Hosea 4:3 - ŊMALƐ KRƆŊKRƆŊ LƐ

³ Enɛ hewɔ lɛ, shikpɔŋ lɛ nɔ baagbi, ni enɔ nibii fɛɛ baagboi. Ŋaŋ kooloi kɛ loofɔji kɛ nuŋ loi tete baagboi.”

Ṅmãle̱ Kroṅkroṅ Le̱

³ Nohewo̱ le̱ šikpoṅ le̱ mīye ṅko̱mo̱, ni mofēmo ni hĩo̱ no̱ le̱ eto̱ biti, ke̱ ṅãṅ koloi ke̱ ṅwei lofõdši le̱, ni ṅšo̱ṅlōi tete eplenē.

Hosea 4:3 ပူးပေါင်းရင်းမြစ်များ

Yesaia 33:9

Shikpɔŋ lɛ miiye ŋkɔmɔ, ni eeŋala. Labanon kooŋ tsei ayibii ekpala, ekoi lɛ miigbi. Sharon jɔɔ shikpɔŋ frɔ̃frɔ̃ lɛ etsɔ̃ shiaŋa, ni Bashan kɛ Karmel Gɔŋ lɛ nɔ tsei ayibai miikpala.

Yeremia 12:4

Mɛɛ beyinɔ nɔŋŋ po shikpɔŋ lɛ nɔ aaagbi, ni ŋa lɛ nɔ jwɛi aaaŋalã kɛyashi? Shikpɔŋ lɛ nɔ bii lɛ anifɔ̃ɔjianii ehã enɔ kooloi kɛ loofɔji fɛɛ etã; ejaakɛ amɛkɛɔ akɛ, “Enaŋ bɔ ni wɔnaagbee aaatamɔ.”

Yeremia 23:10

Shikpɔŋ lɛ nɔ eyi tɔ kɛ mɛi ni jeɔ Yehowa sɛɛ. Jeŋba fɔŋ amɛbaa, ni nɔ fɔŋ mli ekãa amɛfeɔ. Yehowa loomɔ hewɔ lɛ shikpɔŋ lɛ miiye awerɛho, ni ŋa lɛ nɔ hei ni yɔɔ frɔ̃frɔ̃ lɛ fɛɛ egbigbii. Amɛjeŋba lɛ efɔŋ ni, ni amɛhewalɛ lɛ amɛkɛfeee nɔ kpakpa.

Yeremia 4:25

Mikwɛ, ni naa, gbɔmɔ kome flo nɛkɛ bɛ he ko he ko; ni loofɔji buublu efiliki kɛtee.

Yeremia 9:10

Kɛkɛ ni mikɛɛ akɛ, “Mawo yara mafo gɔji lɛ waa, ni maye ŋkɔmɔ yɛ ŋa nɔ kooloi aniyelihei lɛ ahewɔ, ejaakɛ jɛi fɛɛ eŋãla, ni mɔ ko tsɔ̃ɔɔ jɛi kɛhooo dɔŋŋ. Anuuu tsinai agbee yɛ jɛi; ni jwɛiaŋ loofɔji kɛ kooloi tete ejo foi kɛshi jɛi amɛtee.”

Yeremia 9:9

Aso mikagbala amɛtoi yɛ enɛɛmɛi ahewɔ? Mikatɔ mihe owele yɛ maŋ ni tamɔ nɛkɛ nɔ lo? Mi, Yehowa, miibi.”

Ezekiel 38:20

Nakai gbi lɛ nɔ lɛ ŋshɔŋloi kɛ ŋwɛi loofɔji kɛ ŋaŋ kooloi kɛ waamɔnii fɛɛ ni wamɔɔ yɛ shikpɔŋ lɛ nɔ lɛ kɛ gbɔmɛi fɛɛ ni yɔɔ shikpɔŋ lɛ nɔ lɛ he baakpokpo yɛ mihegbeyei naa. Abaatsirɛ gɔji atswia shi, ni tɛsai ni kwɔlɔ lɛ baagbeegbee shi, ni aaawule gbogbo fɛɛ gbogbo ashwie shi.

Yoel 1:18

Kwɛ bɔ ni tsina kui lɛ kɛ̃mɔɔ kɛ nɔnaa, ejaakɛ amɛbɛ jwɛifɔ, ni toikui lɛ hu miina nɔ.

Amos 1:2

Amos kɛɛ akɛ, “Yehowa miihũu tamɔ jata yɛ Zion Gɔŋ lɛ nɔ, ni egbee miishi yɛ Yerusalɛm. Shikpɔji lɛ anɔ jwɛi fɔ aaaŋala, ni Karmel Gɔŋ lɛ yiteŋ aaagbi.”

Amos 5:16

No hewɔ lɛ, nɔ ni Yehowa, Taiatsɛ, ni ji Nuŋtsɔ lɛ, kɛɔ ji akɛ, “Abaawo yara yɛ blohui fɛɛ amli, ni aaabolɔ, ‘Ao, ao!’ Kɛnyiɛ gbɛjegbɛi lɛ anɔ. Abaatsɛ okwaafoi koni amɛbaye ŋkɔmɔ, ni abaatsɛ mɛi ni le yara nɔ yaafo jogbaŋŋ hu koni amɛbafo. Abaawo yara yɛ wain trom fɛɛ wain trom mli ejaakɛ matsɔ̃ nyɛteŋ kɛho kɛgbala nyɛ toi,” Yehowa kɛɛ.

Amos 8:8

Ni no hewɔ lɛ, shikpɔŋ lɛ baahoso, ni enɔ gbɔmɛi fɛɛ baaye awerɛhoo. Shikpɔŋ lɛ nɔ baafee hamahama tamɔ bɔ ni Nilo Faa lɛ yiɔ, ni ekuɔ, ni asaŋ ekpɔŋɔ lɛ.”

Nahum 1:4

Eŋãa ŋshɔ yi, ni emiɔ; ehãa fai fɛɛ miɔ. Bashan kɛ Karmel gɔji lɛ anɔ ŋãlãa, ni Lebanon ŋã floŋŋ lɛ hu ŋãlãa.

Zefania 1:3

“Mibakpãtã gbɔmɔ kɛ kooloo hiɛ; mibakpãtã loofɔji kɛ ŋshɔŋ loi fɛɛ ahiɛ, mibakpãtã yiwalɔi ahiɛ; mibaplene gbɔmɛi yɛ shikpɔŋ lɛ nɔ, Mi, Yehowa, mikɛɛ.

Zakaria 5:4

Yehowa Taiatsɛ lɛ kɛɛ akɛ, “Miihã loomɔ nɛɛ asa julɔ fɛɛ julɔ we he, kɛ mɔ fɛɛ mɔ ni tsɛɔ migbɛi ekɛkãa kitã ni eyeee nɔ lɛ hu we he. Loomɔ nɛɛ aaahi mɔ lɛ we lɛ nɔ kɛyaashi eeekpatã shĩa lɛ kɛ emli tsei kɛ tɛi fɛɛ ahiɛ.”