Hosea 2:8 - ŊMALƐ KRƆŊKRƆŊ LƐ

⁸ Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Ṅmãle̱ Kroṅkroṅ Le̱

⁸ [6.] Nohewo̱ le̱ na, mike̱ ṅmeii aafo afābaṅ matšĩ ogbe̱ le̱, ni matſa gbogbo ye̱ no̱, koni ekana etempõṅĩ le̱.

Hosea 2:8 ပူးပေါင်းရင်းမြစ်များ

1 Kronika 29:16

Yehowa, wɔNyɔŋmɔ, nii babaoo ni wɔbua naa wɔkɛbaama shĩa wɔkɛwo ogbɛi krɔŋkrɔŋ lɛ hiɛ nyam nɛɛ lɛ, bo diɛŋtsɛ nɔŋŋ onii ni, ejaakɛ odɛ̃ŋ fɛɛ jɛ.

Hiob 19:8

Etswa gbogbo ekɛsa minaa, ni no hewɔ lɛ, minyɛɛɛ maho; ni ehã migbɛ lɛ nɔ ewo duŋ.

Yesaia 1:3

Tsina le mɔ nɔ̃ ni ji lɛ, ni teji hu le he ni enuŋtsɔ eto eniyenii adeka yɛ. Shi Israel lɛ, lɛ lɛ eleee enɛ mli ekoeko; miwebii lɛ bɛ niiashishinumɔ.”

Yesaia 46:6

Mɛi ni fɔseɔ shika kɛjɛɔ flɔtɔ mli shwieɔ shi, ni amɛŋmɛɔ jwiɛtɛi yɛ nsɛni mli lɛ, amɛbɔɔ shikaŋaalɔ apaa, ni efeɔ nyɔŋmɔ ko ehãa amɛ, ni amɛhoɔ amɛkotoɔ shi, ni amɛjaa lɛ.

Yeremia 7:18

Gbekɛbii lɛ yalɛɔ lai kɛbaa, ni amɛtsɛmɛi lɛ shɛreɔ la lɛ, ni yei lɛ kpɔtɔɔ ma lɛ ni akɛshãa aboloo akɛyahãa jemawɔŋ yoo ni amɛtsɛɔ lɛ Ŋwɛi Maŋnyɛ lɛ, ni amɛfɔseɔ dãa amɛshwieɔ shi akɛ afɔle amɛkɛhãa nyɔŋmɔi krokomɛi koni amɛkɛwo mimli la.

Ezekiel 23:41

Amɛtaa saa fɛɛfɛo nɔ, ni aŋmɛɔ okplɔ̃, ni amɛkɛ mitsofakɛŋma kɛ mimu lɛ mamɔɔ nɔ.

Daniel 3:1

Maŋtsɛ Nebukadnezar hã afee shika amãgã ko ni ekwɔlɛ ji ninetalɔi nyɔŋmai ekpaa, kɛ elɛɛmɔ hu ninetalɔi ekpaa. Afee amãgã nɛɛ ama shi yɛ Dura ŋa lɛ nɔ yɛ Babilon kpokpai lɛ anɔ.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Hosea 10:1

Israel tamɔ wain tso ni efũ baa ni eewo. Babaoo ni Israelbii lɛ shwereɔ lɛ babaoo ni amɛmamɔɔ afɔleshãa latɛi ji no. Bɔ ni amɛshikpɔŋ lɛ baa nii lɛ, nakai nɔŋŋ amɛsaa shiui ni amɛkɛjaa lɛ hu ahe.

Hosea 13:1

Kulɛ kɛji Efraim shwiei lɛ wie lɛ, mɛi ahe kpokpoɔ yɛ Israel. Awo Efraim nɔ yɛ Israel; shi kɛtsɔ̃ jemawɔŋ Baal jamɔ nɔ lɛ, Efraim shwiei lɛ tɔ̃, ni no hewɔ amɛgboi.

Hosea 13:2

Amɛkã he amɛmiifee esha lɛ lolo kɛbashi ŋmɛnɛ ejaakɛ amɛkɛ amɛjwiɛtɛii yahãa ŋaalɔi, ni amɛhãa akɛ jwiɛtɛi lɛ shwieɔ amãgãi kɛ wɔji ahãa amɛ. Kɛkɛ lɛ amɛkɛɔ akɛ, “Ashã afɔle ahã amɛ!” Mɛi ni yashãa afɔlei lɛ shwɔɔ tsinabi amãgãi lɛ anaa.

Hosea 2:5

Ejaakɛ amɛnyɛ bɔ ajwamãŋ; efee hiɛgbejianii kɛna amɛ musu. Ekɛɛ ehe akɛ, ‘Hã maya mayatiu mishieŋtsɛmɛi lɛ; amɛ amɛhãa mi niyenii kɛ nu kɛ mikuntu kɛ klala lɛ kɛ mimu kɛ dãa.’

Hosea 4:11

Yehowa kɛɛ akɛ, “Wain momo kɛ wain hee fɛɛ hãa nilee ŋmɛɔ mɔ.

Hosea 8:4

“Amɛto maŋtsɛmɛi, shi jeee mi minɔ amɛtsɔ̃; ni amɛhole lumɛi hu ni mileee mli eko kwraa. Amɛkɛ amɛjwiɛtɛi kɛ amɛshika fee amãgãi ni baakpãtã amɛ nɔŋŋ amɛhiɛ.

Habakuk 1:16

No hewɔ lɛ, amɛshãa afɔle amɛkɛjaa amɛyaa lɛ, ni amɛshãa tsofakɛŋma amɛkɛhãa amɛtsãani lɛ, ejaakɛ nomɛi hãa amɛnaa nii kpɔtɔɔ amɛyeɔ.

Luka 15:13

No sɛɛ lɛ, yeee gbi ko kɛkɛ ni gbekɛ̃ lɛ bua fɛɛ naa, ni edom etee maŋsɛɛ shɔŋŋ he ko, ni jɛi ekɛ nyɛnyɛŋtswibɔɔ yakpãtã enii lɛ ahiɛ yɛ.

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

5 Mose 8:18

Shi moŋ nyɛkaia akɛ Yehowa, nyɛNyɔŋmɔ lɛ, lɛ ji mɔ ni duro nyɛ hewalɛ ni nyɛkɛna nii ni nyɛyɔɔ lɛ, koni ehã ekpãŋmɔ ni ekã nyɛtsɛmɛi lɛ kitã yɛ he lɛ ama shi, tamɔ nyɛnaa ŋmɛnɛ nɛɛ lɛ.

Kojolɔi 9:27

Amɛje kpo kɛtee amɛŋmɔji ashi. Amɛkpa amɛwaintromi lɛ amli yibii ni amɛŋã wain lɛ. Kɛkɛ ni amɛye gbijurɔ. Amɛtee amɛnyɔŋmɔ lɛ we lɛ. Amɛyeyee nii; amɛnunuu dãi, ni amɛye Abimelek he fɛo.