Hosea 2:5 - ŊMALƐ KRƆŊKRƆŊ LƐ

⁵ Ejaakɛ amɛnyɛ bɔ ajwamãŋ; efee hiɛgbejianii kɛna amɛ musu. Ekɛɛ ehe akɛ, ‘Hã maya mayatiu mishieŋtsɛmɛi lɛ; amɛ amɛhãa mi niyenii kɛ nu kɛ mikuntu kɛ klala lɛ kɛ mimu kɛ dãa.’

Ṅmãle̱ Kroṅkroṅ Le̱

⁵ [8.] koni mikadšie eyayaiaṅ mifõ ši, ni mike̱le̱ damo̱ ši tamo̱ gbĩ ní afo̱le̱ le̱, ni mifele̱ tamo̱ ṅano̱, ni mike̱le̱ damo̱ ši tamo̱ šikpoṅ gbĩṅ ko, ní mike̱ kũmai gbele̱;

Hosea 2:5 ပူးပေါင်းရင်းမြစ်များ

Yesaia 1:21

Te fee tɛŋŋ ni maŋ ni kulɛ eyeɔ anɔkwa lɛ etsɔ̃ ehe ajwamãŋ nɛɛ. Sa lɛ aye jalɛ sane yɛ ehe fɛɛ he, ni jalɛ saneyelɔi pɛ ni yɔɔ jɛi; shi agbɛnɛ gbɔmɔgbelɔi sɔŋŋ yɔɔ jɛi.

Yesaia 50:1

Bɔ ni Yehowa kɛɛ nɛ, “Nɛgbɛ nyɛnyɛ shwiemɔ wolo ni mikɛshwie lɛ lɛ yɔɔ? Minyɔjiatsɛmɛi lɛ ateŋ namɔ mihɔɔ nyɛ miha? Dabida! Nyɛnishaianii lɛ ahewɔ ni ahɔɔ nyɛ, ni nyɛtɔ̃mɔi lɛ ahewɔ ashwie nyɛnyɛ.

Yeremia 11:13

Ao! Yuda, onyɔŋmɔi lɛ ayi efa tamɔ omaji lɛ ayifalɛ, ni bɔ ni gbɛjegbɛi ni yɔɔ Yerusalɛm maŋ lɛ mli lɛ fa lɛ, nakai nyɛmamɔ afɔleshãa latɛi nyɛkɛfeɔ hiɛgbejianii, no ji nyɛkɛshãa tsofakɛŋma nyɛhãa Baal.

Yeremia 13:22

Ni kɛji obi ohe akɛ, ‘Mɛɛba ni nɛkɛ sane eba minɔ?’ lɛ, na ole akɛ onishaianii ni naa wa lɛ hewɔ ni akpa ohe mama, ni ashwie ohiɛ shi nɛɛ.

Yeremia 2:20

“Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

Yeremia 6:8

Ao, Yerusalɛm, kwɛmɔ ni ahi; kɛjeee nakai lɛ mibashi bo, ni mibafee bo amaŋfɔ̃, ni oootsɔ̃ shikpɔŋ ni mɔ ko mɔ ko ehiŋ nɔ.”

Ezekiel 16:35

Enɛ hewɔ lɛ, bo ajwamãŋ, bo nɔ ni Yehowa kɛɔ toi.

Ezekiel 16:39

Ni maŋɔ bo mawo osuɔlɔi lɛ adɛŋ, ni amɛbaakumɔ opiai lɛ, ni amɛbaafite ohei grɔŋŋi ni oja yɛ lɛ. Osuɔlɔi lɛ aaakpɔlɔ ohe atadei hu, ni amɛaaŋɔ ojwinei fɛɛfɛji lɛ, ni amɛaashi bo kɛ ohe yayai kɛ ohe pasaa.”

Ezekiel 16:4

Asaŋ yɛ ofɔmɔ mli lɛ, gbi ni afɔ bo lɛ, afooo olaŋmɔ, akɛ nu hu juuu ohe ni ohe aje, akɛ ŋoo kpaaa ohe hu, ni akɛ mama hu ebalaaa ohe.

Hosea 1:2

Be ni Yehowa kɛ Hosea bɔ̃i wiemɔ lɛ, ekɛɛ Hosea akɛ, “Yaa ni oyaŋɔ yoo ajwamãŋ koni okɛ lɛ afee oŋa; ni bii ni okɛ lɛ baafɔ lɛ baafee ajwamãŋ bii tamɔ bɔ ni shikpɔŋ lɛ nɔ bii lɛ ekwa mi, ni amɛyeee mi anɔkwa lɛ.”

Hosea 2:2

“Mibii, nyɛkɛ nyɛnyɛ awiea, ejaakɛ jeee miŋa ji lɛ dɔŋŋ; ni mi hu jeee ewu ji mi. Nyɛkɛ lɛ awiea koni ekpa ejwamaŋbɔɔ lɛ, ni efo egblãfitemɔ lɛ sɛɛ.

Hosea 2:8

Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Hosea 3:1

Yehowa kɛɛ mi akɛ, “Yaa ekoŋŋ ni oyasumɔ yoo ni ewu sumɔɔ lɛ, shi lɛ lɛ ekɛ nuu kroko miifite gbãlã. Osumɔ lɛ tamɔ bɔ ni mi, Yehowa, misumɔɔ mimɛi Israelbii lɛ; tsɛbelɛ amɛ lɛ, amɛkwa mi, ni amɛtee wɔji aŋɔɔ, ni amɛkɛ wain yibii yashãa afɔle amɛhãa amãgãi.”

Hosea 4:5

Nyɛ lɛ, nyɛaatɔ̃ shwane, ni gbalɔi lɛ hu kɛ nyɛ baatɔ̃ nyɔɔŋ; no hewɔ lɛ, mibakpãtã Israel, nyɛnyɛ lɛ hiɛ.

Hosea 8:9

Ejaakɛ Israel tsɔ̃ tamɔ ŋaŋ teji ni miifo shi. Etee eyabi Asiria dɛŋ yelikɛbuamɔ; asaŋ Efraim bɔ maŋsɛɛbii apaa koni amɛbu ehe.

Hosea 9:10

Yehowa kɛɛ akɛ, “Klɛŋklɛŋ be ni mina Israel lɛ etamɔ wain yibii ni atoɔ lɛ ahuu yɛ ŋa nɔ. Mina nyɛtsɛmɛi lɛ tamɔ klɛŋklɛŋ yibii ni tsu yɛ agbãmi tso nɔ. Shi be ni nyɛtsɛmɛi lɛ shɛ Poer Gɔŋ le he lɛ, amɛbɔ̃i jemawɔŋ ni atsɛɔ lɛ Poer lɛ jamɔ. Enɛ hã amɛsane je migugɔŋ fu tamɔ wɔji ni amɛjaa lɛ nɔŋŋ asane.

Amos 8:13

Nakai gbi lɛ nɔ lɛ, oblayei hefɛotsɛmɛi kɛ oblahii fɛɛ baatɔtɔɔ biti kɛ kumai,

Kojolɔi 16:23

Eba mli akɛ Filistibii alumɛi lɛ babua amɛhe naa koni amɛshã afɔle kpele amɛhã amɛnyɔŋmɔ Dagon lɛ, koni amɛnya, ejaakɛ amɛkɛɛ, “Wɔnyɔŋmɔ lɛ ehã wɔye wɔhenyɛlɔ Samson lɛ nɔ kunim.”