Hosea 4:12 - ŊMALƐ KRƆŊKRƆŊ LƐ

¹² Mimɛi biɔ tso akɛ egba, ni amɛdɛ̃hiɛmɔtso lɛ gbaa amɛ teemɔŋ saji, ejaakɛ ajwamãŋbɔɔ mumɔ ehã amɛkwa amɛNyɔŋmɔ lɛ; ni amɛdu gbɛ, amɛtee wɔji aŋɔɔ.

Ṅmãle̱ Kroṅkroṅ Le̱

¹² Mimaṅ le̱, *ame̱tšo ṅõ ame̱bio̱ nii ye̱, ni ame̱dēhĩemo̱tšo le̱ dšadšeo̱ sãdši tšõo̱ame̱; edšake̱ †adſamaṅbō̱ mumo̱ le̱ ehã ame̱dũ gbe̱, ni ame̱dše ame̱-Nyoṅmo̱ le̱ se̱ ame̱yabo̱ adſamaṅ. *Ier. 3,27. †5,4.

Hosea 4:12 ပူးပေါင်းရင်းမြစ်များ

2 Maŋtsɛmɛi 17:7

Samaria gbee shi, ejaakɛ Israelbii lɛ fee esha shi Yehowa, amɛNyɔŋmɔ, mɔ ni kpɔ̃ amɛ kɛjɛ Farao, Ijipt maŋtsɛ lɛ dɛŋ, ni ejie amɛ kɛjɛ Ijipt shikpɔŋ lɛ nɔ lɛ. Ejaakɛ amɛyaja nyɔŋmɔi krokomɛi moŋ.

2 Kronika 21:13

Moŋ okɔ Israel maŋtsɛmɛi lɛ ajeŋba lɛ, ni okɛhã Yuda kɛ Yerusalɛmbii lɛ miija jemawɔji tamɔ Ahab kɛ eshwiei fee ni Israel shi Yehowa sɛɛ kɛyaja jemawɔji lɛ. Asaŋ onyɛmimɛihii ni ji otsɛ bii lɛ hu ogbe amɛ; ni amɛhi fe bo.

Lalai 106:39

Amɛkɛ amɛnifeemɔnii lɛ wo amɛhe muji, ni amɛyeee Nyɔŋmɔ anɔkwa.

Lalai 73:27

ejaakɛ mɛi ni ekwa bo lɛ, ahiɛ aaakpãtã. Okpãtãa mɛi ni yeee bo anɔkwa lɛ ahiɛ.

Yeremia 10:8

Buului kɛ kwashiai sɔŋŋ ji amɛ; yakanii amɛkaseɔ lɛ, ejaakɛ tso amãgã dɛŋnii amɛkaseɔ lɛ.

Yeremia 2:27

mɛi ni kɛɔ tso akɛ, ‘Mitsɛ ji bo’ kɛ mɛi hu ni kɛɔ tɛ akɛ, ‘Bo ofɔ mi’ lɛ, amɛ fɛɛ amɛhiɛ baagbo, ejaakɛ amɛtsɔ̃ amɛsɛɛ, shi jeee amɛhiɛ amɛhã mi. Shi amɛfimɔ be mli lɛ amɛkɛɔ akɛ, ‘Tee shi, ni ohere wɔyiwala.’

Yeremia 23:13

Mina esha ni Samaria gbalɔi lɛ fee lɛ; amɛtsɔ̃ Baal nɔ amɛgba, ni amɛhã mimaŋ Israel du gbɛ.

Ezekiel 20:32

Nɔ ni nyɛsusuɔ ni nyɛkɛɔ akɛ, wɔɔtamɔ jeŋmaji kɛ shikpɔji anɔ wekui lɛ, ni wɔsɔmɔ tso kɛ tɛ lɛ, ebaŋ mli kɔkɔɔkɔ.”

Ezekiel 21:21

Ejaakɛ Babilon maŋtsɛ lɛ damɔ gbɛnta lɛ naa, yɛ he ni gbɛi enyɔ lɛ gbaa akloŋta yɛ lɛ. Ebaahoso gãimlibii kɛkla ni eeebi emãgãi lɛ anii, ni eeekwɛ afɔle kooloo ni agbe lɛ mlɛbo mli fitsofitso.

Hosea 14:3

Asiria nyɛŋ wɔyiwala ahere gbi ko gbi ko; ni tayaa okpɔŋɔi hu nyɛŋ afã wɔhe. Asaŋ amãgã ni wɔkɛ wɔniji fee lɛ wɔtsɛŋ lɛ wɔNyɔŋmɔ dɔŋŋ. Yehowa, bo lɛ omusuŋ tsɔ̃ɔ bo yɛ awusãi ahe.”

Hosea 5:4

“Amɛnifeemɔnii hewɔ lɛ amɛnyɛɛɛ amɛsɛɛ amɛku kɛba amɛNyɔŋmɔ lɛ ŋɔɔ, ejaakɛ ajwamãŋbɔɔ mumɔ ebote amɛmli, ni no hewɔ lɛ, amɛleee mi, Yehowa dɔŋŋ.

Hosea 6:10

Mina gbeyei nii ko yɛ Israel: Efraim kɛ amãgãjamɔ miibɔ ajwamãŋ yɛ jɛi; abule Israel.

Hosea 9:1

Israel, omli akafili bo, ni kaanya tamɔ wɔŋjalɔi lɛ. Ejaakɛ bo lɛ oje oNyɔŋmɔ lɛ sɛɛ, ni oyeee lɛ anɔkwa. Ohɔ̃ɔ ohe tamɔ ajwamãŋ yɛ he fɛɛ he ohã jemawɔŋ Baal lɛ, ejaakɛ osusuɔ akɛ no hãa anaa abele lɛ.

3 Mose 17:7

Israelbii lɛ akafee amɛhe mɛi ni yeee Yehowa anɔkwa ni amɛshãa afɔlei amɛhãa wɔji ni amɛnyiɛɔ amɛsɛɛ. Enɛ atsɔ̃ akpɔ ni yɔɔ ni kã shi hã amɛ kɛ yinɔi fɛɛ ni baaba yɛ amɛsɛɛ kɛmiiya naanɔ.

3 Mose 20:5

mi lɛ majie mihiɛ maka lɛ kɛ eweku fɛɛ, kɛ mɛi fɛɛ ni nyiɛ esɛɛ ni amɛyeee mi anɔkwa, shi amɛjaa Molek lɛ. Mibuŋ amɛ mishiŋ miwebii anɔ.

Mika 2:11

“Gbalɔ ni maŋ nɛɛ sumɔɔ ji gbalɔ ni nyiɛɔ ni ewieɔ fuu ni emaleɔ ni ekɛɔ akɛ, ‘Wain kɛ dãa ni wa baabu ahã nyɛ.’

Habakuk 2:19

Kpoo hã bo mɔ ni okɛɔ tso akɛ, “Ohiɛ atsɛ̃!” Ni okɛɔ tɛ mumui hu akɛ, “Tee shi!” Ani amãgã baanyɛ ejie ninaa atsɔ̃ɔ bo? Naa, akɛ shika kɛ jwiɛtɛi baaha ehe nɛ, shi moŋ wala kome nɛkɛ bɛ emli.

4 Mose 15:39

Ahwanyai nɛɛ atsɔ̃ kaimɔnii; ni be fɛɛ be ni hiŋmɛi aaagba nɔ lɛ ehã nyɛkai Yehowa kitãi lɛ fɛɛ koni nyɛye nɔ, bɔ ni afee ni nyɛkanyiɛ nyɛtsui kɛ nyɛhiŋmɛi akɔnɔ nibii lɛ asɛɛ, nibii asɛɛ ni nyɛyadiɔ ni nyɛkɛkwaa Yehowa lɛ.

5 Mose 31:16

Kɛkɛ ni Yehowa kɛɛ Mose akɛ, “Naa, eshwɛ fioo ni obaagbo, ni ogbele sɛɛ lɛ maŋ nɛɛ baakwa mi, ni amɛbaaja nyɔŋmɔi krokomɛi ni amɛyaanina yɛ shikpɔŋ ni amɛyaa nɔ lɛ nɔ lɛ. Amɛbaakwa mi, ni amɛaaku kpãŋmɔ ni mi kɛ amɛ ekpãŋ lɛ mli.

Kojolɔi 18:5

Amɛkɛɛ lɛ akɛ, “Ofainɛ, ni obi Nyɔŋmɔ ohã wɔ bɔ ni afee ni wɔle akɛ wɔgbɛ ni wɔnyiɛ nɛɛ aaafee omanye lo?”