Hosea 2:20 - ŊMALƐ KRƆŊKRƆŊ LƐ

²⁰ Maye mishiwoo nɔ, ni mafee bo miŋa, ni ooole akɛ mi ji Yehowa.

Ṅmãle̱ Kroṅkroṅ Le̱

²⁰ [18.] Ni nakai gbĩ le̱ no̱ le̱ mike̱ ṅãṅõ koloi ke̱ ṅwei lofõdši ke̱ šikpoṅ sũ le̱ no̱ wāmo̱nibii aakpãṅ kpãṅmo̱ ko ahãame̱, ni makũmo̱ gãi ke̱ klante ke̱ ta mli ke-adše̱ šikpoṅ le̱ no̱, ni mahã ame̱kãmo̱ ši ſeſẽſe. Ezek 34,25.

Hosea 2:20 ပူးပေါင်းရင်းမြစ်များ

1 Mose 9:10

kɛ nɔ fɛɛ nɔ ni hiɛ kã ni kɛ nyɛ yɔɔ, ni ji loofɔji kɛ shĩaŋ kooloi kɛ kooloi fɛɛ ni fata nyɛhe yɛ shikpɔŋ lɛ nɔ lɛ, nɔ fɛɛ nɔ ni jɛ adeka lɛ mli lɛ.

Yesaia 2:4

Ni ebaakojo majimaji lɛ ateŋ, ni ebaakã mɛi babaoo ahiɛ, ni ebaabu atɛŋ ehã mɛi babaoo. Amɛbaatswia amɛklantei lɛ amɛkɛsɔ̃ kɔii ni amɛkɛ amɛkpɔlɔi lɛ hu baasɔ̃ adidai. Maŋ ko kɛ maŋ ko wuŋ ta, ni amɛkaseŋ tawuu dɔŋŋ.

Yesaia 62:4

Atsɛŋ bo “Mɔ ni akwa lɛ” dɔŋŋ; shi moŋ aaatsɛ bo “Mitsui naa gbɔmɔ”; ni aaatsɛ oshikpɔŋ lɛ hu “Kpeemɔ yoo”; ejaakɛ Yehowa ena ohe tsuijurɔ ni oshikpɔŋ lɛ hu aaakpee lɛ.

Yeremia 24:7

Mibahã amɛ tsui ni baahã amɛle mi akɛ mi ji Yehowa; ni amɛbaatsɔ̃ miwebii, ni mibatsɔ̃ amɛNyɔŋmɔ, ejaakɛ amɛbaaku amɛsɛɛ kɛba miŋɔɔ kɛ amɛtsui fɛɛ.

Yeremia 30:10

“No hewɔ lɛ, bo, mitsulɔ Yakob, kaashe gbeyei; ni Israel, otsui akafã, ejaakɛ mibahere nyɛ kɛ nyɛshwiei hu, kɛjɛ shɔŋŋ shikpɔŋ lɛ nɔ, kɛjɛ amɛnomŋɔɔ shikpɔŋ lɛ nɔ. Yakob baaku esɛɛ eba ni ebahi shi yɛ toiŋjɔlɛ kɛ hejɔlɛ mli; ni mɔ ko mɔ ko woŋ ehe gbeyei. Mi, Yehowa, mikɛɛ.

Yeremia 32:41

Mibafee amɛ ejurɔ kɛ miishɛɛ, ni anɔkwale mli lɛ, mikɛ mitsui kɛ mimumɔ fɛɛ baahã amɛhe shi yɛ shikpɔŋ nɛɛ nɔ.

Yeremia 9:24

shi mɔ ni shwãa lɛ, eshwã efɔ̃, enɛ moŋ nɔ; akɛ ele mi, ni enuɔ mi shishi, akɛ mi ji Yehowa ni misuɔmɔ sɛɛ efooo, ni miyeɔ jalɛ sane yɛ shikpɔŋ lɛ nɔ. Enɛɛmɛi ahe moŋ minyaa. Mi, Yehowa, mikɛɛ.”

Ezekiel 16:62

“Maha mikɛ bo teŋ kpãŋmɔ lɛ ama shi, ni obaale akɛ mi ji, Yehowa;

Ezekiel 16:8

“Be ni mibatsɔ̃ omasɛi kɛho ekoŋŋ lɛ, naa, mina akɛ oda ni oshɛ gbãlã, ni miha bo mimama lɛ eko ni mikɛtsi oyayai nɔ. Hɛɛ, misumɔ bo kɛha gbãlãshihilɛ, ni mikɛ bo kpãŋ, ni otsɔ̃ minɔ.” Nuŋtsɔ Yehowa kɛɛ.

Ezekiel 34:25

Mikɛ amɛ baakpãŋ kpãŋmɔ ni baahã amɛhe ajɔ amɛ, ni mashwie kooloi awuiyelɔi yɛ shikpɔŋ lɛ nɔ koni amɛhi shi shweshweeshwe yɛ ŋa nɔ; amɛaawɔ yɛ koo mli.

Ezekiel 34:27

Kɛkɛ lɛ ŋa nɔ tsei baawo amɛyibii ni shikpɔŋ lɛ baaba nii babaoo, ni amɛaahi shi shweshweeshwe yɛ amɛshikpɔŋ lɛ nɔ. Kɛji mikumɔ amɛkɔŋtsei ni akɛbɔ amɛ apã lɛ, ni mijie amɛ kɛjɛ mɛi ni yeɔ amɛ nyɔŋ lɛ adɛŋ lɛ, no amɛkɛaale akɛ mi, mi ji Yehowa.

Ezekiel 38:23

Ni enɛ mikɛaahã maji fɛɛ ale akɛ mida ni mihe tse; ni amɛaana amɛle hu akɛ mi ji Yehowa.”

Hosea 13:4

Yehowa kɛɛ, “Mi ji Yehowa, nyɛNyɔŋmɔ lɛ, ni here nyɛyiwala kɛjɛ Ijipt shikpɔŋ lɛ nɔ beebe lɛ. Nyɛleee Nyɔŋmɔ ko akɛ ja mi; ni mi misɛɛ hu lɛ yiwalaherelɔ ko bɛ dɔŋŋ.

Hosea 2:19

“Israel, mibatsɛ ohe baa akɛ miŋa kɛaatee naanɔ; Maye bo anɔkwa, ni maye bo jalɛ sane, Masumɔ bo, ni mimusuŋ aaatsɔ̃ mi yɛ ohe.

Hosea 6:6

Ejaakɛ nɔ ni mitaoɔ yɛ nyɛdɛŋ ji suɔmɔ ni tsakeee shi jeee afɔle; nɔ ni mitaoɔ ji lee ni aleɔ Nyɔŋmɔ shi jeee shãaafɔle.

3 Mose 26:5

Nyɛbaakã he nyɛgbee ŋmãa ni nyɛku aahu kɛyaashi wainyibii tsemɔ be mli, ni nyɛbaahiɛ wainyibii tsemɔ nɛkɛ aahu kɛyashi nidumɔ be mli, ni nyɛaaye nyɛboloo nyɛtɔrɔ. Nyɛaahi nyɛshikpɔŋ lɛ nɔ shweshweeshwe.

3 Mose 26:6

“Mahã jeŋ ajɔ yɛ nyɛshikpɔŋ lɛ nɔ; ni nyɛaakamɔ shi nyɛwɔ ni mɔ ko mɔ ko woŋ nyɛhe gbeyei. Mahã kooloi fɔ̃ji atã yɛ nyɛshikpɔŋ lɛ nɔ, ni awuŋ ta yɛ jɛi.

Mika 4:3

Eeekojo maji pii ateŋ, eeebua maji wuji ni bɛŋkɛ kɛ nii ni yɔɔ shɔŋŋ fɛɛ anaa. Amɛkɛ amɛklantei aaasɔ̃ kɔii, ni amɛkɛ amɛkpɔlɔi lɛ hu aaasɔ̃ kaklai adɔi ni akɛkpɔlɔɔ tso he. Maŋ ko woŋ klante nɔ yɛ maŋ ko nɔ ni amɛsaŋ amɛhe amɛhaŋ tawuu dɔŋŋ.

Zakaria 9:10

Makpãtã ta shwiilii fɛɛ ni aaajɛ Efraim aba lɛ ahiɛ; ni majie ta okpɔŋɔ lɛ hu kɛje Yerusalɛm. Makumɔ tawuu gãii lɛ amli dukuduku. Eeeshi maji lɛ toiŋjɔlɛ ni elumɔyeli aaajɛ ŋshɔnaa kɛyagbee ŋshɔnaa. Ni eeejɛ Eufrate Faa lɛ naa kɛyashi je lɛ naagbee hei tɔ̃ɔ.

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Luka 10:22

“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.”

Yohane 17:3

Shi enɛ ji naanɔ wala lɛ, akɛ amɛle bo, anɔkwa Nyɔŋmɔ kome lɛ, kɛ Yesu Kristo, mɔ ni otsu lɛ.

Yohane 8:55

ni nyɛleko lɛ, shi mi lɛ mile lɛ; ni kɛji mikɛɛ akɛ mileee lɛ lɛ, matsɔ̃ amalelɔ tamɔ nyɛ; shi mile lɛ, ni miyeɔ ewiemɔ nɔ.

2 Korintobii 4:6

ejaakɛ Nyɔŋmɔ ni kɛɛ akɛ la ajɛ duŋ mli akpɛ lɛ, lɛ nɔŋŋ ekpɛ yɛ wɔtsuii amli hu, koni Nyɔŋmɔ anunyam he nilee la lɛ akpɛ yɛ Yesu Kristo hiɛ.

Filipibii 3:8

Anɔkwale mli lɛ mibuɔ fɛɛ akɛ shigbeemɔ yɛ Kristo Yesu, miNuŋtsɔ lɛ, he nilee ni fe nii fɛɛ lɛ hewɔ; lɛ ehewɔ ni nii fɛɛ ebɔ mi, ni mibuɔ amɛ akɛ tumo nɔ nii, koni mana Kristo,

Kolosebii 1:10

Koni nyɛnyiɛ bɔ ni sa Nuŋtsɔ lɛ ni asa ehiɛ kwraa ni nyɛwo yibii yɛ nitsumɔ kpakpa fɛɛ nitsumɔ kpakpa mli. Enɛ ahã nyɛshwere yɛ Nyɔŋmɔ he nilee mli

2 Timoteo 1:12

No hewɔ nɔŋŋ minaa amanehului nɛɛ, shi kɛ̃lɛ mihiɛ gbooo; ejaakɛ mile mɔ ni mihe miye lɛ, ni miyɛ hewalɛ yɛ nɔ akɛ eeenyɛ ebu nii ni mitu miwo edɛŋ lɛ he kɛyashi nakai Gbi lɛ nɔ.

Hebribii 8:11

Ni amɛteŋ mɔ ko etsɔ̃ŋ emaŋnyo loo enyɛmi dɔŋŋ akɛ, ‘Le Nuŋtsɔ lɛ.’ Ejaakɛ amɛ fɛɛ amɛaale mi, kɛaajɛ amɛteŋ mɔ bibioo nɔ kɛyashi mɔ wulu nɔ.

1 Yohane 4:6

Wɔ lɛ, Nyɔŋmɔ mli wɔjɛ; mɔ ni le Nyɔŋmɔ lɛ, eboɔ wɔ toi mɔ ni jɛɛɛ Nyɔŋmɔ mli lɛ, ebooo wɔ toi. No wɔkɛyoɔ anɔkwale mumɔ lɛ kɛ shishiumɔ mumɔ lɛ.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.