Hosea 6:7 - ŊMALƐ KRƆŊKRƆŊ LƐ

⁷ “Shi amɛ lɛ amɛtɔ̃ kpãŋmɔ lɛ nɔ tamɔ bɔ ni Adam fee lɛ, ni amɛyeee mi anɔkwa.

Ṅmãle̱ Kroṅkroṅ Le̱

⁷ Ši ame̱ le̱ ame̱tõ kpãṅmo̱ le̱ *tamo̱ Adam, dše̱i ame̱yemi kũtũmpo̱o ye̱. *1 Mose 3,6.

Hosea 6:7 ပူးပေါင်းရင်းမြစ်များ

1 Mose 3:11

Nyɔŋmɔ bi lɛ akɛ, “Namɔ kɛɛ bo akɛ onyiɛ yayai? Te tso lɛ ni miwo bo he kitã akɛ okaye eyibii lɛ eko lɛ, no oye nɛɛ?”

1 Mose 3:6

No hewɔ lɛ be ni yoo lɛ na akɛ tso lɛ hi hã yeli ni efeɔ hiŋmɛi akɔnɔ ni tso lɛ baa mɔ tsine ni ehãa mɔ leɔ nii lɛ, etse enɔ yibii lɛ eko ni eye ni ehã ewu lɛ ni kɛ lɛ yɔɔ lɛ hu eko ni eye.

2 Maŋtsɛmɛi 17:15

Amɛkwa ekpɔi lɛ kɛ ekpãŋmɔ ni ekɛ amɛtsɛmɛi lɛ kpãŋ lɛ, kɛ kɔkɔ ni ebɔ amɛ lɛ. Amɛyaja yakayaka amãgãi, ni amɛtsɔ̃mɔ yaka gbɔmɛi; ni amɛyanyiɛ jeŋmaji ni ebɔle amɛ kɛkpe ni Yehowa ewo amɛ kitã yɛ amɛhe akɛ amɛkafee amɛnii tamɔ amɛ lɛ asɛɛ.

Hiob 31:33

Mitsimɔko mitɔ̃mɔi anɔ tamɔ Adam, ni mikɛ minɔsha lɛ etoko mimli.

Yesaia 24:16

Wɔmiinu yijiemɔ kɛ Jalɔ Koome lɛ hiɛ nyamwoo lalai kɛmiijɛ shikpɔŋ lɛ naagbeehei fɛɛ. Shi mi lɛ mikɛɛ akɛ, “Miitã loo! Miitã loo! Kpoo ha mi, ejaakɛ kutumpɔfoi miiye mihe kutumpɔo! Kutumpɔfoi miiye mihe kutumpɔo waa diɛŋtsɛ!

Yesaia 24:5

Shikpɔŋ lɛ nɔ bii lɛ ewo shikpɔŋ lɛ he muji, ejaakɛ amɛtɔ̃ mlai lɛ anɔ, ni amɛyeee akpɔi lɛ anɔ, ni amɛku naanɔ kpãŋmɔ lɛ mli.

Yesaia 48:8

Onuko dã, ni oleee otooo sa; otoi egbeko dã kɛjɛ blema beebe; ejaakɛ mile akɛ kutumpɔfoi anii ofeɔ, ni kɛjɛ ofɔmɔ mli beebe lɛ ale bo akɛ atuatselɔ.

Yeremia 3:7

Mi, misusu akɛ kɛji efee enɛɛmɛi fɛɛ tete sɛɛ lɛ, ebaaku esɛɛ eba miŋɔɔ; shi ebaaa; ni enyɛmiyoo Yuda hu ni yeee anɔkwa lɛ na nɔ ni Israel fee lɛ.

Yeremia 31:32

Kpãŋmɔ hee nɛɛ tamɔɔɔ kpãŋmɔ ni mi kɛ amɛtsɛmɛi lɛ kpãŋ be ni mimɔ amɛnine shi ni mikpala amɛ kɛjɛ Ijipt shikpɔŋ lɛ nɔ lɛ. Nakai mikpãŋmɔ lɛ amɛku mli, tsɛbelɛ mi ji amɛwu.

Yeremia 34:18

Ni hii lɛ ni yeee mikpãŋmɔ lɛ nɔ lɛ, mibafee amɛ tamɔ afee kpãŋmɔ tsinabi lɛ ni agba emli enyɔ, ni amɛtsɔ̃ fãfãafãi lɛ ateŋ kɛho lɛ.

Yeremia 5:11

Ejaakɛ Israelbii lɛ kɛ Yudabii lɛ fɛɛ yeee mi anɔkwa kwrakwra, Mi, Yehowa, mikɛɛ.”

Yeremia 9:6

Yiwalɛ kɛ shishiumɔnii ni amɛfeɔ nɔtoonɔtoo hewɔ lɛ, amɛkpɛlɛ̃ɛɛ akɛ amɛaale mi. Yehowa kɛɛ.

Hosea 5:7

Akɛni amɛje Yehowa sɛɛ hewɔ lɛ, amɛyafɔ gbɔi abii. Shi nyɔŋ hee ni baaje lɛ mli lɛ abaakpãtã amɛ kɛ amɛshikpɔŋ fɛɛ hiɛ.”

Hosea 8:1

Yehowa kɛɛ akɛ, “Kpã tɛtɛrɛmantɛrɛ lɛ okɛhɛle mɛi ashi. Henyɛlɔ miiba tamɔ okropɔŋ ebayi Yehowa we lɛ nɔ, ejaakɛ mimaŋbii lɛ eku mi kɛ amɛ kpãŋmɔ lɛ mli, ni amɛtɔ̃ mimla lɛ nɔ.

Romabii 5:14

Kɛ̃lɛ gbele lɛ ye maŋtsɛ kɛjɛ Adam yinɔ kɛbashi Mose yinɔ yɛ mɛi po ni efeko esha ni tamɔ Adam nɔtɔmɔ lɛ anɔ, Adam ni ji mɔ ni baaba lɛ mfoniri lɛ.

5 Mose 31:20

Ejaakɛ kɛji mikɛ amɛ yashɛ shikpɔŋ kpakpa ni baa nii lɛ nɔ, nɔ ni mikã amɛtsɛmɛi lɛ kitã yɛ he akɛ mikɛbaahã amɛ lɛ, ni amɛna nii amɛye ni amɛtɔrɔ, ni amɛshwishwii lɛ, amɛbaakpale kɛyanyiɛ nyɔŋmɔi krokomɛi asɛɛ, ni amɛaaya amɛyasɔmɔ amɛ, ni amɛaagbe mihe guɔ moŋ, ni amɛaaku mi kɛ amɛteŋ kpãŋmɔ lɛ mli.

Hebribii 8:9

jeee tamɔ kpãŋmɔ ni mikɛ amɛtsɛmɛi lɛ kpãŋ Gbi nɔ ni mimɔ amɛnine shi ni mikɛ amɛ je Ijipt shikpɔŋ lɛ nɔ lɛ, ejaakɛ amɛyeee mikpãŋmɔ lɛ nɔ. Ni mi hu mijwɛŋŋ amɛnɔ, Nuŋtsɔ lɛ kɛɛ.