Hosea 2:23 - ŊMALƐ KRƆŊKRƆŊ LƐ

²³ Mahã mimɛi lɛ ahe shi yɛ shikpɔŋ lɛ nɔ, ni mahã amɛshwere. Mɛi ni atsɛ amɛ akɛ ‘Mɔbɔnalɛ etã’ lɛ, kɛ mɛi hu ni atsɛ amɛ akɛ ‘Nyɛjeee mimɛi’ lɛ, mibana amɛ fɛɛ mɔbɔ. Ni makɛɛ amɛ akɛ, ‘Mimɛi ji nyɛ,’ ni amɛaahere nɔ akɛ ‘bo ji wɔNyɔŋmɔ lɛ.’ ”

Ṅmãle̱ Kroṅkroṅ Le̱

²³ [21.] Ni aaba mli ake̱ nakai gbĩ le̱ no̱ le̱ mabo toi, Iehowa kē̱, mabo ṅwei toi, ni ame̱ Ie̱ ame̱abo šikpoṅ toi,

Hosea 2:23 ပူးပေါင်းရင်းမြစ်များ

Lalai 118:28

Bo ji miNyɔŋmɔ, mada bo shi. Bo ji miNyɔŋmɔ, makafo bo.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 68:31

Hã lumɛi kɛ akɔɔble ajɛ Ijipt aba; ni Kushbii ahe afee oya ni amɛhole amɛniji anɔ ni amɛja Nyɔŋmɔ.

Lalai 72:16

Shikpɔŋ lɛ aba abele babaoo kɛyashwie gɔji lɛ anɔ; eba nii tamɔ Lebanon. Gbɔmɛi afrɔke yɛ maji lɛ amli tamɔ ŋa nɔ jwɛi.

Salomo Lalai 2:16

Minɔ ji misuɔlɔ lɛ, ni lɛ hu enɔ ji mi. Elɛɔ etoi lɛ yɛ oflɔ fɔfɔii ateŋ.

Yesaia 44:5

Mɔnɛ baakɛɛ mɔnɛ akɛ, ‘Yehowa nɔ ji mi;’ ni mɔ kroko aaaŋɔ Yehowa gbɛi awo ehe, ni mɔ ko hu aaaŋma yɛ enine he akɛ, ‘Yehowa nɔ nɛ’, ni eeeŋɔ Yehowa gbɛi ewo ehe.”

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 30:22

Nyɛbaatsɔ̃ miwebii, ni mi hu mibatsɔ̃ nyɛNyɔŋmɔ.”

Yeremia 31:27

Bɔ ni Yehowa kɛɔ nɛ, “Naa, be ko miiba, ni nakai be lɛ mahã gbɔmɛi kɛ kooloi hu afɛo yɛ Israel kɛ Yuda fɛɛ tamɔ dumɔwu.

Yeremia 32:38

ni amɛbaatsɔ̃ miwebii, ni mibatsɔ̃ amɛNyɔŋmɔ.

Ezekiel 36:29

Majie nyɛ kɛjɛ nɔ fɛɛ nɔ ni woɔ nyɛhe muji lɛ mli; mafã, ni ŋmãa aaaba babaoo, ni mihaŋ nyɛye hɔmɔ ko dɔŋŋ.

Hosea 1:6

Gomer na musu ekoŋŋ, ni efɔ biyoo. Kɛkɛ ni Yehowa kɛɛ Hosea akɛ, “Wo abifao lɛ gbɛi akɛ, Lo-Ruhama: ‘Mɔbɔnalɛ etã’, ejaakɛ mikaŋ he mihaŋ mimusuŋ atsɔ̃ mi yɛ Israelbii ahe, ni mikɛfaŋ amɛ dɔŋŋ.

Hosea 8:2

Mi amɛbolɔɔ amɛtsɛɔ akɛ, ‘WɔNyɔŋmɔ, bo ji mɔ ni wɔ, Israelbii, wɔle.’

Zakaria 10:9

Migbɛ amɛ mishwã maŋsɛɛ maji anɔ moŋ; shi kɛ̃lɛ, amɛaakai mi, yɛ hei ni amɛyɔɔ yɛ shɔŋŋ lɛ. Amɛ kɛ amɛbii fɛɛ yi aaana wala, ni amɛaaku amɛsɛɛ amɛaaba ekoŋŋ.

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Zakaria 14:16

Agbɛnɛ maji ni kulɛ amɛte shi amɛwo Yerusalɛm lɛ mli mɛi ni baashwɛ lɛ baaya Yerusalɛm daa afi koni amɛyaja maŋtsɛ, ni ji Yehowa, Taiatsɛ lɛ, koni amɛye Asesei Agbijurɔ lɛ hu.

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Romabii 3:29

Aloo Nyɔŋmɔ lɛ Yudafoi kɛkɛ aNyɔŋmɔ ni? Ani jeee jeŋmaji lɛ hu aNyɔŋmɔ ni? Hɛɛ, jeŋmaji lɛ hu aNyɔŋmɔ

Yakobo 1:1

Yakobo, ni ji Nyɔŋmɔ kɛ Nuŋtsɔ Yesu Kristo tsulɔ lɛ ŋma yahã akutsei nyɔŋma kɛ enyɔ ni egbɛ eshwã lɛ. Miiŋa nyɛ!