Hosea 4:18 - ŊMALƐ KRƆŊKRƆŊ LƐ

¹⁸ Kɛji amɛnunuu dãi ni amɛtɔrɔ sɛɛ lɛ kɛkɛ lɛ amɛkɛ ajwamãŋbɔɔ lɛ etsa nɔ, ejaakɛ amɛsumɔɔ hiɛgbele moŋ fe hiɛnyam.

Ṅmãle̱ Kroṅkroṅ Le̱

¹⁸ Ame̱dā̃numo̱ le̱ tede no̱, ni ame̱mībo̱ adſamaṅ; eno̱yelo̱i le̱ sumoo̱ hĩegbĕle.

Hosea 4:18 ပူးပေါင်းရင်းမြစ်များ

1 Mose 38:24

No sɛɛ aaafee nyɔji etɛ̃ lɛ, abakɛɛ Yuda akɛ, “Oshaayoo Tamar eyabɔ ajwamãŋ, ni nɔ ni ena yɛ ajwamãŋbɔɔ lɛ mli ji akɛ ena musu.” Yuda fã akɛ, “Amɔ lɛ kɛje kpo koni ashã lɛ.”

Lalai 47:9

Maji lɛ amli lumɛi lɛ ebua amɛhe naa kɛba; ni amɛbatsɔ̃mɔ Abraham Nyɔŋmɔ lɛ webii. Ejaakɛ shikpɔŋ lɛ nɔ tawuu nibii lɛ, Naa Nyɔŋmɔ nɔ ni. Awo enɔ gojoo.

2 Mose 23:8

Kaahe nyɔɔŋnii ejaakɛ nyɔɔŋnii shwilaa nɔkwɛlɔ, ni efiteɔ mɔ ni sane ja sane.

Yeremia 2:21

Mitɛo bo akɛ wain tso kpakpa ni jɛ wu kpakpa mli. Shi te fee tɛŋŋ ni ofite otsɔ̃ kooŋ wain tso kwraa nɛɛ?

Ezekiel 16:15

“Shi odi ohe fɛo kɛ ogbɛi ni ehehe lɛ sɛɛ ni obɔ ajwamãŋ; ni okɛ mɔ fɛɛ mɔ ni hoɔ wɔɔ kɛkɛ.

Hosea 4:10

Amɛbaaye nii nɛ, shi amɛtɔrɔŋ, ni amɛaabɔ ajwamãŋ nɛ, shi amɛshwereŋ kɛ bii, ejaakɛ amɛkwa mi, Yehowa, ni amɛtee wɔji moŋ aŋɔɔ.”

Hosea 4:2

Nɔ ni eshwɛ amɛ pɛ ji kitãkãmɔ kɛ amale kɛ mɔgbee kɛ juu kɛ gbãlãfitemɔ; amɛkuɔ mla fɛɛ mla mli, ni amɛshwieɔ lá shi ni eko nyiɛ eko sɛɛ.

Hosea 9:10

Yehowa kɛɛ akɛ, “Klɛŋklɛŋ be ni mina Israel lɛ etamɔ wain yibii ni atoɔ lɛ ahuu yɛ ŋa nɔ. Mina nyɛtsɛmɛi lɛ tamɔ klɛŋklɛŋ yibii ni tsu yɛ agbãmi tso nɔ. Shi be ni nyɛtsɛmɛi lɛ shɛ Poer Gɔŋ le he lɛ, amɛbɔ̃i jemawɔŋ ni atsɛɔ lɛ Poer lɛ jamɔ. Enɛ hã amɛsane je migugɔŋ fu tamɔ wɔji ni amɛjaa lɛ nɔŋŋ asane.

Amos 5:12

Ejaakɛ mile akɛ nyɛmlanɔtɔ̃mɔi lɛ fa, ni mile eshai ni nyɛfeefee anaawalɛ. Nyɛgbaa jalɔ naa, ni nyɛheɔ nyɔŋnii, ni nyɛŋmɛɛɛ gbɛ koni ohiafo kɛ esane ashɛ koishi koni aye ahã lɛ.

Mika 3:11

Maŋ onukpai lɛ, nyɔɔŋnii amɛheɔ dani amɛbuaa sane he; osɔfoi lɛ, nyɔmɔwoo hewɔ amɛtsɔ̃ɔ Nyɔŋmɔ Mla lɛ, ni gbalɔi lɛ shika hewɔ amɛgbaa nɔ ni ajie atsɔ̃ɔ amɛ. Kɛ̃lɛ amɛkɛ amɛhe kpasaa Yehowa ni amɛkɛɔ akɛ, “Yehowa kɛ wɔ yɛ; nɔ fɔŋ ko nɔ fɔŋ ko baŋ wɔnɔ.”

Mika 7:3

Amɛhe esa kɛ efɔŋfeemɔ, ni amɛfeɔ lɛ kɛ ŋaa. Lumɛi kɛ kojolɔi lɛ heɔ nyɔɔŋnii. Nɔ fɔŋ ni yɔɔ hiɛnaanɔ gbɔmɔ tsuiŋ lɛ, ejeɔ enaa; kɛkɛ lɛ amɛ fɛɛ amɛkpãŋ amɛto.

5 Mose 16:19

Amɛkaye toikɔdɔmɔ sane; amɛkakwɛ mɛi ahiɛiaŋ lɛ, amɛkahe nyɔɔŋnii hu, ejaakɛ nyɔɔŋniihemɔ shwilaa nilelɔi tete po ahiŋmɛi, ni ehãa atsɔ̃ɔ jalɔ sane hiɛ abuɔ shi.

1 Samuel 8:3

Shi Samuel bihii lɛ eyakɔɔɔ amɛtsɛ jeŋba kwraa. Amɛyadi ninamɔ sɛɛ ni amɛhehee nyɔɔŋnii, ni amɛtsɔ̃mɔ saji ahiɛ amɛbumɔ shi.