Hosea 3:5 - ŊMALƐ KRƆŊKRƆŊ LƐ

⁵ Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Ṅmãle̱ Kroṅkroṅ Le̱

⁵ Ké̱ fe se̱ le̱ Israelbii le̱ aakũ ame̱se̱, ni ame̱abatao Iehowa, ame̱-Nyoṅmo̱ le̱, ke̱ *ame̱maṅtše̱ David le̱; ni ame̱ke̱ hekpokpomo̱ aaba Iehowa ke̱ enõkpakpafemo̱ le̱ ṅõ ye̱ nāgbē gbĩĩ le̱ amli. *Ier. 50,9. 21. 22. Ezek. 34,23. 24.

Hosea 3:5 ပူးပေါင်းရင်းမြစ်များ

1 Maŋtsɛmɛi 12:16

Be ni Israelbii lɛ na akɛ Maŋtsɛ Rehoboam eŋɔɔɔ onukpai lɛ aŋaawoo lɛ, maŋbii lɛ hã lɛ hetoo akɛ, “Ani wɔyeɔ David gboshinii ko lo? Wɔyeee Yishai bi David nii. Ataamɛi Israelbii, nyɛhãa wɔyaa wɔshĩai amli. Rehoboam, agbɛnɛ kwɛ bo diɛŋtsɛ owe nɔ!” Hewɔ lɛ Israelbii lɛ yiŋ kɛtee amɛshĩai amli.

Yesaia 17:7

Nakai gbi lɛ mɛi ahiɛ baasɔ amɛ-Bɔlɔ lɛ; ni amɛbaakwɛ Israel Mɔ Krɔŋkrɔŋ lɛ dɛŋ yelikɛbuamɔ gbɛ.

Yesaia 2:2

Ebaaba mli akɛ naagbee mli lɛ, gɔŋ lɛ ni Yehowa Sɔlemɔ we lɛ ma nɔ lɛ baatsɔ̃ gɔŋ ni kwɔ fe gɔji fɛɛ. Abaawo enɔ fe gɔji lɛ fɛɛ, ni aaajɛ jeŋjeŋ fɛɛ aba jɛi.

Yesaia 2:3

Ni mɛi babaoo baakɛɛkɛɛ amɛhe akɛ, “Nyɛbaa, nyɛhãa wɔyaa Yehowa gɔŋ lɛ nɔ, ni wɔyaa Yakob Nyɔŋmɔ lɛ We lɛ, koni etsɔ̃ɔ wɔ bɔ ni etaoɔ akɛ wɔhi shi wɔhã, koni wɔba wɔjeŋ nakai, Ejaakɛ mla lɛ, Zion ebaajɛ, ni Yehowa wiemɔ lɛ, Yerusalɛm ebaajɛ.”

Yesaia 60:5

Nakai be lɛ ohiŋmɛi aaana; ooona miishɛɛ kɛteke nɔ, ni otsui aaatɔ, ni ooonya. Ejaakɛ akɛ jeŋmaji lɛ ajwetrii aaabahã bo; akɛ amɛjwetrii lɛ aaajɛ ŋshɔsɛɛ aaabahã bo.

Yesaia 9:13

Israelbii lɛ kpaleee amɛbaaa mɔ ni gbala amɛtoi lɛ ŋɔɔ lɛ, amɛtaooo Yehowa, Taiatsɛ lɛ, sɛɛgbɛ.

Yeremia 23:5

“Mi, Yehowa, miikɛɛ akɛ, naa be ko miiba ni matee maŋtsɛ jalɛ saneyelɔ ko shi ni jɛ David mli. Ebaaye maŋtsɛ yɛ nilee naa, ni ebaakojo jalɛ naa ni ebaaye jalɛ sane yɛ shikpɔŋ lɛ fɛɛ nɔ.

Yeremia 30:24

Yehowa mlifu ni naa wa lɛ sɛɛ efoŋ kɛyaashi beyinɔ ni nɔ ni eto eyiŋ akɛ ebaafee lɛ, ena efee kɛgbe naa. Wɔsɛɛ ko dani nyɛaanu sane nɛɛ shishi faŋŋ.

Yeremia 30:9

Shi moŋ amɛbaasɔ̃mɔ Yehowa, amɛNyɔŋmɔ lɛ kɛ David shwie ni mibato lɛ maŋtsɛ mibahã amɛ lɛ.

Yeremia 33:17

Ejaakɛ bɔ ni mi, Yehowa, mikɛɔ nɛ, ‘Nuu ni baata Israel maŋtsɛ sɛi lɛ nɔ lɛ ebɔŋ David kɔkɔɔkɔ.

Yeremia 33:9

Ni maŋ nɛɛ gbɛi baahã mimli afili mi, ni ebaatsɔ̃ miyijiemɔ kɛ mihiɛ nyam yɛ jeŋ maji fɛɛ ni aaanu ejuji fɛɛ ni mifee amɛ lɛ he lɛ ahiɛ. Amɛtsui baafã, ni amɛhe baakpokpo yɛ ejuji fɛɛ ni mifeɔ maŋ nɛɛ kɛ shweremɔ ni mihãa amɛshwereɔ lɛ hewɔ.”

Ezekiel 16:63

Oookai enɛ ni ohiɛ aaagbo, ni okatswa odaaŋ dɔŋŋ yɛ ohiɛgbele lɛ hewɔ, be ni mikɛ nifɔɔjianii ni ofee lɛ fɛɛ efa bo lɛ,” Yehowa kɛɛ.

Ezekiel 38:16

Ooote shi owo mimaŋ Israel; nyɛyifalɛ baaha shikpɔŋ lɛ nɔ. Kɛji gbi lɛ shɛ lɛ mahã otua mishikpɔŋ lɛ, ni bɔ ni mafee bo yɛ majimaji lɛ ahiɛ lɛ, baahã amɛle mi akɛ mɔ krɔŋkrɔŋ ji mi.

Ezekiel 38:8

Afii komɛi asɛɛ lɛ abaabua omɛi lɛ anaa. No sɛɛ lɛ, obaate shi oshi shikpɔŋ ni akpɔ̃ amɛ kɛjɛ ta mli kɛba lɛ, shikpɔŋ ni yɔɔ Israel gɔji lɛ anɔ ni kã shi efolo daa, he ni abua mɛi pii anaa kɛjɛ majimaji anɔ kɛba lɛ. Ajie emaŋbii lɛ kɛjɛ majimaji lɛ amli, ni agbɛnɛ amɛ fɛɛ tswɛm amɛfee shweshweeshwe.

Daniel 10:14

ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Hosea 1:11

No mli Yudabii kɛ Israelbii anaa aaabakpe shi kɛfee ekome, ni amɛaato mɔ koome akɛ amɛ fɛɛ amɛhiɛnyiɛlɔ, ni amɛaashwere yɛ shikpɔŋ lɛ nɔ ekoŋŋ, ejaakɛ Yezreel gbi lɛ gbi wulu ni.

Hosea 11:10

“Mimɛi lɛ baanyiɛ, mi Yehowa, misɛɛ; beyinɔ ni mabo tamɔ jata lɛ amɛaaba kɛ hekpokpomɔ. Amɛhe aaakpokpo kɛaajɛ anaigbɛ kɛba.

Hosea 5:15

“Mibagbala mihe shi mashi amɛ kɛyaashi amɛaakpɛlɛ̃ amɛtɔ̃mɔ nɔ, ni amɛaabatao misɛɛgbɛ. Ekolɛ fimɔ be lɛ mli lɛ amɛaatao mi.”

Hosea 5:6

Amɛkɛ amɛtoi kɛ amɛtsinai baaya ayashã afɔle kɛtao Yehowa sɛɛgbɛ, shi amɛnaŋ lɛ, ejaakɛ Yehowa egbala ehe shi eshi amɛ.

Hosea 6:1

Maŋbii lɛ aaakɛɛ akɛ, “Nyɛbaa koni wɔkpalea kɛyaa Yehowa ŋɔɔ. Akɛni lɛ etserɛ wɔmli lɛ, lɛ eeetsa wɔ; ni akɛni lɛ etswia wɔ nii lɛ, lɛ eeefi nɔ ehã wɔ.

Amos 9:11

Yehowa kɛɛ akɛ, “Be ko miiba, ni nakai gbi lɛ nɔ lɛ, mibatee David maŋtsɛyeli ni egbee shi lɛ shi mama shi ekoŋŋ. Mibatsimɔ fɔji ni eba maŋtsɛyeli lɛ mli lɛ, ni masaa matswa lɛ mama shi tamɔ eyɔɔ blema lɛ.

Mika 4:1

Wɔsɛɛ ko lɛ Sɔlemɔ We lɛ gɔŋ lɛ aaakwɔ fe gɔŋkpɔi lɛ fɛɛ, ni eeeta gɔŋkpɔi lɛ fɛɛ anɔ. Majimaji aaabu kɛaaba enɔ.

4 Mose 24:14

Balaam tee ewiemɔ lɛ nɔ, ni ekɛɛ Balak akɛ, “Mi lɛ miiya mimaŋ, shi dani mashwie nɔ lɛ, mibatswa bo adafi yɛ nɔ ni Israel maŋ nɛɛ baafee omaŋ lɛ wɔsɛɛ ko he.”

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

5 Mose 4:30

“Kɛji enɛɛmɛi fɛɛ eba nyɛnɔ, ni nyɛyɛ nɔnaa mli lɛ, nakai gbii lɛ amli nyɛaakpale kɛba Yehowa nyɛNyɔŋmɔ lɛ, ŋɔɔ, ni nyɛaabo lɛ toi,