Hosea 4:16 - ŊMALƐ KRƆŊKRƆŊ LƐ

¹⁶ Israelbii akuɛŋ ti tamɔ tsina oblayoo. Te aaafee tɛŋŋ ni Yehowa aaalɛ amɛ tamɔ alɛɔ toobii yɛ ŋa shwaŋŋ nɔ hu?

Ṅmãle̱ Kroṅkroṅ Le̱

¹⁶ Edšake̱ Israel toi wa tamo̱ tšinayō ní toi wa; agbe̱ne̱ Iehowa aalè̱ame̱ tame̱ alè̱o̱ tōhi ye̱ he ní lē̱.

Hosea 4:16 ပူးပေါင်းရင်းမြစ်များ

Lalai 78:8

koni amɛkatamɔ amɛtsɛmɛi kaniŋkajelɔi kɛ yinɔbii atuatselɔi lɛ, yinɔbii ni amɛhemɔkɛyeli yɛ Nyɔŋmɔ mli fiii shi kpɛŋŋ, ni amɛyeee Nyɔŋmɔ anɔkwa yɛ mumɔŋ lɛ.

Yesaia 22:18

ni eeeshɛ bo efɔ̃ tamɔ bɔɔlo ni ashɛ afɔ̃ shikpɔŋ kplanaa nɔ. Jɛi ooogbo yɛ, bo, onuŋtsɔ we lɛ mli hiɛgbejiatsɛ; ni jɛi otayaa shwiilii fɛɛfɛji lɛ aaaka.

Yesaia 30:23

Eeehã nu anɛ ashwie nyɛdumɔ wui ni nyɛdu lɛ nɔ, kɛ ŋmãa ni ekwɛ̃ lɛ nɔ, ni amɛaawo yibii babaoo. Nakai be lɛ mli lɛ, nyɛtsinai lɛ aaaye nii yɛ ŋa ni lɛɛ nɔ,

Yesaia 5:17

Too gwantɛŋbii aaaye nii yɛ ŋa nɔ he ni jwɛifɔ yɔɔ, ni abotiabii ni eshwishwii aaaye nii kɛnyiɛ amaŋfɔ̃ tsui koi lɛ ateŋ.

Yeremia 14:7

‘Wɔnishaianii lɛ miibu wɔ fɔ moŋ; shi Yehowa, ogbɛi lɛ hewɔ lɛ, feemɔ he eko ohã wɔ; tsɛbelɛ wɔsɛɛsɛɛyaa lɛ fa tsɔ̃, ni wɔfee esha wɔshi bo.

Yeremia 3:11

Kɛkɛ ni Yehowa kɛɛ mi akɛ, “Israel ni yeee ewu anɔkwa po etsɔ̃ɔ akɛ etɔ̃mɔ lɛ yɛ mlɛo fe Yuda nɔ lɛ.

Yeremia 3:6

Yehowa bi mi yɛ Maŋtsɛ Yosia yinɔ akɛ, “Bɛ ona nɔ ni Israel ni yeee anɔkwa lɛ fee lɛ? No ji bɔ ni etee gɔŋ fɛɛ gɔŋ ni kwɔ nɔ, kɛ tso fɛɛ tso ni ebu kusuu shishi eyabɔ ajwamãŋ yɛ jɛi lɛ?

Yeremia 3:8

Ena akɛ ajwamãŋ ni Israel ni yeee anɔkwa bɔ hewɔ lɛ mishwie lɛ akɛ miŋa. Shi kɛ̃lɛ Israel nyɛmiyoo Yuda ni yeee anɔkwa lɛ, eyasheee gbeyei; shi moŋ lɛ hu etee ni eyabɔ ajwamãŋ lɛ eko.

Yeremia 31:18

“Minu ni Israel ye ŋkɔmɔ akɛ, ‘Ogbala mitoi, ni okɛtsɔse mi tamɔ tsinabi ni atsɔseko lɛ. Kpalemɔ mi kɛba oŋɔɔ ekoŋŋ, ni mibakpale, ejaakɛ bo ji Yehowa, miNyɔŋmɔ lɛ.

Yeremia 5:6

No hewɔ lɛ, jata ko aaafã kɛaajɛ koo lɛ mli ebagbe amɛ; Klaŋ ko aaajɛ shiaŋa lɛ nɔ aba ni ebakpãtã amɛhiɛ. Mlaŋtswi ko ewo ka yɛ amɛmaji lɛ ahe; ni mɔ fɛɛ mɔ ni aaajɛ amɛmli aje kpo lɛ, eeetserɛ emli; ejaakɛ amɛtɔ̃mɔi lɛ fa tsɔ̃, kwamɔ ni amɛkwa mi lɛ naa wa.

Yeremia 7:24

Shi amɛbooo mi toi lɛ, amɛyeee migbee nɔ hu; shi moŋ amɛyanyiɛ nɔ ni amɛ diɛŋtsɛ amɛjwɛŋmɔ kɛ amɛtsuii fɔ̃ji ni wa lɛ kɛɛ amɛ lɛ sɛɛ; ni no hewɔ lɛ, amɛ amɛjeŋba fite fe tsutsu lɛ.

Yeremia 8:5

Mɛni hewɔ mɔ, ni gbɔmɛi nɛɛ egba afã, ni amɛka jɛi kwraa nɛɛ? Amɛhiɛ shishiumɔ mli kpɛŋŋ, ni amɛkpɛlɛ̃ɛɛ kpalemɔ.

Hosea 10:11

“Nyɛsɛɛ ko lɛ Israel tamɔ tsina oblayoo ni atsɔse lɛ, ni enyaa he kɛ̃, akɛ akɛ lɛ miigbee ŋmaa lɛ. Enɛ hewɔ lɛ, miwooo ekuɛ fɛɛfɛo lɛ kɔŋtso. Shi agbɛnɛ mibawo Israel kuɛ kɔŋtso. Yuda baashãtã tsina kɔi ekɛhu; ni Israel baaninɛ nɔ ni ehu lɛ.”

Hosea 11:6

Taitai baate shi yɛ amɛmaji lɛ anɔ, ni abaakumɔ amɛmaji lɛ agboi lɛ asɛɛ adabaŋi lɛ. Aaakpãtã amɛhiɛ ejaakɛ amɛkɛ amɛhe fɔ̃ amɛ diɛŋtsɛ amɛnilee nɔ.

Hosea 11:7

Beiaŋ ni mimɛi lɛ ekã akɛ shimɔ nɔŋŋ kɛ̃ amɛaashi mi lɛ, kɛ̃ɛmɔ nɔŋŋ kɛ̃ amɛaakɛ̃mɔ yɛ amɛkɔŋtso ni kã amɛkuɛ lɛ hewɔ, shi mɔ ko woŋ yɛ amɛnɔ.

3 Mose 26:33

Ni nyɛ diɛŋtsɛ lɛ mahã ta abanina nyɛ, ni magbɛ nyɛ mashwã majimaji ni yɔɔ jeŋ lɛ anɔ. Gbɔmɛi baatã yɛ nyɛshikpɔŋ lɛ nɔ, ni nyɛmaji lɛ baatsɔ̃mɔ amaŋfɔ̃i.

Zakaria 7:11

“Shi moŋ mimaŋ lɛ waje amɛtsui ni amɛkɛ kuɛŋtilɛ booo toi; amɛtsimɔ amɛtoii koni amɛkanu wiemɔ lɛ.

1 Samuel 15:11

“Mishwa mihe akɛ miwo Saul maŋtsɛ, ejaakɛ ekpale yɛ misɛɛ, ni eyeee mikitãi lɛ anɔ.” Sane lɛ fee Samuel mlifu, ni esɔle ekpa Yehowa fai nyɔɔŋnyɔɔŋ fɛɛ.