Hosea 4:14 - ŊMALƐ KRƆŊKRƆŊ LƐ

¹⁴ Shi kɛji nyɛbiyei lɛ bɔ ajwamãŋ lɛ migbalaŋ amɛtoi, ni kɛji nyɛbihii aŋamɛi lɛ hu fite gbãlã lɛ migbalaŋ amɛtoi, ejaakɛ nyɛ, hii lɛ diɛŋtsɛ tete lɛ nyɛ kɛ ajwamãŋi ni yɔɔ jamɔhe lɛ yabɔɔ ajwamãŋ, ni nyɛ kɛ amɛ fɛɛ shãa wɔŋjamɔ afɔlei lɛ. Naa, maŋ ni bɛ jwɛŋmɔ lɛ ehiɛ kpãtãa.

Ṅmãle̱ Kroṅkroṅ Le̱

¹⁴ Miwoṅ nyebiyii le̱ anyõmo̱, ké̱ ame̱bo̱ adſamaṅ le̱, lo nyebihĩĩ aṅämei le̱, ké̱ ame̱fite gblã le̱; edšake̱ ame̱dientše̱ le̱ ame̱ke̱ adſamaṅi gbáa afã, ni ame̱ke̱ yei ní efe ame̱he adſamaṅbo̱lo̱i šãa afo̱le, ši maṅ ni enaa nii ašiši le̱, aabutuame̱!

Hosea 4:14 ပူးပေါင်းရင်းမြစ်များ

1 Maŋtsɛmɛi 15:12

Eshwie hii kɛ yei fɛɛ ni kɛ amɛhe bɔɔ ajwamãŋ yɛ jamɔhei lɛ fɛɛ yɛ shikpɔŋ lɛ nɔ, ni ejie amãgãi ni etsɛmɛi lɛ fee lɛ fɛɛ hu.

2 Maŋtsɛmɛi 23:7

Ni ekumɔ hii ni kɛ amɛhe ehã ajwamãŋbɔɔ lɛ atsui ni yɔɔ Yehowa we lɛ eshwie shi. Jɛi ji he ni yei lɛ loɔ atadei ni akɛjaa Ashera lɛ.

Abe̱i 28:5

Mɛi fɔ̃ji nuuu jalɛ shishi; shi mɛi ni jaa Yehowa lɛ, amɛnuɔ shishi jogbaŋŋ.

Yesaia 1:5

Mɛni hewɔ nyɛyaa nɔ nyɛtseɔ atua koni aya nɔ agbala nyɛtoi lolo nɛɛ? Nyɛyitso muu lɛ fɛɛ he miiye, ni nyɛtsui fɛɛ hu etɔ biti.

Yesaia 27:11

Kɛji emli tsei aniji lɛ gbi lɛ, akumɔɔ ni yei baa ni amɛbalɛɔ akɛ lai kɛyaa, ni amɛyashãa. Ejaakɛ amɛjeee maŋ ni nuɔ nii ashishi. No hewɔ lɛ, Nyɔŋmɔ, mɔ ni bɔ amɛ lɛ musuŋ etsɔŋ lɛ yɛ amɛhe, ni enaŋ amɛ mɔbɔ.

Yesaia 56:11

Gbei fulɔi ni; amɛleee mitɔ! Nɛkɛ tookwɛlɔi ni ji maŋhiɛnyiɛlɔi nɛɛ lɛ hu, amɛbɛ jwɛŋmɔ; amɛ fɛɛ amɛkɔlɔ amɛgbɛ, mɔ fɛɛ mɔ miifo ekome enɔ mli.

Daniel 12:10

Mɛi pii baatsuu amɛhe koni amɛyɛ futafuta ni amɛhe atse. Shi yitsoŋwalɔi lɛ ateŋ mɔ ko mɔ ko nuŋ shishi, ni amɛaaya nɔ amɛye yitsoŋwalɛ sane; shi nilelɔi lɛ, amɛ lɛ, amɛbaanu nɔ ni yaa nɔ lɛ shishi.

Hosea 14:9

Mɔ ni le nii lɛ, enu saji nɛɛ ashishi; ni hiɛshikãlɔ lɛ ekɔ sɛɛ. Naa, Yehowa gbɛi fɛɛ ja, ni nomɛi mɔ ni feɔ jalɛnii kɛbaa ejeŋ; nomɛi anaa mɔ ni feɔ jalɛnii hiɔ shi yɛ; shi eshafeelɔi tswaa egbɛi lɛ amɛfɔ̃ɔ, ni no hewɔ lɛ, amɛtɛrɛɔ, ni amɛgbeɔ shi.

Hosea 4:1

Nyɛ Israelbii, nyɛboa nɔ ni Yehowa kɛɔ toi, ejaakɛ Yehowa kɛ shikpɔŋ lɛ nɔ bii lɛ ena. “Anɔkwayeli kɛ mɔbɔnalɛ etã yɛ shikpɔŋ lɛ nɔ; ni aleee Nyɔŋmɔ hu yɛ shikpɔŋ lɛ nɔ.

Hosea 4:17

Israel ekɔ wɔŋjamɔ efɔ enɔ; nyɛŋmɛa ejeŋ he nyɛhãa lɛ.

Hosea 5:4

“Amɛnifeemɔnii hewɔ lɛ amɛnyɛɛɛ amɛsɛɛ amɛku kɛba amɛNyɔŋmɔ lɛ ŋɔɔ, ejaakɛ ajwamãŋbɔɔ mumɔ ebote amɛmli, ni no hewɔ lɛ, amɛleee mi, Yehowa dɔŋŋ.

Amos 2:7

Amɛnaanaa ohiafoi ayitsei anɔ yɛ shikpɔŋ mlu mli, ni amɛtsirɛɔ mɛi ni ehao kɛyaa gbɛsɛɛ. Mɔ kɛ lɛ diɛŋtsɛ etsɛ fɛɛ kɛ oblayoo kome lɛ nɔŋŋ naa bɔlɛ, ni amɛkɛbuleɔ migbɛi krɔŋkrɔŋ lɛ.

Amos 7:17

Amazia, bɔ ni Yehowa kɛɛ nɛ, ‘Oŋa baatsɔ̃ ajwamãŋ yɛ maŋ lɛ mli, ni obihii kɛ obiyei lɛ baanyɔnyɔɔ yɛ ta naa; abaaŋɔ oshikpɔŋ lɛ, ni abaaja ahã mɛi kpɔji. Bo diɛŋtsɛ lɛ maŋsɛɛ obaaya oyagbo yɛ, yɛ shikpɔŋ ko nɔ ni ajaaa Nyɔŋmɔ yɛ; ni Israelbii lɛ nom kɛ̃ aaaŋɔ amɛ kɛaaje amɛshikpɔŋ nɔ kɛaatee.’ ”

4 Mose 25:3

Ni Israelbii lɛ kɛ amɛhe yabɔ jemawɔŋ Peor lɛ he. No hewɔ lɛ, Yehowa mli wo la,

Yohane 8:43

Shi mɛɛ hewɔ nyɛnaaa miwiemɔ naa lɛ? Ejɛ miwiemɔ toi ni nyɛbooo lɛ.

Romabii 3:11

nilelɔ ko bɛ, mɔ ko mɔ ko bɛ ni taoɔ Nyɔŋmɔ sɛɛgbɛ.

1 Korintobii 6:16

Aloo nyɛleee akɛ mɔ ni kɛ ehe yabɔɔ ajwamãŋ he lɛ, ekɛ lɛ feɔ gbɔmɔtso kome? Ejaakɛ Nyɔŋmɔ kɛɛ akɛ, “Amɛyi enyɔ lɛ fɛɛ amɛaatsɔ̃ heloo kome.”

Efesobii 4:18

ejaakɛ amɛjwɛŋmɔ mli ewo duŋ. Ni mɛi kpɔ̃ji ji amɛ yɛ Nyɔŋmɔ wala gbɛfaŋ, akɛni nilee ekaaa amɛ ni amɛtsui hu ekpliŋ lɛ.

5 Mose 23:17

“Israel fɔmɔbi, nuu ni jio, yoo ni jio, akafee ehe jamɔhe lɛ mli ajwamãŋbɔlɔ.

Hebribii 12:8

Kɛji nyɛnaaa tsɔsemɔ ni mɛi fɛɛ naa lɛ eko lɛ, no lɛ ajwamãŋbii ji nyɛ, shi jeee kpeemɔ yoo bii.