Hosea 6:1 - ŊMALƐ KRƆŊKRƆŊ LƐ

¹ Maŋbii lɛ aaakɛɛ akɛ, “Nyɛbaa koni wɔkpalea kɛyaa Yehowa ŋɔɔ. Akɛni lɛ etserɛ wɔmli lɛ, lɛ eeetsa wɔ; ni akɛni lɛ etswia wɔ nii lɛ, lɛ eeefi nɔ ehã wɔ.

Ṅmãle̱ Kroṅkroṅ Le̱

¹ “Nyebaä ní wo̱kũa wo̱se̱ wo̱yaä Iehowa ṅõ! Edšake̱ *le̱ etšere̱ wo̱mli, ni esā eetšáwo̱; le̱ etſiawo̱ nii, ni esā eefĩmo̱ no̱ ehãwo̱. *5,14.

Hosea 6:1 ပူးပေါင်းရင်းမြစ်များ

2 Kronika 30:6

No hewɔ lɛ, maŋtsɛ lɛ kɛ maŋ onukpai lɛ ŋmala woji, ni amɛkɛtsu bɔfoi kɛtee Israel kɛ Yuda heihei fɛɛ. Maŋtsɛ lɛ shɛɛ lɛ kɛɛ akɛ, “Israelbii, nyɛkpalea nyɛbaa Yehowa, ni ji Abraham kɛ Isak kɛ Israel Nyɔŋmɔ lɛ ŋɔɔ, ni lɛ hu eeebɛŋkɛ nyɛ, nyɛ mɛi ni nyɛhe je mli, ni Asiria maŋtsɛmɛi lɛ anine eyashɛɛɛ nyɛnɔ koni amɛŋɔ nyɛ nom lɛ.

Hiob 16:9

Nyɔŋmɔ kɛ mlifu etserɛ mimli; ebɛ mi ewo emli; ekpe enyanyɔji ashi ewo mi; etsu ehiŋmɛi eshwie minɔ tamɔ henyɛlɔ feɔ.

Hiob 22:23

Kpalemɔ kɛya Ofe lɛ ŋɔɔ, ni oba ohe shi. Kpa nibii ni ejaaa feemɔ lɛ yɛ owe lɛ mli.

Hiob 34:29

Kɛji Nyɔŋmɔ fee diŋŋ lɛ, namɔ baanyɛ lɛ ashwa? Kɛji ekɛ ehiɛ tee lɛ namɔ baanyɛ ehiɛ lɛ ena?

Hiob 5:18

Ejaakɛ epilaa mɔ, shi lɛ nɔŋŋ efiɔ nɔ, etswaa mɔ nɔ, ni enine nɔŋŋ tsaa.

Lalai 30:7

Oo Yehowa, omlihilɛ naa lɛ, ohã mima shi shiŋŋ tamɔ gɔŋ. Shi moŋ be ni okɛ ohiɛ tee mi pɛ, ni mitsui fã.

Lalai 6:2

Oo Yehowa, naa mi mɔbɔ, ejaakɛ miigbɔjɔ. Oo Yehowa, tsa mi ejaakɛ miikpokpo kɛ gbeyei.

Lalai 71:20

Bo mɔ ni ohã mina amanehului babaoo ni jaraa lɛ, bo nɔŋŋ ooowo mi hewalɛ ekoŋŋ. Ooojie mi kɛje gbonyo bu mli, ni okɛ mi aaaba kpo nɔ ekoŋŋ.

Jajelɔ 3:3

Be yɛ ni agbeɔ, ni be yɛ hu ni atsaa; be yɛ ni akumɔɔ nɔ ni ama, ni be yɛ hu ni atswaa amaa shi.

Yesaia 17:7

Nakai gbi lɛ mɛi ahiɛ baasɔ amɛ-Bɔlɔ lɛ; ni amɛbaakwɛ Israel Mɔ Krɔŋkrɔŋ lɛ dɛŋ yelikɛbuamɔ gbɛ.

Yesaia 2:3

Ni mɛi babaoo baakɛɛkɛɛ amɛhe akɛ, “Nyɛbaa, nyɛhãa wɔyaa Yehowa gɔŋ lɛ nɔ, ni wɔyaa Yakob Nyɔŋmɔ lɛ We lɛ, koni etsɔ̃ɔ wɔ bɔ ni etaoɔ akɛ wɔhi shi wɔhã, koni wɔba wɔjeŋ nakai, Ejaakɛ mla lɛ, Zion ebaajɛ, ni Yehowa wiemɔ lɛ, Yerusalɛm ebaajɛ.”

Yesaia 30:22

Kɛkɛ lɛ nyɛaabule nyɛmãgãi ni ashwie he jwiɛtɛi kɛ amãgãi ni ashwie he shika lɛ hu. Nyɛaashɛrɛ amɛ nyɛshwie tamɔ nibii ni ahe tseee; nyɛaakɛɛ akɛ, “Aloo amɛ ashwie kɛje wɔhiɛ.”

Yesaia 30:26

Ni nyɔɔŋtsere aaakpɛ tamɔ hulu tsoɔ, ni hulu aaatso bɔ ni etsoɔ daa lɛ toi kpawo, tamɔ gbii kpawo mli hulutsoo ni abua naa, gbi ni Yehowa aaafimɔ emaŋ lɛ pilamɔi anɔ, ni eeetsa faji ni ewo amɛ be ni etswia amɛ nii lɛ.

Yesaia 55:7

Ha mɔ fɔŋ lɛ akwa ejeŋba fɔŋ lɛ; ni nɔshafeelɔ atsake ejwɛŋmɔ. Ha eku esɛɛ kɛba Yehowa ŋɔɔ ni emusuŋ aaatsɔ lɛ yɛ ehewɔ. Ekpale kɛba wɔNyɔŋmɔ lɛ ŋɔɔ, ni ekɛaafa lɛ aahu.

Yeremia 3:22

“Ao! Bii ni yeee anɔkwa nyɛkpalea nyɛbaa! Matsa anɔkwa ni nyɛyeee hela lɛ.” Nyɛkɛɛ akɛ, “Naa, wɔmiiba oŋɔɔ, ejaakɛ bo ji Yehowa, wɔNyɔŋmɔ lɛ.

Yeremia 30:12

Ejaakɛ, mi Yehowa, miikɛɛ akɛ, “Nyɛpilamɔ lɛ bɛ tsabaa, ni nyɛfala lɛ ewo wu.

Yeremia 30:17

Ejaakɛ mahã nyɛna hewalɛ ekoŋŋ, ni matsa nyɛfaji lɛ, ejaakɛ amɛtsɛ bo mɔ ni ashwie lɛ, ‘Zion ni jeee mɔ ko he sane ji lɛ.’ Mi, Yehowa mikɛɛ.

Yeremia 33:5

Babilonbii lɛ miiba amɛbawu ta; ni amɛbaahã maŋ nɛɛ ayi obɔ̃ kɛ mɛi ni mibagbe yɛ mimlifu kɛ mimlila lɛ naa lɛ agbohii. Ejaakɛ mikwɛɛɛ maŋ nɛɛ sane dɔŋŋ yɛ emli bii lɛ anifɔ̃ɔjianii ahewɔ.

Yeremia 33:6

Shi naa, mi nɔŋŋ mibasaa maŋ lɛ ni matee lɛ shi ekoŋŋ ni mahã emli bii ana toiŋjɔlɛ babaoo, amɛbaashwere ni amɛbaafee shweshweeshwe.

Yeremia 50:4

Yehowa kɛɛ akɛ, “Nakai be lɛ mli lɛ, Israelbii lɛ kɛ Yudabii lɛ fɛɛ tswɛm baabua amɛhe naa amɛba kɛ yaafo amɛbatao Yehowa, amɛNyɔŋmɔ lɛ, sɛɛgbɛ.

Yeremia 50:5

Amɛbaabi he ni gbɛ ni yaa Zion lɛ kã, ni amɛbaatsɔ̃ amɛhiɛ amɛhã jɛi gbɛ, ni amɛaakɛɛ akɛ, ‘Nyɛbaa koni wɔ kɛ Yehowa ayakpãŋ kpãŋmɔ ni akuŋ mli asaŋ ni hiɛ kpaŋ nɔ kɛaatee naanɔ.’

Yāfó 3:11

Ekpala mi kɛje migbɛ nɔ, ni etserɛ mimli dukuduku, ni efee mi pasaa.

Hosea 11:10

“Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

Hosea 12:6

Nyɛ hu, enɛ hewɔ lɛ nyɛhea nyɛNyɔŋmɔ lɛ nɔ nyɛyea, ni nyɛkpalea kɛbaa eŋɔɔ. Nyɛnaa mɛi amɔbɔ; nyɛyea jalɛ sane, ni nyɛyea anɔkwa daa kɛkwɛa lɛ gbɛ.”

Hosea 14:1

Nyɛ Israelbii, nyɛkpalea kɛbaa Yehowa, nyɛNyɔŋmɔ lɛ, ŋɔɔ. Nyɛnishaianii lɛ ehã nyɛtɛrɛ, ni nyɛgbee shi.

Hosea 14:4

Yehowa kɛɛ, “Mibahã amɛkpa anɔkwa ni amɛyeee lɛ. Mibasumɔ amɛ kɛ mitsui fɛɛ, ejaakɛ miŋmɛɛ mimli ni fu amɛ lɛ he.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

3 Mose 14:48

Shi kɛji osɔfo lɛ ba shĩa lɛ ni ebakwɛ, ni ena akɛ nɔ ni shwie he lɛ ekuko esɛɛ eshwieko shĩa lɛ he kɛjɛ be ni ama shĩa lɛ he ekoŋŋ nɛɛ lɛ, no lɛ ekɛɛ akɛ, shĩa lɛ he tse, ejaakɛ nɔ ni shwie he lɛ etã kwraa.

Zefania 2:1

Ao, maŋ ni hiɛgbele tɔ ejwa, nyɛbuaa nyɛhe naa, ni nyɛsusua nyɛhe,

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

1 Samuel 2:6

Yehowa ni gbeɔ mɔ, ni etsiɛɔ mɔ hiɛ hu; ehãa ayaa gbohiiaje, ni ehãa akpaleɔ abaa ekoŋŋ.

1 Samuel 7:3

Kɛkɛ ni Samuel kɛɛ Israelbii lɛ akɛ, “Kɛji nyɛmiikpale kɛba Yehowa ŋɔɔ kɛ nyɛtsui fɛɛ lɛ, no lɛ nyɛjiea maŋsɛɛ jemawɔji lɛ kɛ Astarte amãgãi lɛ hu ni nyɛyɔɔ yɛ nyɛteŋ lɛ nyɛsherɛa nyɛshwiea koni nyɛkɛ nyɛhe ahãa Yehowa kwraa; asaŋ koni nyɛsɔmɔ ekome too; ni lɛ hu eeejie nyɛ yɛ Filistibii lɛ adɛŋ.”