Hosea 5:9 - ŊMALƐ KRƆŊKRƆŊ LƐ

⁹ Gbi nɔ ni abaagbala Efraim toi lɛ, ebaatsɔ̃ amaŋfɔ̃. Naa, nɔ ni baaba Israel akutsei lɛ anɔ lɛ no mikɛɛ nɛɛ.

Ṅmãle̱ Kroṅkroṅ Le̱

⁹ Efraim aatšṍ amaṅfõ ye̱ kãmo̱ gbĩ le̱ no̱. Mihã ale ano̱kwale le̱ ye̱ Israel akutšei le̱ amli!

Hosea 5:9 ပူးပေါင်းရင်းမြစ်များ

Hiob 12:14

Kɛji ekumɔ nɔ ko eshwie shi lɛ, mɔ ko bɛ ni baanyɛ esaa etswa ema shi; ni kɛji eŋa mɔ ko yi lɛ, mɔ ko nyɛŋ agbele mɔ lɛ.

Yesaia 37:3

Amɛyakɛɛ lɛ akɛ, bɔ ni Hezekia kɛɛ nɛ, “Haomɔ kɛ ahorabɔɔ kɛ hiɛshishwiemɔ gbi ji ŋmɛnɛ gbi nɛɛ. Wɔtsɔ̃ tamɔ yoo ni fɔmɔ eshɛ elagbaŋ, shi ebɛ hewalɛ ni ekɛbaafɔ.

Yesaia 46:10

Mi, mijɛ shishijee lɛ mli ni mitsɔ̃ɔ naagbee mli nibii ni baaba; Mi, mijɛ blema beebe mitsɔ̃ɔ nibii ni anako afee tete. Mi, mikɛɔ akɛ; ‘Miyiŋtoi aaaba mli, ni mibafee nibii fɛɛ ni yɔɔ miyiŋ.’

Yesaia 48:3

Bɔ ni Yehowa kɛɛ nɛ, “Mijɛ jeeŋmɔ ko mitsɔ̃ɔ nii ni baaba. Eje minaa, ni miha ana ale, ni trukaa lɛ mifee, ni amɛba mli.

Yesaia 48:5

mijɛ jeeŋmɔ ni migba bo. Mikɛɛ bo dani aba mli, koni okakɛɛ akɛ, mimãgã ni akɛ tso gbɔ loo amãgã ni ashwie lɛ fã, ni enɛɛmɛi fɛɛ ba.

Yesaia 7:16

Ejaakɛ be ni gbekɛ nɛɛ aaada ni ekwa nɔ fɔŋ ni ekɔ nɔ kpakpa lɛ, maŋtsɛmɛi enyɔ ni osheɔ amɛ gbeyei nɛɛ lɛ ashi amɛshikpɔŋ lɛ amaŋfɔ̃.

Hosea 5:12

No hewɔ lɛ, mi diɛŋtsɛ mitsɔ̃ omlɛgɛ ni baaye Efraim, kɛ fala ni baakpãtã Yuda hiɛ.

Hosea 5:14

Mibahuru tamɔ jata mayi Israel kɛ Yuda hu nɔ, ni mi diɛŋtsɛ mibatserɛ amɛmli, kɛkɛ lɛ mishi amɛ mitee. Mashãtã amɛ kɛya ni mɔ ko mɔ ko nyɛŋ amɛyiwala ehere.

Hosea 7:12

Shi kɛji amɛshi kɛmiiya nɔŋŋ lɛ mibafɔ̃ amɛ nɔ yaa madu amɛ tamɔ aduɔ loofɔlɔ, ni mibagbala amɛtoi yɛ nifɔɔjianii ni amɛfee lɛ ahewɔ.

Hosea 8:8

Majimaji lɛ emi Israel momo, ni enɛ ehã etsɔ̃ tamɔ tsɛnsi ko ni he bɛ sɛɛnamɔ.

Hosea 9:7

Toigbalamɔ gbii lɛ eshɛ, be ni abaawo mɔ fɛɛ mɔ nyɔmɔ bɔ pɛ ni sa lɛ lɛ eshɛ. Israel baana ele akɛ gbalɔ lɛ buulu ni, ni mumɔŋ gbɔmɔ lɛ sɛkɛyelɔ ni yɛ enishaianii hewɔ.

Amos 3:7

Eji anɔkwale akɛ Nuŋtsɔ Nyɔŋmɔ efeee nɔ ko ni ejieee eyiŋtoo lɛ kpo etsɔ̃ɔɔ etsuji gbalɔi lɛ.

Amos 7:17

Amazia, bɔ ni Yehowa kɛɛ nɛ, ‘Oŋa baatsɔ̃ ajwamãŋ yɛ maŋ lɛ mli, ni obihii kɛ obiyei lɛ baanyɔnyɔɔ yɛ ta naa; abaaŋɔ oshikpɔŋ lɛ, ni abaaja ahã mɛi kpɔji. Bo diɛŋtsɛ lɛ maŋsɛɛ obaaya oyagbo yɛ, yɛ shikpɔŋ ko nɔ ni ajaaa Nyɔŋmɔ yɛ; ni Israelbii lɛ nom kɛ̃ aaaŋɔ amɛ kɛaaje amɛshikpɔŋ nɔ kɛaatee.’ ”

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

Mika 6:13

No hewɔ lɛ, mije nyɛ nitswiamɔ kɛ hiɛkpãtãmɔ shishi momo yɛ nyɛhe eshai lɛ ahewɔ.

Zakaria 1:6

Shi miwiemɔi kɛ mikpɔi lɛ ni mikɛhã nyɛtsɛmɛi lɛ kɛtsɔ̃ mitsuji gbalɔi lɛ anɔ lɛ shɛ amɛdɛŋ, shi amɛyabuuu, ni amɛna he toigbalamɔ hu. No hewɔ lɛ, amɛshwa amɛhe ni amɛkɛɛ akɛ, Mi Yehowa, Taiatsɛ, bɔ ni mito akɛ mikɛ amɛ baaye yɛ amɛjeŋba kɛ nifeemɔnii hewɔ lɛ, nakai pɛpɛɛpɛ mikɛ amɛ eye nɛɛ.’ ”

Yohane 16:4

Shi mikɛɛ nyɛ nii nɛɛ, koni kɛ be lɛ shɛ lɛ, ni nyɛkai akɛ mikɛɛ nyɛ. Shi kɛjɛ shishijee lɛ mikɛɛɛ nyɛ nii nɛɛ, ejaakɛ mikɛ nyɛ yɛ.”