Hosea 4:2 - ŊMALƐ KRƆŊKRƆŊ LƐ

² Nɔ ni eshwɛ amɛ pɛ ji kitãkãmɔ kɛ amale kɛ mɔgbee kɛ juu kɛ gbãlãfitemɔ; amɛkuɔ mla fɛɛ mla mli, ni amɛshwieɔ lá shi ni eko nyiɛ eko sɛɛ.

Ṅmãle̱ Kroṅkroṅ Le̱

² Noni eſe̱ame̱ pe̱ dši kitãkãmo̱ ke̱ kũtũmpo̱oyeli ke̱ gbomogbē ke̱ dšū ke̱ gblãfitemo̱; ame̱gbulo̱ö̱ šĩai ame̱woo̱ mli, ni lášiſiemo̱ tša lášiſiemo̱ no̱.

Hosea 4:2 ပူးပေါင်းရင်းမြစ်များ

1 Mose 4:8

Kɛkɛ ni Kain kɛɛ enyɛmi Habel akɛ, “Hã ni wɔya ŋa lɛ nɔ wɔba.” Be ni amɛyɔɔ ŋa lɛ nɔ lɛ, Kain te shi wo enyɛmi Habel ni egbe lɛ.

Yesaia 24:5

Shikpɔŋ lɛ nɔ bii lɛ ewo shikpɔŋ lɛ he muji, ejaakɛ amɛtɔ̃ mlai lɛ anɔ, ni amɛyeee akpɔi lɛ anɔ, ni amɛku naanɔ kpãŋmɔ lɛ mli.

Yesaia 48:1

Nyɛ Israelbii, nyɛ mɛi ni akɛ Israel gbɛi ewo nyɛ, ni nyɛjɛ Yuda mli, nyɛboa enɛ toi! Nyɛkɛ Yehowa gbɛi lɛ kãa kitã, ni nyɛkɛɔ akɛ Israel Nyɔŋmɔ lɛ, lɛ ji Nyɔŋmɔ, shi anɔkwale kome nɛkɛ bɛ mli.

Yeremia 51:5

Ejaakɛ Israelbii lɛ kɛ Yudabii lɛ aNyɔŋmɔ lɛ, ni ji Yehowa Taiatsɛ lɛ, ekwako amɛ; shi Babilonbii lɛ, amɛ lɛ amɛshikpɔŋ lɛ nɔ eyi tɔ kɛ nifɔɔjianii babaoo ni amɛkɛtɔ̃ Israel Mɔ Krɔŋkrɔŋ lɛ nɔ.

Yeremia 6:7

Bɔ ni nubu baa emli nu yi koni ehi krɔŋŋ lɛ, nakai Yerusalɛm baa enifɔɔji anii lɛ ayi. Henitswiamɔ kɛ niiahiɛkpãtãmɔ he anuɔ yɛ mli; ni hela kɛ pilamɔi sɔŋŋ kɛkɛ minaa yɛ mli.

Yāfó 4:13

Shi eba mli, ejaakɛ Yerusalɛm gbalɔi lɛ fee esha, ni esɔfoi lɛ fee nɔ fɔŋ; amɛshwie jalɔi ala shi yɛ maŋ lɛ mli.

Ezekiel 7:23

“Akɛni shikpɔŋ lɛ nɔ eyi tɔ kɛ lashishwiemɔ, ni maŋ lɛ mli eyi tɔ kɛ yiwalɛ lɛ,

Hosea 10:13

Nyɛdu efɔŋ, ni nyɛkpa nɔsha, ni nyɛye yibii ni amale wo: “Ejaakɛ nyɛkɛ nyɛhiɛ fɔ̃ nyɛtayaa shwiilii lɛ kɛ hii kãkãlɔi lɛ ayifalɛ nɔ.

Hosea 10:4

Amɛwieɔ huu kɛkɛ ni amɛleee nɔ ni amɛwieɔ lɛ. Amɛwoɔ shi babaoo ni amɛle akɛ amɛyeŋ nɔ, ni amɛkpãŋɔ kpãŋmɔi yaka ni sɛɛnamɔ bɛ he. No hewɔ lɛ, toigbalamɔ baatsɔ̃ tamɔ ebɔɔ ŋmei ni efɛ̃ shi yɛ ŋmɔshi akofii anɔ ahã amɛ.

Hosea 11:12

Yehowa kɛɛ, “Israelbii ebɔle mihe kɛkpe kɛ amale kɛ mɔshishiumɔ, ni Yudabii kã he amɛmiitse miihiɛ atua, mi ni ji Nyɔŋmɔ anɔkwafo kɛ mɔ krɔŋkrɔŋ lɛ.”

Hosea 12:14

Israelbii ewo Yehowa mli la naakpa; ni no hewɔ lɛ, esa akɛ amɛgboi; ni amɛmusu aaatere amɛ. Yehowa baagbala amɛtoi ejaakɛ amɛwo lɛ hiɛgbele.

Hosea 5:2

Efɔŋfeelɔi lɛ ebote nyɛnyɛŋtswibɔɔ mli vii yɛ Akasia maŋ lɛ mli, mibagbala amɛteŋ mɔ fɛɛ mɔ toi waa diɛŋtsɛ.

Hosea 6:8

Gilead lɛ nɔfɔŋfeelɔi amaŋ ni, ni lá ewu amɛhe.

Hosea 6:9

Tamɔ bɔ ni ojotswalɔi woɔ mɔ ka lɛ, nakai nɔŋŋ pɛ osɔfoi lɛ efee ekome amɛgbeɔ mɛi, ni amɛfeɔ nishaianii yɛ Shekem gbɛteŋ.

Hosea 7:1

“Kɛ mito miyiŋ akɛ matsa mimɛi Israelbii lɛ koni amɛshwere pɛ, kɛkɛ lɛ Efraim kɛ Samaria nifɔɔjianii lɛ eje kpo: no ji mɔshishiumɔ kɛ juu kɛ ojotswaa yɛ gbɛteŋ.

Hosea 7:3

Yehowa kɛɛ akɛ, “Amɛkɛ yiwalɛ nifeemɔi lɛ hãa maŋtsɛ lɛ mii shɛɔ ehe, ni amɛkɛ mɔshishinyiɛmɔ wiemɔ hãa lumɛi hu naa miishɛɛ.

Hosea 7:4

Amɛtsɔ̃mɔ mɛi ashishinyiɛlɔi kɛ mɛi ni yeee anɔkwa yɛ jamɔ mli. No hewɔ lɛ, amɛtamɔ flɔnɔɔ mli la ni awo ni nishãlɔ eŋmɛɛ he koni etso kɛyashi ma ni akpɔtɔ lɛ aaafu kɛha shãa.

Mika 3:2

Shi nyɛnyɛɔ ekpakpa, ni nyɛsumɔɔ efɔŋ. Nyɛkpɔɔ mimaŋbii lɛ ahe wolo yɛ amɛhe be mli ni amɛhiɛ kã; ni nyɛjieɔ amɛheloo yɛ amɛwui ahe.

Mika 3:9

Nyɛ Yakob we onukpai, nyɛ Israel nɔyelɔi, nyɛ mɛi ni nyɛhiɔ jalɛ, ni nyɛhãa jalɛ tsɔ̃ɔ nɔ ni ejaaa, nyɛboa toi koo!

Mika 6:10

Nɔ ni yɔɔ efɔŋfeelɔi ashĩai amli ni ji jwetri ni atsɔ̃ shishiumɔ gbɛi anɔ ana, kɛ susumɔnii kɛ nsɛnitɛi ni shɛɛɛ ni akɛŋmɛɔ nii lɛ, ani mihiɛ aaakpa nɔ? Dabida, miihi!

Mika 7:2

Gbɔmɔ Nyɔŋmɔ gbeyeishelɔ ko bɛ shikpɔŋ lɛ nɔ dɔŋŋ; mɔ ko bɛ ni yeɔ Nyɔŋmɔ anɔkwa. Mɔ fɛɛ mɔ miitao akɛ ena hegbɛ ni eshwie lá shi. Mɔ fɛɛ mɔ miigbɔbi enaanyo.

Zefania 3:1

Kpoo ha Yerusalɛm, maŋ ni yi wa, maŋ ni lɛ diɛŋtsɛ ebule ehe!

Zakaria 5:3

Kɛkɛ ni ekɛɛ mi akɛ, “Enɛ ji loomɔ ni gbɛɔ eshwãa shikpɔŋ muu lɛ fɛɛ nɔ lɛ. No ji akɛ mɔ fɛɛ mɔ ni juɔ lɛ aaakpãtã ehiɛ yɛ shikpɔŋ lɛ nɔ; ni mɔ fɛɛ mɔ ni aaakã kitã ni eyeŋ nɔ lɛ aaana nakai toigbalamɔ lɛ nɔŋŋ.”

Zakaria 7:9

“Bɔ ni Yehowa, Taiatsɛ, lɛ kɛɛ nɛ, ‘Nyɛkojoa yɛ jalɛ naa, ni nyɛkɛ musuŋtsɔlɛ kɛ mɔbɔnalɛ ahia shi akɛ nyɛmimɛi.

Mateo 23:35

Bɔ ni afee ni jalɔi alá fɛɛ ni ashwie shi yɛ shikpɔŋ lɛ nɔ kɛjɛ Abel, jalɔ lɛ, lá lɛ nɔ kɛbashi Zakaria, Barakia bi lɛ, ni nyɛgbe lɛ yɛ Sɔlemɔtsu lɛ kɛ afɔleshãa latɛ lɛ teŋ lɛ lá lɛ nɔ lɛ aba nyɛnɔ.

Bɔfoi 7:52

Gbalɔi lɛ ateŋ namɔ ni nyɛtsɛmɛi lɛ waaa lɛ yi? Amɛgbe mɛi ni gba yɛ jalɔ lɛ baa lɛ he amɛto lɛ. Ni agbɛnɛ nyɛ nyɛtsɔ̃ɔ esɛɛgbɛ ni nyɛgbe lɛ,

5 Mose 5:11

“Kaahiɛ Yehowa, oNyɔŋmɔ lɛ gbɛi mli yakayaka; ejaakɛ Yehowa ebuŋ mɔ ni hiɛɔ egbɛi mli yakayaka lɛ bem.

5 Mose 5:18

“Kaafite gbãlã.

5 Mose 5:19

“Kaaju.

1 Tesalonikabii 2:15

amɛgbe Nuŋtsɔ Yesu kɛ gbalɔi lɛ hu, ni amɛwa wɔ yi. Amɛsaaa Nyɔŋmɔ hiɛ, ni amɛkɛ gbɔmɛi fɛɛ yeee.

Kpojiemɔ 17:6

Ni mina yoo lɛ akɛ krɔŋkrɔŋbii lɛ alá lɛ kɛ Yesu he odasefoi lɛ alá lɛ etɔ lɛ dãa. Be ni mina lɛ lɛ, minaa kpɛ mihe naakpa.