Hosea 2:3 - ŊMALƐ KRƆŊKRƆŊ LƐ

³ Kɛjeee nakai lɛ maŋmɛ lɛ yayai tamɔ gbi ni afɔ lɛ lɛ; mahã etsɔ̃ tamɔ ŋa nɔ shikpɔŋ ni nɔ egbi, ni mikɛ kumai baagbe lɛ.

Ṅmãle̱ Kroṅkroṅ Le̱

³ [1.] Kyekē̱a nyenyemimeihĩĩ le̱ ake̱, *mimaṅ dšiame̱, ke̱ nyenyemimeiyei le̱ ake̱, †mimũsũṅ etšõmi ye̱ amehe. *1,9. †1,5.

Hosea 2:3 ပူးပေါင်းရင်းမြစ်များ

2 Mose 17:3

Shi kumai ye maŋ lɛ yɛ jɛi, ni amɛwie huhuuhu amɛshi Mose amɛkɛɛ, “Mɛɛ hewɔ obajie wɔ yɛ Ijipt? Koni okɛ kumai abagbe wɔ kɛ wɔbii kɛ wɔkooloi?”

Yesaia 33:9

Shikpɔŋ lɛ miiye ŋkɔmɔ, ni eeŋala. Labanon kooŋ tsei ayibii ekpala, ekoi lɛ miigbi. Sharon jɔɔ shikpɔŋ frɔ̃frɔ̃ lɛ etsɔ̃ shiaŋa, ni Bashan kɛ Karmel Gɔŋ lɛ nɔ tsei ayibai miikpala.

Yesaia 47:3

Aaajie oyayaiaŋ kpo, ni ohiɛgbele aaabakã shi. Matɔ owele, ni mɔ ko mɔ ko etsiŋ minaa.”

Yesaia 64:10

Omaji krɔŋkrɔŋi lɛ etsɔmɔ ŋa nɔ: Zion etsɔ ŋa nɔ, Yerusalɛm etsɔ amaŋfɔ̃.

Yeremia 12:10

Tookwɛlɔi babaoo ekpãtã miwain abɔɔ lɛ hiɛ, amɛnaanaa migbɛfaŋnɔ lɛ nɔ; amɛhã migbɛfaŋnɔ fɛɛfɛo lɛ etsɔ̃ ŋa kpataa.

Yeremia 13:22

Ni kɛji obi ohe akɛ, ‘Mɛɛba ni nɛkɛ sane eba minɔ?’ lɛ, na ole akɛ onishaianii ni naa wa lɛ hewɔ ni akpa ohe mama, ni ashwie ohiɛ shi nɛɛ.

Yeremia 13:26

No hewɔ lɛ, mi diɛŋtsɛ mibawo ohiɛ mama nɔ koni ohiɛ ashwie shi.

Yeremia 14:3

Emaŋ abladei lɛ tsuɔ amɛtsuji lɛ faŋŋ; amɛyashɛɔ nubui lɛ anaa, shi amɛnaaa nu; ni amɛkuɔ amɛsɛɛ kɛbaa; kɛ amɛgbɛi foji; amɛhiɛ gboiɔ, amɛluɔ ni amɛhaa amɛyiteiaŋ.

Yeremia 17:6

Etamɔ tso fɔ ni ma shiaŋa nɔ; yɛ shikpɔŋ ni egbi nɔ, shikpɔŋ ni yɔɔ ŋooŋoo ni nɔ ko nɔ ko bɛ jɛi; ebɛ ekpakpa ko ni ebaafee.

Yeremia 2:31

Nyɛ, yinɔ nɛɛ nɔ bii, nyɛjwɛŋa Yehowa wiemɔi lɛ ahe. Ani mitsɔ̃ ŋa nɔ mihã Israelbii lo; loo shikpɔŋ ni enɔ ewo duŋ kpii? Mɛni hewɔ mɔ, ni miwebii lɛ kɛɔ akɛ, “Wɔye wɔhe; wɔbaaa oŋɔɔ dɔŋŋ lɛ?”

Yeremia 2:6

Amɛbiii akɛ, ‘Nɛgbɛ Yehowa mɔ ni jie wɔ kɛje Ijipt shikpɔŋ lɛ nɔ lɛ yɔɔ, mɔ ni nyiɛ wɔhiɛ yɛ ŋa lɛ nɔ, mɔ ni nyiɛ wɔhiɛ yɛ shiaŋa kɛ enɔ buibui lɛ nɔ, shikpɔŋ ko ni nu bɛ nɔ ni enɔ ewo duŋ kpii, shikpɔŋ ko ni mɔ ko mɔ ko nyɛɛɛ nɔ atsɔ̃ kɛho, he ni mɔ ko mɔ ko nyɛɛɛ ahi lɛ?’

Yeremia 22:6

Nɔ ni Yehowa kɛɛ yɛ Yuda maŋtsɛ we nɛɛ he ji akɛ, “Maŋtsɛ we nɛɛ, otamɔ Gilead kɛhã mi; asaŋ otamɔ Lebanon gɔji lɛ hu moŋ nɛ; shi kɛ̃lɛ mahã otsɔ̃ shiaŋa, maŋ ni adesa ko adesa ko ehiii mli.

Yeremia 4:26

Mikwɛ, ni naa, shikpɔŋ frɔ̃frɔ̃ lɛ etsɔ̃ shiaŋa, ni enɔ maji lɛ fɛɛ etsɔ̃mɔ amaŋfɔ̃i, yɛ Yehowa mlifu ni naa wa lɛ naa.

Yeremia 51:43

Emaji wuji lɛ etsɔ̃mɔ gbeyei nɔ; amɛtsɔ̃mɔ hei ni nu enɛɛɛ yɛ kɛ shiaŋa, shikpɔŋ ni mɔ ko mɔ ko ehiii nɔ, ni gbɔmɔ adesa ko tsɔ̃ɔɔ jɛi kɛhooo.

Yeremia 51:5

Ejaakɛ Israelbii lɛ kɛ Yudabii lɛ aNyɔŋmɔ lɛ, ni ji Yehowa Taiatsɛ lɛ, ekwako amɛ; shi Babilonbii lɛ, amɛ lɛ amɛshikpɔŋ lɛ nɔ eyi tɔ kɛ nifɔɔjianii babaoo ni amɛkɛtɔ̃ Israel Mɔ Krɔŋkrɔŋ lɛ nɔ.

Ezekiel 16:22

Be ni ofeɔ musubɔɔnii nɛɛ ni obɔɔ ajwamãŋ lɛ, okaiii be ni oji abifao ni onyiɛ yayai kɛ ohe pasaa, ni okokloɔ yɛ olá mli lɛ.”

Ezekiel 19:13

Agbɛnɛ afã lɛ ayatɛo yɛ ŋa nɔ, yɛ shikpɔŋ gbiŋ ni nu bɛ nɔ lɛ nɔ.

Hosea 13:15

Israel aaafrɔke tamɔ ŋɔi, shi bokã kɔɔyɔɔ ni mli edɔ la lɛ, ni ji Yehowa kɔɔyɔɔ lɛ, baafã kɛjɛ ŋa lɛ nɔ kɛba; ebaŋala amɛnuhiŋmɛii kɛ nubui fɛɛ amli nu; asaŋ eeekpãtã amɛnɔ fɛɛ nɔ ni yɔɔ jara hiɛ.

Hosea 2:10

Maŋmɛ lɛ yayai agbɛnɛ matsɔ̃ɔ eshieŋtsɛmɛi lɛ; ni mɔ ko mɔ ko nyɛŋ lɛ ahere yɛ midɛŋ.

Kpojiemɔ 17:16

Ni akloŋtoi nyɔŋma ni ona lɛ kɛ kooloo lɛ amɛaanyɛ ajwamãŋ lɛ, ni amɛafee lɛ amaŋfɔ̃ ni amɛkɛ la aaashã lɛ kɛmɔ shi.

Kojolɔi 15:18

Kɛkɛ ni kumai ye Samson waa naakpa. Ebo etsɛ Yehowa ekɛɛ, “Otsɔ̃ otsulɔ nine nɔ otsu yiwalaheremɔ nitsumɔ kpele nɛɛ; ni mɛɛba ni magbo kɛ kumai moŋ ni magbee foolɔi nɛɛ adɛŋ?”