Hosea 4:13 - ŊMALƐ KRƆŊKRƆŊ LƐ

¹³ Amɛshã afɔlei yɛ gɔji lɛ ayiteiaŋ, ni amɛshã tsofakɛŋma yɛ gɔ̃ŋkpɔi lɛ anɔ; amɛshã yɛ odum kɛ onyai kɛ papao tsei ashishi, ejaakɛ tsei lɛ ahɔ̃ɔŋ lɛ mli hi. “Enɛ hewɔ ni nyɛbiyei lɛ bɔɔ ajwamãŋ, ni nyɛbihii aŋamɛi lɛ fiteɔ gbãlã lɛ.

Ṅmãle̱ Kroṅkroṅ Le̱

¹³ *Gõdši le̱ ayiteaṅ ame̱šãa afo̱le ye, ni goṅkpo̱i le̱ ano̱ ame̱šãa tšofa-ke̱-ṅma ye̱, ye̱ odum ke̱ onyãi ke̱ papao šiši, edšake̱ ame̱šišihō̃ṅ le̱ hĩ, hewo̱ le̱ nyebiyei le̱ bo̱ö̱ adſamaṅ, ni nyebihĩĩ aṅãmei le̱ fiteo̱ gblã. *Ezek. 6,13.

Hosea 4:13 ပူးပေါင်းရင်းမြစ်များ

2 Maŋtsɛmɛi 17:7

Samaria gbee shi, ejaakɛ Israelbii lɛ fee esha shi Yehowa, amɛNyɔŋmɔ, mɔ ni kpɔ̃ amɛ kɛjɛ Farao, Ijipt maŋtsɛ lɛ dɛŋ, ni ejie amɛ kɛjɛ Ijipt shikpɔŋ lɛ nɔ lɛ. Ejaakɛ amɛyaja nyɔŋmɔi krokomɛi moŋ.

2 Maŋtsɛmɛi 23:7

Ni ekumɔ hii ni kɛ amɛhe ehã ajwamãŋbɔɔ lɛ atsui ni yɔɔ Yehowa we lɛ eshwie shi. Jɛi ji he ni yei lɛ loɔ atadei ni akɛjaa Ashera lɛ.

Yesaia 1:29

Ebaafee nyɛ hiɛgbele akɛ nyɛja tsei wuji; asaŋ nyɛhiɛ aaashwie shi akɛ nyɛfeefee tromi komɛi,

Yesaia 57:5

Nyɛkɛ heloo akɔnɔ fɔŋ feɔ yakayakanii yɛ tso fɛɛ tso ni ebu kusuu shishi. Nyɛgbeɔ nyɛmusuŋbii nyɛkɛshãa afɔle yɛ jɔi amli kɛ tɛsaa fɔji amli.

Yesaia 57:7

Nyɛyaa gɔji ni kwɔlɔ somromoo lɛ anɔ nyɛyashãa afɔle, ni nyɛkɛ nyɛhe wɔɔ yɛ jɛi.

Yeremia 2:20

“Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

Yeremia 3:13

Kpɛlɛ̃mɔ otɔ̃mɔi lɛ anɔ kɛkɛ akɛ oyakpa shi yɛ heihei kɛnyiɛ maŋsɛɛ nyɔŋmɔi asɛɛ yɛ tso fɛɛ tso ni ebu kusuu shishi, ni asaŋ obooo mi toi. Mi, Yehowa, mikɛɛ.

Yeremia 3:6

Yehowa bi mi yɛ Maŋtsɛ Yosia yinɔ akɛ, “Bɛ ona nɔ ni Israel ni yeee anɔkwa lɛ fee lɛ? No ji bɔ ni etee gɔŋ fɛɛ gɔŋ ni kwɔ nɔ, kɛ tso fɛɛ tso ni ebu kusuu shishi eyabɔ ajwamãŋ yɛ jɛi lɛ?

Yeremia 44:8

Mɛɛba nyɛkɛ nyɛninenaa nitsumɔi woɔ mimli la? Nyɛshãa tsofakɛŋma nyɛhãa nyɔŋmɔi krokomɛi yɛ Ijipt shikpɔŋ nɔ he ni nyɛba nyɛbato gbɔ yɛ lɛ ni nyɛhiɛ akpãtã bɔ ni afee ni jeŋ majimaji lɛ abɔ nyɛ ahora, ni atsɛ nyɛ gbɛi akɛlomɔ lo?

Ezekiel 16:16

Okɛ bo diɛŋtsɛ otadei lɛ ekomɛi wulaa ohei krɔŋkrɔŋi lɛ, ni obɔɔ ajwamãŋ yɛ amɛnɔ, nɔ ni afeko eko dã, ni asaŋ afeŋ nakai nɔ ko hu.

Ezekiel 16:25

Omamɔ otutui wuji lɛ yɛ ŋmaŋmasha fɛɛ ŋmaŋmasha nɔ, ni okɛ mɔ fɛɛ mɔ ni hoɔ kɛkɛ wɔɔ shii abɔ.

Ezekiel 6:13

Ni nyɛaana nyɛle mi, akɛ mi ji Yehowa, be ni nyɛ mɛi ni enyɔnyɔɔ lɛ jwere nyɛwɔji lɛ ateŋ yɛ amɛfɔleshãa latɛi lɛ ahe fɛɛ kɛkpe; ekomɛi aaajwere gɔŋkpɔ fɛɛ gɔŋkpɔ ni kwɔ nɔ, kɛ gɔji fɛɛ ayiteiaŋ hu, kɛ tso fɛɛ tso ni ebu kusuu shishi, kɛ blɔfo oduŋ tso fɛɛ blɔfo oduŋ tso kusuu shishi; he fɛɛ he ni amɛshãa tsofakɛŋma amɛhãa amɛwɔji lɛ fɛɛ yɛ lɛ mɛi aaajwere jɛi.

Hosea 10:8

Betel gɔji lɛ ayiteiaŋ hei ni Israelbii lɛ jaa amãgãi yɛ ni amɛkɛgbo toi lɛ, aaakpãtã fɛɛ hiɛ. Ŋmei kɛ aŋlɛŋlɛi baakwɛ̃ yɛ afɔleshãa latɛi lɛ anɔ yɛ jɛi. Gbɔmɛi nɛɛ baabolɔ amɛkɛɛ gɔji lɛ akɛ, “Nyɛhaa wɔnɔ!” Ni amɛaakɛɛ gɔ̃ŋkpɔi lɛ hu akɛ, “Nyɛbashwiea wɔnɔ!”

Hosea 11:2

Shi shii abɔ ni mitsɛɔ lɛ lɛ, shii abɔ ni eyaa sɛɛsɛɛ moŋ eshiɔ mi ji no; ni amɛyaa nɔ amɛshãa afɔlei amɛhãa Baal, ni amɛshãa tsofakɛŋma amɛhãa amãgãi.

Hosea 2:13

Magbala etoi yɛ tsofakɛŋma ni etee eyashã ehã Baal jemawɔji yɛ amɛgbii juji lɛ anɔ lɛ hewɔ. Ewula kɛ jwinei kɛtee eyanyiɛ eshieŋtsɛmɛi lɛ asɛɛ, ni ehiɛ kpa minɔ.” Nɔ ni Yehowa kɛɔ nɛ.

Amos 7:17

Amazia, bɔ ni Yehowa kɛɛ nɛ, ‘Oŋa baatsɔ̃ ajwamãŋ yɛ maŋ lɛ mli, ni obihii kɛ obiyei lɛ baanyɔnyɔɔ yɛ ta naa; abaaŋɔ oshikpɔŋ lɛ, ni abaaja ahã mɛi kpɔji. Bo diɛŋtsɛ lɛ maŋsɛɛ obaaya oyagbo yɛ, yɛ shikpɔŋ ko nɔ ni ajaaa Nyɔŋmɔ yɛ; ni Israelbii lɛ nom kɛ̃ aaaŋɔ amɛ kɛaaje amɛshikpɔŋ nɔ kɛaatee.’ ”