Hosea 4:1 - ŊMALƐ KRƆŊKRƆŊ LƐ

¹ Nyɛ Israelbii, nyɛboa nɔ ni Yehowa kɛɔ toi, ejaakɛ Yehowa kɛ shikpɔŋ lɛ nɔ bii lɛ ena. “Anɔkwayeli kɛ mɔbɔnalɛ etã yɛ shikpɔŋ lɛ nɔ; ni aleee Nyɔŋmɔ hu yɛ shikpɔŋ lɛ nɔ.

Ṅmãle̱ Kroṅkroṅ Le̱

¹ Nyeboa Iehowa wiemo̱ le̱ toí, nye Israelbii! Ši Iehowa ke̱ šikpoṅ le̱ no̱ bii le̱ ená, edšake̱ ano̱kwale ke̱ mobonale̱ ke̱ Nyoṅmo̱ he nilē be̱ šikpoṅ le̱ no.

Hosea 4:1 ပူးပေါင်းရင်းမြစ်များ

1 Maŋtsɛmɛi 22:19

Mikaia tee nɔ ekɛɛ, “Agbɛnɛ bo Yehowa naa wiemɔ toi! Mina Yehowa ta emaŋtsɛ sɛ̃i lɛ nɔ yɛ ŋwɛi, ni ebɔfoi asafo lɛ fɛɛ damɔ emasɛi yɛ eninejurɔ nɔ kɛ ebɛku nɔ.

Lalai 81:9

Nyɔŋmɔ kroko ko kwraa akahi nyɛteŋ; nyɛkajaa maŋsɛɛ nyɔŋmɔ ko kwraa.

Yesaia 1:10

Nyɛ Sodom maŋnɔyelɔi, nyɛboa Yehowa wiemɔ toi; ni nyɛ Gomorabii, nyɛboa nɔ ni wɔNyɔŋmɔ lɛ yɔɔ nyɛ tsɔ̃ɔmɔ toi.

Yesaia 1:18

Yehowa kɛɛ akɛ, “Nyɛbaa agbɛnɛ; nyɛhãa wɔtaoa naa. Kɛji nyɛhe eshai lɛ tsuɔ tamɔ lá tete po, amɛbaayɛ futaa tamɔ snoo; ni kɛji amɛtsuɔ fɔɔ tamɔ kɔɔjaŋ po, amɛbaatsɔ̃ tamɔ too he tsɔ̃i yɛŋ.

Yesaia 28:14

No hewɔ lɛ, nyɛhefɛoyelɔi ni yeɔ Yerusalɛm maŋbii anɔ, nyɛboa nɔ ni Yehowa kɛɔ toi!

Yesaia 34:1

Ao nyɛ majimaji, nyɛtsia nyɛbɛŋkɛa koni nyɛbaboa toi. Nyɛ shikpɔŋ lɛ nɔ bii, nyɛboa toi. Hã jeŋ muu lɛ kɛ emli nibii fɛɛ, je lɛ kɛ nii fɛɛ ni kwɛ̃ɔ yɛ mli afee toi.

Yesaia 34:8

Ejaakɛ Yehowa oweletɔɔ be lɛ ni, be ni ebaaye Zion sane lɛ ehã lɛ koni eto lɛ najiaŋ pɛpɛɛpɛ lɛ.

Yesaia 5:3

No hewɔ lɛ, nɔ ni mishieŋtsɛ lɛ kɛɔ nɛ, “Agbɛnɛ nyɛ Yerusalɛmbii kɛ nyɛ Yudabii, nyɛ fai nɛ, nyɛkojoa mi kɛ miwaintrom lɛ teŋ.

Yesaia 59:4

Mɛi ni asane ejaaa lɛ moŋ ji mɛi ni samaa mɛi, ni mɔ ni sane bɛŋ moŋ ni kɛ sane yaa kojomɔ sɛi hiɛ; ejaakɛ amɛkɛ amɛhiɛ fɔ̃ɔ amale naajiemɔi anɔ, ni amɛtoɔ abla; amɛtoɔ yiŋ sha, ni no kɛ nɔshafeemɔ baa.

Yesaia 59:8

Toiŋjɔlɛ ni ji toiŋjɔlɛ lɛ amɛleee eko, ni jalɛ saneyeli bɛ he ni amɛyɔɔ. Amɛkɔ̃dɔkɔdɔ̃ɔ amɛgbɛi, ni mɔ ni tsɔ̃ɔ nakai gbɛi lɛ anɔ lɛ he ejɔɔɔ lɛ kɔkɔɔkɔ.

Yesaia 66:5

Nyɛboa Yehowa wiemɔ lɛ toi, nyɛ mɛi ni nyɛhe kpokpoɔ yɛ ewiemɔ lɛ naa lɛ. “Nyɛnyɛmimɛi ni miihi nyɛ, ni amɛkwa nyɛ yɛ migbɛi lɛ hewɔ lɛ, yeɔ nyɛ he fɛo amɛkɛɔ akɛ, ‘Nyɛwoa Yehowa hiɛ nyam akɛ ehere nyɛ, koni wɔna nyamɔ ni nyɛaanya lɛ.’ Shi amɛ moŋ ji mɛi ni amɛhiɛ aaagboi.

Yeremia 11:7

Ejaakɛ mikpã miwo nyɛtsɛmɛi lɛ atoiŋ gbi nɔ ni mijie amɛ kɛje Ijipt shikpɔŋ lɛ nɔ lɛ, ni mikã he miikpã miiwo amɛtoiŋ lolo kɛbashi ŋmɛnɛ gbi nɛɛ akɛ, nyɛboa migbee toi.

Yeremia 19:3

Kɛɛmɔ amɛ akɛ, ‘Nyɛ Yuda maŋtsɛmɛi kɛ Yerusalɛm maŋbii, nyɛboa nɔ ni Yehowa kɛɛ toi. Mi Yehowa Taiatsɛ, Israel Nyɔŋmɔ lɛ, miikɛɛ akɛ, mibahã sane fɔŋ aye maŋ nɛɛ bɔ ni mɔ fɛɛ mɔ ni baanu nɔ ni ba lɛ he baajɔ̃ ehe.

Yeremia 2:4

Nyɛ Yakob shwiei, nyɛ Israel akutseiaŋ wekui, nyɛboa Yehowa wiemɔ toi.

Yeremia 2:9

“Enɛɛmɛi ahewɔ lɛ mi, Yehowa, mikɛ nyɛ yɛ nɔ ko ni mikɛɔ, ni mikɛ nyɛbii abii hu baatao naa.

Yeremia 25:31

Ehũumɔ lɛ aaajije kɛaashɛ shikpɔŋ lɛ naagbeehei fɛɛ; ejaakɛ Yehowa yɛ sane ni ekɛbaashi majimaji lɛ. Ekɛ heloo fɛɛ baakojo, ni eeehã mɛi fɔ̃ji anyɔnyɔi yɛ klante naa. Yehowa kɛɛ.’ ”

Yeremia 34:4

Shi kɛ̃lɛ, bo Yuda Maŋtsɛ Zedekia, bo nɔ ni Yehowa kɛɔ yɛ bo tuuŋtu ohe toi. Ogboŋ yɛ klante naa.

Yeremia 4:22

Ejaakɛ kwashiai ji miwebii lɛ, amɛleee nii; bii kwashiai ji amɛ, amɛbɛ jwɛŋmɔ. Amɛhe esa kɛ efɔŋfeemɔ shi ekpakpafeemɔ ebɔ amɛ.

Yeremia 4:28

Ejaakɛ shikpɔŋ lɛ baaye ŋkɔmɔ, ni ŋwɛi baadi tũu, ejaakɛ mi, mina mikɛɛ, ni mito miyiŋ momo. Mishwaŋ mihe, ni mikpaleŋ miyiŋtoo lɛ hu.

Yeremia 5:4

Kɛkɛ ni mikɛɛ akɛ, “Gbɔmɛi ni bɛ gbɛi nɛ: no hewɔ lɛ, amɛleee nii; ejaakɛ amɛleee bɔ ni Yehowa taoɔ akɛ gbɔmɔ aba ejeŋ ehã; amɛleee amɛNyɔŋmɔ lɛ mla lɛ.

Yeremia 51:5

Ejaakɛ Israelbii lɛ kɛ Yudabii lɛ aNyɔŋmɔ lɛ, ni ji Yehowa Taiatsɛ lɛ, ekwako amɛ; shi Babilonbii lɛ, amɛ lɛ amɛshikpɔŋ lɛ nɔ eyi tɔ kɛ nifɔɔjianii babaoo ni amɛkɛtɔ̃ Israel Mɔ Krɔŋkrɔŋ lɛ nɔ.

Yeremia 6:13

Ejaakɛ kɛjɛ amɛteŋ mɔ bibioo nɔ kɛyashi mɔ wulu nɔ lɛ, mɔ fɛɛ mɔ miishishiu mɛi koni ekɛna nii; ni kɛjɛ gbalɔ nɔ kɛyashi osɔfo nɔ lɛ, mɔ fɛɛ mɔ shihilɛ mli lɛ kutumpɔo sɔŋŋ ni.

Yeremia 7:28

No hewɔ lɛ, kɛɛmɔ amɛ akɛ, ‘Nyɛtsɔ̃ nyɛhe maŋ ni booo Yehowa, nyɛNyɔŋmɔ lɛ toi, ni nyɛkpɛlɛ̃ɛɛ tsɔsemɔ. Anɔkwale egbo yɛ nyɛteŋ, atsiii tã dɔŋŋ po.’ ”

Yeremia 9:20

Kɛkɛ ni mikɛɛ akɛ, “Awomɛi nyɛboa nɔ ni Yehowa kɛɔ toi, ni nyɛhãa ewiemɔ lɛ abotea nyɛtoiiaŋ. Nyɛtsɔ̃a nyɛbiyei lɛ yarawoo, ni mɔ fɛɛ mɔ atsɔ̃ɔ enaanyo yaafo lala.

Yeremia 9:3

Amɛlilɛi edɔrɔ tamɔ gãitso; amale ehe shi waa yɛ shikpɔŋ lɛ nɔ fe anɔkwayeli moŋ. “Amɛjɛɔ nɔ fɔŋ kome he kɛyaa ekroko he, ni amɛleee mi po.” Yehowa kɛɛ.

Yeremia 9:7

No hewɔ lɛ, bɔ ni Yehowa, Taiatsɛ lɛ, kɛɔ nɛ, “Naa, matsuu amɛhe koni maka amɛ yɛ la mli makwɛ, ejaakɛ mɛni dɔŋŋ manyɛ mafee yɛ miwebii nɛɛ ahewɔ?

Ezekiel 16:35

Enɛ hewɔ lɛ, bo ajwamãŋ, bo nɔ ni Yehowa kɛɔ toi.

Hosea 12:2

“No hewɔ lɛ, Yehowa kɛ Yudabii lɛ yɛ sane. Ebaawo Israelbii nyɔmɔ yɛ amɛjeŋba naa; eeegbala amɛtoi yɛ amɛnifeemɔnii anaa.

Hosea 12:3

Amɛtsɛ Yakob lɛ ekɛ enyɛmi lɛ na be ni ekɛ lɛ fɛɛ yɔɔ musuŋ; ni be ni eda lɛ Yakob kɛ Nyɔŋmɔ nɔ hu.

Hosea 5:1

“Nyɛ Osɔfoi, nyɛboa sane nɛɛ toi! Nyɛ Israelbii, nyɛkaa toi! Nyɛ maŋtsɛ we lɛ mli bii, nyɛfea toi, shi naa, abaakojo nyɛ fɛɛ, ejaakɛ nyɛfee nyɛhe tamɔ akpa ni atsɔ̃ yɛ Mizpa, kɛ yaa ni akɛlɛɛ shi yɛ Tabor Gɔŋ lɛ nɔ.

Hosea 5:4

“Amɛnifeemɔnii hewɔ lɛ amɛnyɛɛɛ amɛsɛɛ amɛku kɛba amɛNyɔŋmɔ lɛ ŋɔɔ, ejaakɛ ajwamãŋbɔɔ mumɔ ebote amɛmli, ni no hewɔ lɛ, amɛleee mi, Yehowa dɔŋŋ.

Yoel 1:2

Nyɛ mɛi ni nyɛdara, nyɛboa toi, nyɛ Yuda shikpɔŋ lɛ nɔ bii fɛɛ, nyɛfea toi. Nɔ ni eba nɛɛ, ani eko eba dã yɛ nyɛyinɔ, loo yɛ nyɛtsɛmɛi ayinɔ tete?

Amos 3:1

Israelbii, nyɛboa nɛkɛ wiemɔ nɛɛ ni Yehowa wie yɛ nyɛhe lɛ toi, nyɛ ni nyɛ ji jaku muu ni eyajie kɛjɛ Ijipt shikpɔŋ lɛ nɔ kɛba lɛ,

Amos 7:16

No hewɔ lɛ, agbɛnɛ, bo nɔ ni Yehowa kɛɔ toi ejaakɛ okɛɛ mikagba mishi Israel lɛ, ni mikashiɛ mishi Isak we lɛ.

Mika 6:2

“Nyɛ gɔji, nyɛ shikpɔŋ lɛ shishitoo ni yɔɔ daa, nyɛboa Yehowa sane lɛ toi! Yehowa kɛ emaŋ Israel ena; ekɛ sane ni eyɔɔ yɛ amɛhe lɛ baashi lɛ.”

Yohane 8:55

ni nyɛleko lɛ, shi mi lɛ mile lɛ; ni kɛji mikɛɛ akɛ mileee lɛ lɛ, matsɔ̃ amalelɔ tamɔ nyɛ; shi mile lɛ, ni miyeɔ ewiemɔ nɔ.

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

1 Korintobii 15:34

Nyɛhãa nyɛhiɛ akãa shi jogbaŋŋ, ni nyɛkafea esha; ejaakɛ nyɛteŋ mɛi komɛi leee nɔ ko nɔ ko yɛ Nyɔŋmɔ he. Miikɛɛ enɛ ni mikɛwo nyɛ hiɛgbele.

Kpojiemɔ 2:11

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ. Kunimyelɔ lɛ, gbele ni ji enyɔ lɛ efeŋ lɛ efɔŋ ko.’ ”

Kpojiemɔ 2:29

Mɔ ni yɔɔ toi ni akɛnuɔ nii lɛ, enu nɔ ni Mumɔ lɛ kɛɔ asafoi lɛ.”