Yehowa hiɛ lɛ, no lɛ nyɛtɔ̃ Yehowa nɔ, ni bɔ fɛɛ bɔ ni fee lɛ nyɛbaana nyɛtɔ̃mɔ lɛ he toigbalamɔ.

Luka 12:2

Shi nɔ ko bɛ ni atsimɔ nɔ ni ajieŋ lɛ kpo, aloo ni akɛtee ni aleŋ.

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

5 Mose 32:29

Eji amɛle nii kulɛ amɛaanu nɔ ni ba lɛ shishi, ni amɛaayoo bɔ ni amɛnaagbee mli aaabatamɔ.

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.