Hosea 4:6 - ŊMALƐ KRƆŊKRƆŊ LƐ

⁶ Mimaŋ lɛ hiɛ ekpãtã ejaakɛ amɛleee nii. Akɛni okwa nilee hewɔ lɛ, mi hu miikwa bo akɛ misɔfo; ni akɛni ohiɛ ekpa oNyɔŋmɔ lɛ mla lɛ nɔ hewɔ lɛ, mi hu mihiɛ miikpa obii lɛ anɔ.

Ṅmãle̱ Kroṅkroṅ Le̱

⁶ Aakpãtã mimaṅ le̱ hĩe ye̱ nilē ni ebe̱ hewo̱; ake̱-ni okwa nilē hewo̱ le̱, makwao ní okaye oso̱fo ohãmi; ake̱-ní ohĩe ekpa o-Nyoṅmo̱ le̱ mla le no̱ hewo̱ le̱ mi hũ mihĩe aakpa obii le̱ ano̱.

Hosea 4:6 ပူးပေါင်းရင်းမြစ်များ

2 Kronika 15:3

Israel hi shi be kplaŋŋ ni ebɛ anɔkwa Nyɔŋmɔ lɛ, ebɛ osɔfoi ni tsɔ̃ɔ maŋbii lɛ anii, ni ebɛ mla hu.

Hiob 36:12

Shi kɛji amɛbooo toi lɛ, no lɛ amɛleŋ nii, ni amɛaagboi yɛ klante naa.

Lalai 119:139

Mihiɛdɔɔ hãa mimli woɔ la fe nine; ejaakɛ mihenyɛlɔi lɛ ahiɛ kpaa owiemɔi lɛ anɔ.

Lalai 119:153

Kwɛmɔ mimanehulu, ni ohere mi; ejaakɛ mihiɛ kpaaa omla lɛ nɔ.

Lalai 119:61

Mɛi fɔ̃ji akpãi lɛ fimɔɔ mi moŋ nɛ; shi kɛ̃lɛ mihiɛ kpaaa omla lɛ nɔ.

Lalai 18:27

Mɛi ni baa amɛhe shi lɛ, ohereɔ amɛ; shi hiŋmɛii ni woɔ amɛhe nɔ lɛ, obaa amɛ shi.

Abe̱i 10:21

Jalɔ naabu lɛɔ mɛi babaoo, shi kwashia lɛ, jwɛŋmɔ ni ebɛ hewɔ lɛ egboɔ.

Abe̱i 19:2

Shwe ni ashweɔ nɔ ko ni nilee bɛ mli lɛ ehiii; ni mɔ ni nyiɛɔ kplakpla lɛ eduɔ gbɛ.

Yesaia 1:3

Tsina le mɔ nɔ̃ ni ji lɛ, ni teji hu le he ni enuŋtsɔ eto eniyenii adeka yɛ. Shi Israel lɛ, lɛ lɛ eleee enɛ mli ekoeko; miwebii lɛ bɛ niiashishinumɔ.”

Yesaia 17:10

Israel, ohiɛ ekpa oyiwalaheremɔ Nyɔŋmɔ lɛ nɔ, ni okaiii obobaa Tɛsaa lɛ. No hewɔ lɛ, yɛ mli akɛ oootɛo tsei fɛɛfɛji, ni ooofee wɔŋkoo oha maŋsɛɛ wɔŋ,

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yesaia 28:7

Wain ehã osɔfoi lɛ kɛ gbalɔi lɛ ahiɛ miidĩ amɛ; dãa ni wa ehã amɛmiididã. Osɔfoi lɛ kɛ gbalɔi lɛ miididã kɛ dãa ni wa. Wain ehã amɛlului, ni amɛmiididãa kɛ dãa ni wa. Amɛnãaa ninaa kpakpa koni amɛgba pɛpɛɛpɛ; dãa hãaa amɛnyɛ amɛbua sane he jogbaŋŋ.

Yesaia 29:12

Ni kɛji akɛ wolo lɛ hã mɔ ko ni nyɛŋ ekane, ni afã lɛ akɛ, ‘Kanemɔ wolo nɛɛ’ lɛ, ebaakɛɛ akɛ, ‘Minyɛŋ makane.’ ”

Yesaia 3:12

Naa, shikafalɔi miiwa mimaŋbii lɛ ayi, ni amɛnyɔjiatsɛmɛi lɛ shishiuɔ amɛ. Ao! Miwebii, nyɛmaŋhiɛnyiɛlɔi lɛ miihã nyɛmiidu gbɛ, ni amɛmiihã nyɛnane miitɔ̃tɔ̃.

Yesaia 45:20

Yehowa kɛɛ akɛ, “Nyɛbuaa nyɛhe naa koni nyɛbaa, nyɛ fɛɛ nyɛbaa kutuu, nyɛ, maji lɛ amli bii ni nyɛje hiɛkpãtãmɔ mli! Mɛi ni tereɔ amɛtso amãgãi lɛ kɛnyiɛɔ, ni amɛsɔleɔ amɛhãa nyɔŋmɔ ni nyɛɛɛ mɔ yiwala ehere lɛ, amɛleee nii.

Yesaia 5:13

No hewɔ lɛ, abaaŋɔ miwebii lɛ nom, ejaakɛ amɛleee nii. Hɔmɔ miigbe amɛhiɛnaanɔbii lɛ, ni maŋbii babaoo baagboi kɛ kumai.

Yeremia 2:8

Osɔfoi lɛ po biii akɛ, ‘Nɛgbɛ Yehowa yɔɔ?’ Mɛi ni tsɔ̃ɔ mɛi mla lɛ tete leee mi; maŋnɔyelɔi lɛ tɔ̃ minɔ, ni gbalɔi lɛ gba yɛ Baal hewalɛ naa; ni amɛyadi nibii ni ahe bɛ sɛɛnamɔ lɛ asɛɛ.”

Yeremia 4:22

Ejaakɛ kwashiai ji miwebii lɛ, amɛleee nii; bii kwashiai ji amɛ, amɛbɛ jwɛŋmɔ. Amɛhe esa kɛ efɔŋfeemɔ shi ekpakpafeemɔ ebɔ amɛ.

Yeremia 5:21

nyɛboa enɛ toi koo! Kwashiai ni bɛ jwɛŋmɔ, ni nyɛyɔɔ hiŋmɛii shi nyɛnaaa nii, asaŋ nyɛyɔɔ toii hu shi nyɛnuuu nii.

Ezekiel 44:23

“Osɔfo lɛ atsɔ̃ɔ mimaŋbii lɛ srɔto ni yɔɔ nɔ ni yɔɔ krɔŋkrɔŋ kɛ nɔ ni jeee krɔŋkrɔŋ teŋ. Amɛha amɛle srɔto ni yɔɔ nɔ ni he tseee kɛ nɔ ni he tse teŋ.

Hosea 13:6

shi be ni nyɛna nii nyɛye ni nyɛtɔrɔ pɛ, kɛkɛ ni nyɛwo nyɛhe nɔ ni nyɛhiɛ kpa minɔ.

Hosea 2:13

Magbala etoi yɛ tsofakɛŋma ni etee eyashã ehã Baal jemawɔji yɛ amɛgbii juji lɛ anɔ lɛ hewɔ. Ewula kɛ jwinei kɛtee eyanyiɛ eshieŋtsɛmɛi lɛ asɛɛ, ni ehiɛ kpa minɔ.” Nɔ ni Yehowa kɛɔ nɛ.

Hosea 4:1

Nyɛ Israelbii, nyɛboa nɔ ni Yehowa kɛɔ toi, ejaakɛ Yehowa kɛ shikpɔŋ lɛ nɔ bii lɛ ena. “Anɔkwayeli kɛ mɔbɔnalɛ etã yɛ shikpɔŋ lɛ nɔ; ni aleee Nyɔŋmɔ hu yɛ shikpɔŋ lɛ nɔ.

Hosea 4:12

Mimɛi biɔ tso akɛ egba, ni amɛdɛ̃hiɛmɔtso lɛ gbaa amɛ teemɔŋ saji, ejaakɛ ajwamãŋbɔɔ mumɔ ehã amɛkwa amɛNyɔŋmɔ lɛ; ni amɛdu gbɛ, amɛtee wɔji aŋɔɔ.

Hosea 4:14

Shi kɛji nyɛbiyei lɛ bɔ ajwamãŋ lɛ migbalaŋ amɛtoi, ni kɛji nyɛbihii aŋamɛi lɛ hu fite gbãlã lɛ migbalaŋ amɛtoi, ejaakɛ nyɛ, hii lɛ diɛŋtsɛ tete lɛ nyɛ kɛ ajwamãŋi ni yɔɔ jamɔhe lɛ yabɔɔ ajwamãŋ, ni nyɛ kɛ amɛ fɛɛ shãa wɔŋjamɔ afɔlei lɛ. Naa, maŋ ni bɛ jwɛŋmɔ lɛ ehiɛ kpãtãa.

Hosea 5:4

“Amɛnifeemɔnii hewɔ lɛ amɛnyɛɛɛ amɛsɛɛ amɛku kɛba amɛNyɔŋmɔ lɛ ŋɔɔ, ejaakɛ ajwamãŋbɔɔ mumɔ ebote amɛmli, ni no hewɔ lɛ, amɛleee mi, Yehowa dɔŋŋ.

Hosea 6:6

Ejaakɛ nɔ ni mitaoɔ yɛ nyɛdɛŋ ji suɔmɔ ni tsakeee shi jeee afɔle; nɔ ni mitaoɔ ji lee ni aleɔ Nyɔŋmɔ shi jeee shãaafɔle.

Hosea 7:11

Israel etsɔ̃ tamɔ okpo kwashia ni bɛ yitso: ŋmɛnɛ lɛ eetsɛ Ijipt koni ebawa lɛ; wɔ lɛ eetsɛ Asiria.

Hosea 7:9

Gbɔi lɛ ehã ehewalɛ etã, shi eyooko; eyiteŋ eje waŋ, shi ekɔɔɔ sɛɛ.

Hosea 8:1

Yehowa kɛɛ akɛ, “Kpã tɛtɛrɛmantɛrɛ lɛ okɛhɛle mɛi ashi. Henyɛlɔ miiba tamɔ okropɔŋ ebayi Yehowa we lɛ nɔ, ejaakɛ mimaŋbii lɛ eku mi kɛ amɛ kpãŋmɔ lɛ mli, ni amɛtɔ̃ mimla lɛ nɔ.

Hosea 8:12

Kɛji miŋma mimlai lɛ shii akpei abɔ tete mihã amɛ lɛ, amɛbaaŋɔ mlai lɛ akɛ mɔkpɔŋ dɛŋ nii.

Hosea 8:14

“Ejaakɛ Israel hiɛ kpa ebɔlɔ lɛ nɔ, ni emamɔ mɔji moŋ ehã ehe; ni Yuda hu tswa gbogbo ewo emaji pii ahe. Shi mawo amɛmaji lɛ amli la ni mashã amɛmɔji lɛ.”

Hosea 9:17

MiNyɔŋmɔ ni misɔmɔɔ lɛ lɛ, baakwa emɛi lɛ ejaakɛ amɛbooo lɛ toi. Amɛbaatsɔ̃mɔ kobɔfoi yɛ je lɛ mli maji lɛ anɔ bii lɛ ateŋ.

Mateo 1:6

Ishai fɔ Maŋtsɛ David, ni David kɛ Uria ŋa lɛ fɔ Solomon.

Mateo 15:14

Nyɛkadia amɛsɛɛ! Shwilafoi ni tsɔ̃ɔ shwilafoi agbɛ ji amɛ; ni kɛ shwilafo miitsɔ̃ɔ shwilafo gbɛ lɛ, amɛyi enyɔ lɛ fɛɛ amɛaagbee bu mli.”

Mateo 15:8

‘Maŋ nɛɛ kɛ amɛnaabu woɔ mi; shi amɛtsui etsi ehe kɛjɛ mihe kɛtee shɔŋŋ.

1 Samuel 2:12

Osɔfo Eli bihii lɛ yafee amɛhe yakagbɔmɛi, ni amɛbuu Yehowa,