Hosea 4:7 - ŊMALƐ KRƆŊKRƆŊ LƐ

⁷ “Bɔ ni amɛ, osɔfoi lɛ, ayi faa lɛ, nakai nɔŋŋ amɛfeɔ esha babaoo amɛshiɔ mi; ni no hewɔ lɛ, mibahã amɛhiɛ nyam lɛ atsɔ̃ hiɛgbele.

Ṅmãle̱ Kroṅkroṅ Le̱

⁷ Bo̱ni ame̱yi fá le̱, nakai ame̱fe eša ame̱šimi; mahã *ame̱numnyam le̱ atšṍ hĩegbĕle. *Fil. 3,19.

Hosea 4:7 ပူးပေါင်းရင်းမြစ်များ

Ezra 9:7

Fɔbuu kã wɔnɔ kɛjɛ wɔtsɛmɛi lɛ ayinɔ aahu kɛbashi ŋmɛnɛ. Wɔnishaianii lɛ ahewɔ lɛ ohã shikpɔji lɛ anɔ maŋtsɛmɛi lɛ anine eshɛ wɔ kɛ wɔmaŋtsɛmɛi kɛ wɔsɔfoi lɛ anɔ. Akɛ klante ekpãtã wɔhiɛ, aŋɔ wɔ nom, wɔnibii ni wɔyɔɔ lɛ aha, ni ashwie wɔhiɛ shi tamɔ bɔ ni eyɔɔ ŋmɛnɛ nɛɛ.

Hosea 10:1

Israel tamɔ wain tso ni efũ baa ni eewo. Babaoo ni Israelbii lɛ shwereɔ lɛ babaoo ni amɛmamɔɔ afɔleshãa latɛi ji no. Bɔ ni amɛshikpɔŋ lɛ baa nii lɛ, nakai nɔŋŋ amɛsaa shiui ni amɛkɛjaa lɛ hu ahe.

Hosea 10:6

Anɔkwa, abaawo shika tsinabi lɛ kɛya koni akɛyake Asiria maŋtsɛ kpele lɛ. Ni no baahã hiɛgbele amɔ Israel, ni ehiɛ baashwie shi yɛ ŋaa gbonyo toi ni ebo lɛ hewɔ.

Hosea 13:14

Mibahereŋ amɛ yɛ gbohiiaje dɛŋ; mibaŋ amɛyi yɛ gbele mli? Gbele, nɛgbɛ otsɛŋemɔ hela yɔɔ; ni Gbohiiaje, nɛgbɛ oniiahiɛkpãtãmɔ lɛ yɔɔ? Minaŋ gbɔmɛi nɛɛ mɔbɔ dɔŋŋ.

Hosea 13:6

shi be ni nyɛna nii nyɛye ni nyɛtɔrɔ pɛ, kɛkɛ ni nyɛwo nyɛhe nɔ ni nyɛhiɛ kpa minɔ.

Hosea 4:10

Amɛbaaye nii nɛ, shi amɛtɔrɔŋ, ni amɛaabɔ ajwamãŋ nɛ, shi amɛshwereŋ kɛ bii, ejaakɛ amɛkwa mi, Yehowa, ni amɛtee wɔji moŋ aŋɔɔ.”

Hosea 5:1

“Nyɛ Osɔfoi, nyɛboa sane nɛɛ toi! Nyɛ Israelbii, nyɛkaa toi! Nyɛ maŋtsɛ we lɛ mli bii, nyɛfea toi, shi naa, abaakojo nyɛ fɛɛ, ejaakɛ nyɛfee nyɛhe tamɔ akpa ni atsɔ̃ yɛ Mizpa, kɛ yaa ni akɛlɛɛ shi yɛ Tabor Gɔŋ lɛ nɔ.

Hosea 6:9

Tamɔ bɔ ni ojotswalɔi woɔ mɔ ka lɛ, nakai nɔŋŋ pɛ osɔfoi lɛ efee ekome amɛgbeɔ mɛi, ni amɛfeɔ nishaianii yɛ Shekem gbɛteŋ.

Hosea 9:11

Israel agbojee sɛɛ aaafo tamɔ loofɔlɔ filikiɔ lɛ. Afɔŋ bi dɔŋŋ lɛ, ahiɛŋ musu dɔŋŋ, asaŋ anaŋ musu tete dɔŋŋ yɛ amɛteŋ.

Habakuk 2:16

Nakai nɔŋŋ bo hu, yɛ hiɛnyam najiaŋ lɛ, hiɛgbele baamɔ bo. Bo hu obaanu eko koni odidãã. Kpulu ni yɔɔ Yehowa ninejurɔ lɛ aaatsɔ̃ kɛbashɛ onɔ, ni ohiɛnyam lɛ baatsɔ̃ hiɛgbele ni naa wa.

Maleaki 2:9

“No hewɔ lɛ, bei abɔ ni nyɛyeee mimlai lɛ anɔ, shi moŋ nyɛkwɛɔ mɛi ahiɛiaŋ yɛ nyɛnifeemɔ mli lɛ, mibahã nyɛhe guɔ agbo yɛ Israelbii fɛɛ ahiɛ.”

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

Filipibii 3:19

Amɛnaagbee ji hiɛkpãtãmɔ, ni amɛmusu taomɔnii ji amɛnyɔŋmɔ, ni amɛhiɛgbele mli amɛnunyam yɔɔ, shikpɔŋ nɔ nii ahe amɛjwɛŋɔ.

1 Samuel 2:30

No hewɔ lɛ, mi, Yehowa, Israel Nyɔŋmɔ lɛ, mikɛɛ akɛ eyɛ mli akɛ mikɛɛ akɛ owe lɛ kɛ otsɛmɛi awe lɛ ni baasɔ̃mɔ mi akɛ osɔfoi kɛya naanɔ, shi agbɛnɛ miigbala nakai shiwoo lɛ sɛɛ, ejaakɛ mɛi ni buɔ mi lɛ, mawo amɛhiɛ nyam: shi mɛi ni ebuuu mi lɛ, abuŋ amɛ ahaŋ nɔ ko nɔ ko.