Hosea 3:1 - ŊMALƐ KRƆŊKRƆŊ LƐ

¹ Yehowa kɛɛ mi akɛ, “Yaa ekoŋŋ ni oyasumɔ yoo ni ewu sumɔɔ lɛ, shi lɛ lɛ ekɛ nuu kroko miifite gbãlã. Osumɔ lɛ tamɔ bɔ ni mi, Yehowa, misumɔɔ mimɛi Israelbii lɛ; tsɛbelɛ amɛ lɛ, amɛkwa mi, ni amɛtee wɔji aŋɔɔ, ni amɛkɛ wain yibii yashãa afɔle amɛhãa amãgãi.”

Ṅmãle̱ Kroṅkroṅ Le̱

¹ Ni Iehowa kē̱mi ake̱: Ya ekoṅ ní oyasumo̱ yō ko ní ewù sumoo̱le̱, ši kẽ-le̱ gblãfitelo̱ dšile̱, take̱ boni Iehowa sumoo̱ Israelbii le̱, tše̱ ame̱ le̱ ame̱kpale ke̱-te nyoṅmo̱i krokomẽi aṅõ, ni ame̱sumoo̱ weinyibii atatalei le̱. 1,2.

Hosea 3:1 ပူးပေါင်းရင်းမြစ်များ

2 Samuel 6:19

ni eja maŋ lɛ fɛɛ, ni ji Israel asafo muu lɛ mli hii kɛ yei fɛɛ, niyenii. Ehã mɔ fɛɛ mɔ aboloo akwaabɔ kome kɛ loo kukuli kome kɛ wainyibii ni aka ni egbi akwaabɔ kome. Ni no sɛɛ lɛ maŋ lɛ fɛɛ gbɛ mli, ni mɔ fɛɛ mɔ tee ewe.

2 Maŋtsɛmɛi 13:23

Shi kɛ̃lɛ Yehowa musuŋ tsɔ̃ lɛ yɛ amɛhe, ni etse ehiɛ ehã amɛ yɛ ekpãŋmɔ ni ekɛ Abraham kɛ Yakob kɛ Isak ekpãŋ lɛ hewɔ, ni esumɔɔɔ akɛ ekpãtã amɛhiɛ, ejaakɛ ehiɛ kpako emaŋ Israel lɛ nɔ kɛbashi benɛ.

1 Kronika 16:3

Kɛkɛ ni eja Israelbii lɛ fɛɛ nii. Ehã nuu fɛɛ nuu kɛ yoo fɛɛ yoo aboloo akwaabɔ kome kɛ loo kukuli kome kɛ wainyibii ni aka ni egbi.

Nehemia 9:31

Shi kɛ̃lɛ omɔbɔnalɛ babaoo lɛ naa lɛ, oŋmɛɛɛ amɛhe, ni asaŋ okpãtãaa amɛhiɛ, ejaakɛ Nyɔŋmɔ ni musuŋ tsɔ̃ɔ lɛ ni enaa mɔbɔ ji bo.

Lalai 123:2

Naa, bɔ ni tsuji kɛ amɛhe fɔ̃ɔ amɛnuŋtsɔ nɔ, ni weyoo hu kɛ ehe fɔ̃ɔ ewula nɔ lɛ, nakai nɔŋŋ wɔ hu wɔkwɛɔ Yehowa, wɔNyɔŋmɔ lɛ, gbɛ kɛyaashi beyinɔ ni eeena wɔ mɔbɔ.

2 Mose 32:6

Enɔ jetsɛremɔ lɛ maŋbii lɛ te shi maŋkɛ mra, ni amɛshãshãa shãa afɔlei, ni amɛkɛ niyenii afɔlei hu ba, ni maŋ lɛ ho tara shi, ni amɛye nii, ni amɛnu nii hu, ni no sɛɛ lɛ amɛte shi amɛshwɛ.

Salomo Lalai 2:5

Kɛ wainyibii ni aka lɛ fã kɛ fã awaje mi; kɛ aduawai ajɔɔ mitsui he; ejaakɛ suɔmɔ ewo mi hela.

Yesaia 45:22

“Jeŋ gbɔmɛi fɛɛ, nyɛkua nyɛsɛɛ kɛbaa miŋɔɔ, koni ahere nyɛyiwala. Ejaakɛ mi pɛ ji Nyɔŋmɔ, ni kɛjɛ misɛɛ lɛ mɔ ko bɛ dɔŋŋ.

Yeremia 3:20

shi bɔ ni yoo ni yeee ewu anɔkwa jeɔ ewu sɛɛ lɛ, Ao! Israel, nakai oyeko mi anɔkwa. Mi, Yehowa, mikɛɛ.”

Yeremia 31:20

Israel ji mibinuu kpakpa lɛ. Lɛ ji misuɔmɔ bi lɛ. Shii abɔ fɛɛ ni miwieɔ mishiɔ lɛ lɛ, mikaiɔ lɛ kɛ̃ kɛ dɔlɛ. No hewɔ lɛ, mitsui shweɔ lɛ. Bɔ fɛɛ bɔ ni fee lɛ mana lɛ mɔbɔ. Mi, Yehowa, mikɛɛ.

Hosea 11:8

“Ao Israel, te mafee tɛŋŋ maŋmɛɛ ohe hu? Te mafee tɛŋŋ makwa bo hu? Aso manyɛ ohiɛ makpãtã tamɔ bɔ ni mifee Adma lɛ; aloo tamɔ bɔ ni mikɛ Zeboim ye lɛ? Mitsui miitswa yɛ mimli, ni mimusuŋ miitsɔ̃ mi yɛ ohe.

Hosea 2:5

Ejaakɛ amɛnyɛ bɔ ajwamãŋ; efee hiɛgbejianii kɛna amɛ musu. Ekɛɛ ehe akɛ, ‘Hã maya mayatiu mishieŋtsɛmɛi lɛ; amɛ amɛhãa mi niyenii kɛ nu kɛ mikuntu kɛ klala lɛ kɛ mimu kɛ dãa.’

Hosea 4:11

Yehowa kɛɛ akɛ, “Wain momo kɛ wain hee fɛɛ hãa nilee ŋmɛɔ mɔ.

Hosea 7:5

Gbi nɔ ni maŋtsɛ lɛ ye egbi jurɔ lɛ, lumɛi lɛ kɛ dãatɔɔ wo amɛ nɔŋŋ amɛhe hela. Maŋtsɛ ta fɛoyelɔi tete po adɛ̃.

Amos 2:8

Amɛkãmɔɔ atadei ni akɛbato amɛ awaba anɔ yɛ afɔleshãa latɛ fɛɛ afɔleshãa latɛ naa, ni amɛnuɔ wain ni ahe yɛ mɛi ni abu amɛ fɔ adɛŋ yɛ amɛNyɔŋmɔ lɛ Sɔlemɔ we lɛ.

Amos 6:6

Mɛi ni kɛ kpuji wuji nuɔ wain, ni mu ni hi fe fɛɛ amɛkpaa, shi Israel hiɛkpãtãmɔ lɛ edɔɔɔ amɛ kwraa lɛ.

Mika 7:7

Shi mi lɛ, makwɛ Yehowa gbɛ; mamɛ miyiwalaheremɔ Nyɔŋmɔ lɛ; ni miNyɔŋmɔ lɛ aaabo mi toi.

Zakaria 1:16

No hewɔ lɛ, mikɛ musuŋtsɔlɛ eku misɛɛ kɛba Yerusalɛm; aaama miwe lɛ yɛ emli, ni aaatswa Yerusalɛm ama shi ekoŋŋ.”

Mateo 26:50

Shi Yesu bi lɛ akɛ, “Naanyo, mɛni feemɔ oba yɛ biɛ?” Kɛkɛ ni mɛi lɛ batua Yesu ni amɛmɔ lɛ.

1 Korintobii 10:21

Nyɛnyɛŋ Nuŋtsɔ lɛ kpulu lɛ kɛ mumɔi fɔ̃ji akpulu fɛɛ nyɛnu shi kome; nyɛnyɛŋ Nuŋtsɔ lɛ okplɔ̃ lɛ nɔ nii kɛ mumɔi fɔ̃ji anɔ lɛ nɔ nii fɛɛ nyɛye shi kome.

1 Korintobii 10:7

Asaŋ nyɛkatsɔmɔa amãgãjalɔi tamɔ amɛteŋ mɛi komɛi fee lɛ, tamɔ bɔ ni aŋma akɛ, “Maŋ lɛ ho tara shi ni amɛye nii ni amɛnu nii, ni amɛte shi ni amɛshwɛ.”

1 Petro 4:3

Ejaakɛ be ni eho momo lɛ mli lɛ, nyɛna be bɔ ni sa nyɛkɛtsu jeŋmajiaŋbii atsui naanii lɛ, ni nyɛba nyɛjeŋ yɛ nyɛnyɛŋtswibɔɔ, akɔnɔi, dãanumɔ mli basabasafeemɔ, ninumɔ kɛ wɔŋjamɔ ni ahiɔ lɛ amli.

Kojolɔi 10:16

No hewɔ lɛ, amɛ jie nyɔŋmɔi krokomɛi lɛ amɛshwie, ni amɛsɔmɔ Yehowa. Amɛnii fee Yehowa mɔbɔ yɛ amɛmanehulu lɛ hewɔ.

Kojolɔi 9:27

Amɛje kpo kɛtee amɛŋmɔji ashi. Amɛkpa amɛwaintromi lɛ amli yibii ni amɛŋã wain lɛ. Kɛkɛ ni amɛye gbijurɔ. Amɛtee amɛnyɔŋmɔ lɛ we lɛ. Amɛyeyee nii; amɛnunuu dãi, ni amɛye Abimelek he fɛo.