Hosea 5:1 - ŊMALƐ KRƆŊKRƆŊ LƐ

¹ “Nyɛ Osɔfoi, nyɛboa sane nɛɛ toi! Nyɛ Israelbii, nyɛkaa toi! Nyɛ maŋtsɛ we lɛ mli bii, nyɛfea toi, shi naa, abaakojo nyɛ fɛɛ, ejaakɛ nyɛfee nyɛhe tamɔ akpa ni atsɔ̃ yɛ Mizpa, kɛ yaa ni akɛlɛɛ shi yɛ Tabor Gɔŋ lɛ nɔ.

Ṅmãle̱ Kroṅkroṅ Le̱

¹ Nyeboa ene̱ toi, nye oso̱foi, ni nyekaä toi, nye Israel! we, ni nyefea toi, maṅtše̱ we! Ši nye no̱ kodšomo̱ le̱ ba-ba; edšake̱ nyetšṍ tšõne nyehã Mizpa, ke̱ yā ní aṅõ-lē̱ ši ye̱ Tabor no̱.

Hosea 5:1 ပူးပေါင်းရင်းမြစ်များ

Yeremia 11:7

Ejaakɛ mikpã miwo nyɛtsɛmɛi lɛ atoiŋ gbi nɔ ni mijie amɛ kɛje Ijipt shikpɔŋ lɛ nɔ lɛ, ni mikã he miikpã miiwo amɛtoiŋ lolo kɛbashi ŋmɛnɛ gbi nɛɛ akɛ, nyɛboa migbee toi.

Yeremia 13:18

Kɛkɛ ni Yehowa kɛɛ mi akɛ, “Kɛɛmɔ maŋtsɛ lɛ kɛ maŋnyɛ lɛ hu akɛ, ‘Nyɛbaa nyɛhe shi, ejaakɛ akpa nyɛ lumɔyeli. Nyɛtaraa humi sɛ̃i nɔ, ejaakɛ nyɛnunyam akekre lɛ eje nyɛyitso egbee shi.

Yeremia 46:18

Gbii abɔ ni mihiɛ kã nɛɛ, mi Maŋtsɛ ni migbɛi ji Yehowa, Taiatsɛ lɛ mikɛɛ, “Bɔ ni Tabor Gɔŋ yɔɔ yɛ gɔji lɛ ateŋ, ni Karmel yɔɔ yɛ ŋshɔnaa lɛ, nakai mɔ ni aaabatua bo lɛ hewalɛ aaatamɔ.

Hosea 10:15

Nakai nɔ ko pɛpɛɛpɛ baaba nyɛnɔ, nyɛ Betelbii. Efɔŋ kpeteŋkple ni nyɛfee lɛ hewɔ lɛ nyɛmaŋtsɛ baagbo leebi maŋkpa.”

Hosea 13:8

Mibatua nyɛ oookɛɛ oshishibrishi ni amɔmɔ ebii yɛ ehe tuaa mɔ, ni mibatserɛ nyɛmli maye yɛ minajiaŋ tamɔ jata. No ji akɛ mibatserɛ nyɛmli mɛnyɛmɛnyɛ tamɔ ŋaŋ kooloo awuyelɔ tsɛrɛɔ loo mli lɛ.

Hosea 4:1

Nyɛ Israelbii, nyɛboa nɔ ni Yehowa kɛɔ toi, ejaakɛ Yehowa kɛ shikpɔŋ lɛ nɔ bii lɛ ena. “Anɔkwayeli kɛ mɔbɔnalɛ etã yɛ shikpɔŋ lɛ nɔ; ni aleee Nyɔŋmɔ hu yɛ shikpɔŋ lɛ nɔ.

Hosea 6:9

Tamɔ bɔ ni ojotswalɔi woɔ mɔ ka lɛ, nakai nɔŋŋ pɛ osɔfoi lɛ efee ekome amɛgbeɔ mɛi, ni amɛfeɔ nishaianii yɛ Shekem gbɛteŋ.

Hosea 9:8

Gbalɔ lɛ ato lɛ akɛ bulɔ ahã Israel, miNyɔŋmɔ lɛ webii lɛ. Shi he fɛɛ he ni eeetsɔ̃ lɛ atsɔ̃ lɛ tsɔne, ni eNyɔŋmɔ lɛ shĩa diɛŋtsɛ mli lɛ nyɛɛ anyɛɔ lɛ.

Yoel 1:2

Nyɛ mɛi ni nyɛdara, nyɛboa toi, nyɛ Yuda shikpɔŋ lɛ nɔ bii fɛɛ, nyɛfea toi. Nɔ ni eba nɛɛ, ani eko eba dã yɛ nyɛyinɔ, loo yɛ nyɛtsɛmɛi ayinɔ tete?

Amos 3:1

Israelbii, nyɛboa nɛkɛ wiemɔ nɛɛ ni Yehowa wie yɛ nyɛhe lɛ toi, nyɛ ni nyɛ ji jaku muu ni eyajie kɛjɛ Ijipt shikpɔŋ lɛ nɔ kɛba lɛ,

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

Mika 3:1

Nyɛ Israel onukpai ni ji Israel nɔyelɔi, nyɛboa toi! Ani jeee nyɛgbɛnaa ji akɛ nyɛaale nɔ ni ja?

Mika 3:9

Nyɛ Yakob we onukpai, nyɛ Israel nɔyelɔi, nyɛ mɛi ni nyɛhiɔ jalɛ, ni nyɛhãa jalɛ tsɔ̃ɔ nɔ ni ejaaa, nyɛboa toi koo!

Mika 7:2

Gbɔmɔ Nyɔŋmɔ gbeyeishelɔ ko bɛ shikpɔŋ lɛ nɔ dɔŋŋ; mɔ ko bɛ ni yeɔ Nyɔŋmɔ anɔkwa. Mɔ fɛɛ mɔ miitao akɛ ena hegbɛ ni eshwie lá shi. Mɔ fɛɛ mɔ miigbɔbi enaanyo.

Maleaki 1:6

Yehowa, Taiatsɛ, miikɛɛ osɔfoi lɛ akɛ, “Bi woɔ etsɛ, ni tsulɔ woɔ enuŋtsɔ. Kolɛ, kɛji tsɛ ji mi lɛ, nɛgbɛ miwoo lɛ yɔɔ? Ni kɛji nuŋtsɔ hu ji mi lɛ, nɛgbɛ gbeyei ni nyɛsheɔ mi yɔɔ? Nyɛgbeɔ migbɛi lɛ he guɔ; shi nyɛkɛɔ akɛ, ‘Mɛni wɔfeɔ kɛgbeɔ ogbɛi lɛ he guɔ lɛ?’

Maleaki 2:1

“Agbɛnɛ nyɛ, osɔfoi, kitã ni miwoɔ nyɛ nɛ.

Kojolɔi 4:12

Be ni ayatswa Sisera adafi akɛ Barak, Abinoam bi lɛ, efã ta kɛtee Tabor gɔŋ lɛ nɔ lɛ,

Kojolɔi 4:6

Debora tsu ayakpee Barak, Abinoam bi lɛ, kɛjɛ Kadesh ni yɔɔ Naftali lɛ kɛba, ni ekɛɛ lɛ akɛ, “Fãmɔ ni Yehowa, Israel Nyɔŋmɔ lɛ, fãa bo nɛ: ‘Yaaŋɔ hii akpei nyɔŋma kɛjɛ Naftalibii kɛ Zebulonbii lɛ ateŋ ni ofã ta kɛya Tabor gɔŋ lɛ nɔ.

1 Samuel 7:16

Ni daa afi lɛ efãa gbɛ eyasaraa Betel kɛ Gilgal kɛ Mizpa, ni ekojoɔ sajisaji ni eba hei nɛɛ,

1 Samuel 7:5

Samuel kɛɛ Israelbii lɛ akɛ, “Nyɛyabuaa nyɛhe naa yɛ Mizpa, ni masɔle makpa Yehowa fai mahã nyɛ.”

1 Samuel 7:6

Israelbii lɛ bua amɛhe naa yɛ Mizpa. Amɛyɛ nu amɛshwie shi yɛ Yehowa hiɛ, ni amɛhi ŋmãa nakai gbi lɛ, ni amɛkɛɛ akɛ, “Wɔtɔ̃ Yehowa nɔ.” Ni Samuel hi Mizpa, ni ekojo Israelbii lɛ ateŋ saji yɛ jɛi.