Hosea 5:2 - ŊMALƐ KRƆŊKRƆŊ LƐ

² Efɔŋfeelɔi lɛ ebote nyɛnyɛŋtswibɔɔ mli vii yɛ Akasia maŋ lɛ mli, mibagbala amɛteŋ mɔ fɛɛ mɔ toi waa diɛŋtsɛ.

Ṅmãle̱ Kroṅkroṅ Le̱

² Efõṅfelo̱i le̱ ebote nyenyeṅtſibō̱ mli vī̃; ši midši moni kãa ame̱fẽ.

Hosea 5:2 ပူးပေါင်းရင်းမြစ်များ

Yesaia 1:5

Mɛni hewɔ nyɛyaa nɔ nyɛtseɔ atua koni aya nɔ agbala nyɛtoi lolo nɛɛ? Nyɛyitso muu lɛ fɛɛ he miiye, ni nyɛtsui fɛɛ hu etɔ biti.

Yesaia 29:15

Kpoo hã mɛi ni kaa akɛ amɛkɛ amɛyiŋtoi aaatee Yehowa, ni amɛfeɔ dujiaŋnii, mɛi ni kɛɔ akɛ, “Namɔ naa wɔ?” loo “Namɔ le wɔ? lɛ!”

Yeremia 18:18

Kɛkɛ ni maŋbii lɛ kɛɛ akɛ, “Nyɛbaa koni wɔkpãŋa Yeremia yinɔ, akɛni osɔfoi yɔɔ nɛɛ lɛ, wɔyɛ mɛi ni baatsɔ̃ɔ wɔ mla lɛ naa, ni nilelɔi yɛ ni baawo wɔ ŋaa, ni gbalɔi hu baahi shi amɛgba amɛhã wɔ. Nyɛbaa koni wɔkɛ wɔlilɛi afite lɛ, ni nyɛkahãa wɔbo ewiemɔ kome folo toi.”

Yeremia 5:3

Ao, Yehowa, aso jeee anɔkwayeli gbɛ okwɛɔ kɛjɛ amɛdɛŋ? Otswia amɛ nii, shi ewaaa amɛhe. Oplenee amɛ, shi amɛkɛkaseee nii. Amɛkpliŋ amɛtsui moŋ fe kũatɛ, ni amɛmiii tsuitsakemɔ.

Yeremia 6:28

Kaniŋkajelɔi kpanakui sɔŋŋ ji amɛ, ni amɛtsui wa tamɔ akɔɔble loo dade. Amɛ fɛɛ lɛ mɔfitelɔi ji amɛ, amɛyeɔ mɛi ahe osheku kɛfoɔ shi.

Hosea 4:2

Nɔ ni eshwɛ amɛ pɛ ji kitãkãmɔ kɛ amale kɛ mɔgbee kɛ juu kɛ gbãlãfitemɔ; amɛkuɔ mla fɛɛ mla mli, ni amɛshwieɔ lá shi ni eko nyiɛ eko sɛɛ.

Hosea 6:5

No hewɔ ni mitsɔ̃ gbalɔi lɛ anɔ migbala amɛtoi, ni mikɛ midaaŋ wiemɔi lɛ kã amɛ, ni kojomɔ ni mikojo amɛ lɛ tsɔ̃ tamɔ kane.

Hosea 6:9

Tamɔ bɔ ni ojotswalɔi woɔ mɔ ka lɛ, nakai nɔŋŋ pɛ osɔfoi lɛ efee ekome amɛgbeɔ mɛi, ni amɛfeɔ nishaianii yɛ Shekem gbɛteŋ.

Hosea 9:15

Yehowa kɛɛ, “Amɛto amɛnifɔɔjianii lɛ fɛɛ feemɔ shishi yɛ Gilgal, ni jɛi mibɔ̃i amɛ nyɛɛ yɛ. Amɛnifeemɔnii gbohii lɛ ahewɔ lɛ mibashwie amɛ kɛje mishikpɔŋ lɛ nɔ. Misumɔŋ amɛ dɔŋŋ! Amɛlumɛi lɛ fɛɛ etse mihiɛ atua.

Kpojiemɔ 3:19

Mi lɛ, mɛi abɔ ni midɔɔ amɛhe lɛ, mikãa amɛ ni mitsɔseɔ amɛ; no hewɔ lɛ, ohiɛ adɔ ni otsake otsui.