Hosea 7:14 - ŊMALƐ KRƆŊKRƆŊ LƐ

¹⁴ Amɛfooo amɛtsɛɛɛ mi kɛjɛɛɛ amɛtsuiiaŋ; shi moŋ amɛsai anɔ amɛfoɔ waa yɛ. Kɛji amɛmiisɔle yɛ abele kɛ wain he lɛ, amɛkɛ kakla folɔɔ amɛhe tamɔ wɔŋjalɔi lɛ feɔ lɛ. Gbɔmɛi nɛɛ etse mihiɛ atua.

Ṅmãle̱ Kroṅkroṅ Le̱

¹⁴ Ni ame̱blo̱o̱ ame̱tšé̱é̱mi ye̱ ame̱tšuiiaṅ, ši amahū̃o̱ ye̱ ame̱sāi ano̱. Ame̱buabuaä ame̱he nā ye̱ ṅmā̃ ke̱ wein moṅ hewo̱; ame̱tšeo̱ mihĩe atũa.

Hosea 7:14 ပူးပေါင်းရင်းမြစ်များ

2 Mose 32:6

Enɔ jetsɛremɔ lɛ maŋbii lɛ te shi maŋkɛ mra, ni amɛshãshãa shãa afɔlei, ni amɛkɛ niyenii afɔlei hu ba, ni maŋ lɛ ho tara shi, ni amɛye nii, ni amɛnu nii hu, ni no sɛɛ lɛ amɛte shi amɛshwɛ.

Yesaia 29:13

Kɛkɛ ni Nuŋtsɔ lɛ kɛɛ akɛ, “Akɛni maŋbii nɛɛ bɛŋkɛɔ mi kɛ amɛnaabu kɛkɛ, ni amɛkɛ amɛnaabu kɛkɛ woɔ mi, shi amɛtsui kɛ miteŋ jɛkɛ kwraa, ni jamɔ ni amɛjaa mi lɛ ejeee fɛifɛi fe wiemɔi ni amɛkase amɛwo amɛyitseiaŋ kɛkɛ amɛwieɔ

Yesaia 52:5

No hewɔ lɛ, agbɛnɛ mɛni mafee yɛ he akɛni miina mimaŋ lɛ ni Babilonbii ŋɔ amɛ nom yakatswaa lɛ? Amɛnɔyelɔi lɛ shwãa kɛkɛ amɛshwãa, Yehowa kɛɛ, ni gbi muu fɛɛ lɛ amɛgbeɔ migbɛi lɛ he guɔ.

Yesaia 65:14

Naa, mitsuji lɛ aaala kɛ tsuijurɔ, shi nyɛ lɛ nyɛaafo kɛ tsuiŋshãlɛ, ni nyɛaafo yoo kɛ mumɔ ni werɛ eho ehe.

Yeremia 12:2

Otɛoɔ amɛ, ni amɛfãi mɔmɔɔ shi, amɛdaraa, ni amɛwoɔ yibii. Amɛwieɔ ohe ekpakpa kɛ amɛnaabu shi amɛtsui mli lɛ, amɛ kɛ bo teŋ jɛkɛ.

Yeremia 3:10

Ni yɛ enɛɛmɛi fɛɛ asɛɛ lɛ Yuda, Israel nyɛmiyoo ni yeee anɔkwa lɛ, kpaleee kɛbaaa miŋɔɔ kɛ etsui fɛɛ, shi moŋ kwa ekwa eba miŋɔɔ. Mi Yehowa, mikɛɛ.”

Yāfó 2:18

Ao! Yerusalɛm biyoo blɔmɔ waa otsɛ Yehowa! Hã yaafonu aho yɛ ohiŋmɛiŋ tamɔ faa, shwane kɛ nyɔɔŋ fɛɛ. Kaajɔɔ ohe; kaafɔ̃ɔ yaafo!

Hosea 13:16

Samaria yi sɔ̃ lɛ baatere lɛ diɛŋtsɛ; emli bii lɛ ahiɛ aaakpãtã yɛ ta mli, akɛ emli abifabii lɛ aaatswiatswia shi; ni aaagbala amɛyeihɔlɔi lɛ amli.”

Hosea 13:6

shi be ni nyɛna nii nyɛye ni nyɛtɔrɔ pɛ, kɛkɛ ni nyɛwo nyɛhe nɔ ni nyɛhiɛ kpa minɔ.

Hosea 13:9

“Kwɛ, Israel! Mibakpãtã ohiɛ; ni namɔ aaanyɛ oyiwala ahere?

Hosea 3:1

Yehowa kɛɛ mi akɛ, “Yaa ekoŋŋ ni oyasumɔ yoo ni ewu sumɔɔ lɛ, shi lɛ lɛ ekɛ nuu kroko miifite gbãlã. Osumɔ lɛ tamɔ bɔ ni mi, Yehowa, misumɔɔ mimɛi Israelbii lɛ; tsɛbelɛ amɛ lɛ, amɛkwa mi, ni amɛtee wɔji aŋɔɔ, ni amɛkɛ wain yibii yashãa afɔle amɛhãa amãgãi.”

Hosea 8:2

Mi amɛbolɔɔ amɛtsɛɔ akɛ, ‘WɔNyɔŋmɔ, bo ji mɔ ni wɔ, Israelbii, wɔle.’

Amos 2:8

Amɛkãmɔɔ atadei ni akɛbato amɛ awaba anɔ yɛ afɔleshãa latɛ fɛɛ afɔleshãa latɛ naa, ni amɛnuɔ wain ni ahe yɛ mɛi ni abu amɛ fɔ adɛŋ yɛ amɛNyɔŋmɔ lɛ Sɔlemɔ we lɛ.

Amos 8:3

Nakai gbi lɛ, lalai ni amɛlaa yɛ Sɔlemɔ we lɛ mli lɛ baatsɔ̃ yara ni awo. Gbɔmɛi babaoo baaplene, ni abaashɛrɛ gbohii ashwie hei fɛɛ nigii, shi mɛi baafee diŋŋ kɛkwɛ.”

Mika 2:11

“Gbalɔ ni maŋ nɛɛ sumɔɔ ji gbalɔ ni nyiɛɔ ni ewieɔ fuu ni emaleɔ ni ekɛɔ akɛ, ‘Wain kɛ dãa ni wa baabu ahã nyɛ.’

Zakaria 7:5

“Bi shikpɔŋ muu lɛ nɔ bii lɛ kɛ osɔfoi lɛ akɛ, be ni nyɛhi ŋmãa ni nyɛye ŋkɔmɔ yɛ nyɔŋ ni ji enumɔ lɛ nɔ kɛ nyɔŋ ni ji kpawo lɛ hu nɔ, yɛ afi nyɔŋmai kpawo nɛɛ mli lɛ, ani mi, Yehowa nyɛhi ŋmãa lɛ nyɛhã lo?

Romabii 16:18

Ejaakɛ mɛi ni yɔɔ nɛkɛ lɛ, jeee wɔ Nuŋtsɔ Yesu Kristo amɛsɔ̃mɔɔ, shi moŋ amɛ diɛŋtsɛ amɛmusu; ni amɛkɛ naaŋɔ̃ɔmɔ kɛ naadɔkɔmɔ wiemɔi lakaa mɛi ni leee efɔŋ lɛ.

Filipibii 3:19

Amɛnaagbee ji hiɛkpãtãmɔ, ni amɛmusu taomɔnii ji amɛnyɔŋmɔ, ni amɛhiɛgbele mli amɛnunyam yɔɔ, shikpɔŋ nɔ nii ahe amɛjwɛŋɔ.

Yakobo 4:3

Nyɛkpaa he fai hu, ni nyɛnaaa, ejaakɛ fai fɔŋ nyɛkpaa, koni nyɛkɛ nyɛkɔnɔi lɛ akpãtã hiɛ.

Yakobo 5:1

Agbɛnɛ, nyɛ niiatsɛmɛi, nyɛfoa ni nyɛwɔa lele yɛ awerɛhoianii ni baaba nyɛnɔ lɛ ahewɔ!

Kojolɔi 9:27

Amɛje kpo kɛtee amɛŋmɔji ashi. Amɛkpa amɛwaintromi lɛ amli yibii ni amɛŋã wain lɛ. Kɛkɛ ni amɛye gbijurɔ. Amɛtee amɛnyɔŋmɔ lɛ we lɛ. Amɛyeyee nii; amɛnunuu dãi, ni amɛye Abimelek he fɛo.