Hosea 2:18 - ŊMALƐ KRƆŊKRƆŊ LƐ

¹⁸ “Nakai be lɛ mli lɛ, mikɛ ŋaŋ kooloi kɛ loofɔji kɛ shikpɔŋ lɛ nɔ nibii ni wamɔɔ fɛɛ aaakpãŋ yɛ nyɛhewɔ koni amɛkaye nyɛ awui; ni makumɔ gãi kɛ klante amli, ni mahã tawuu sɛɛ afo yɛ shikpɔŋ lɛ nɔ, ni nyɛbaahi shi shweshweeshwe.

Ṅmãle̱ Kroṅkroṅ Le̱

¹⁸ [16.] Ni aaba mli ake̱ nakai gbĩ le̱ no̱ le̱, Iehowa kē̱, ootsē̱mi ake̱ “Mi-wù”, ni otšé̱ṅmi ake̱ “mi-Baal” doṅṅ.

Hosea 2:18 ပူးပေါင်းရင်းမြစ်များ

Hiob 5:22

Oooŋmɔ hiɛkpãtãmɔ kɛ hɔmɔ fɛɛ, ni osheŋ ŋaŋ kooloi agbeyei.

Hiob 5:23

Tɛi ehiŋ shikpɔŋ ni ohuɔ nɔ, ni ŋaŋ kooloi kɛ bo aaahi shi kpoo.

Lalai 148:10

Ŋaŋ kooloi kɛ shĩa kooloi fɛɛ, waamɔ nibii kɛ loofɔji.

Lalai 23:2

Ehãa mibuɔ shi yɛ lɛɛhei ni yɔɔ frɔ̃frɔ̃. Ewaa mi kɛyaa nui ni he jɔ lɛ ahe.

Lalai 46:9

Ehãa tawuu sɛɛ foɔ kɛyashɛɔ shikpɔŋ lɛ naagbeehei lɛ. Ekumɔɔ gãii amli ni efiteɔ akplɔi. Ekɛ la shãa tsɛŋi lɛ.

Yesaia 2:11

Gbi ko miiba, ni nakai gbi lɛ nɔ lɛ, aaaba gbɔmɔ adesa hewoo kɛ henɔwomɔ fɛɛ shi, ni gbi lɛ Yehowa koome pɛ hiɛ baaba nyam, ni aaawo enɔ.

Yesaia 2:17

Gbi lɛ abaaba gbɔmɔ adesa hetsɔ̃ɔmɔ kɛ ntɛŋfeemɔ fɛɛ shi, ni Yehowa koometoo pɛ nɔ abaawo gojoo,

Yesaia 2:4

Ni ebaakojo majimaji lɛ ateŋ, ni ebaakã mɛi babaoo ahiɛ, ni ebaabu atɛŋ ehã mɛi babaoo. Amɛbaatswia amɛklantei lɛ amɛkɛsɔ̃ kɔii ni amɛkɛ amɛkpɔlɔi lɛ hu baasɔ̃ adidai. Maŋ ko kɛ maŋ ko wuŋ ta, ni amɛkaseŋ tawuu dɔŋŋ.

Yesaia 26:1

Nakai gbi lɛ nɔ lɛ aaala lala nɛɛ yɛ Yuda shikpɔŋ lɛ nɔ akɛ, “Wɔmaŋ ni wa, Yehowa tswaa kunimyeli tamɔ gbogboi kɛ kawoohei ewoɔ he.

Yesaia 32:18

Mimaŋbii ashihilɛhei baayi kɛ toiŋjɔlɛ, amɛaahi shi shweshweeshwe kɛ kpoo.

Yesaia 54:5

Ejaakɛ obɔlɔ lɛ aaatsɔ̃ wu aha bo. Yehowa Taiatsɛ ji egbɛi, ni Israel Mɔ Krɔŋkrɔŋ Koome lɛ ji Okpɔ̃lɔ lɛ. Je lɛ fɛɛ Nyɔŋmɔ ji egbɛi.

Yesaia 65:25

Klaŋ kɛ too gwantɛŋbi aaakpe nii yɛ he kome, ni jata aaaye jwɛi tamɔ tsina; ni onufu lɛ sũ aaafee eniyenii. Ayeŋ awui ko, ni akpãtãŋ nii ahiɛ dɔŋŋ yɛ Zion, migɔŋ krɔŋkrɔŋ lɛ nɔ fɛɛ,” Yehowa kɛɛ.

Yeremia 23:6

Lɛ eyinɔ lɛ abaahere Yuda yiwala, ni Israel baahi shi shweshweeshwe; ni gbɛi ni akɛbaatsɛ lɛ ji, ‘Yehowa ji wɔjalɛ.’ ”

Yeremia 30:10

“No hewɔ lɛ, bo, mitsulɔ Yakob, kaashe gbeyei; ni Israel, otsui akafã, ejaakɛ mibahere nyɛ kɛ nyɛshwiei hu, kɛjɛ shɔŋŋ shikpɔŋ lɛ nɔ, kɛjɛ amɛnomŋɔɔ shikpɔŋ lɛ nɔ. Yakob baaku esɛɛ eba ni ebahi shi yɛ toiŋjɔlɛ kɛ hejɔlɛ mli; ni mɔ ko mɔ ko woŋ ehe gbeyei. Mi, Yehowa, mikɛɛ.

Yeremia 33:16

Nakai be lɛ mli lɛ aaahere Yuda kɛ Yerusalɛm yiwala, ni amɛaahi shi shweshweeshwe; ni gbɛi ni akɛaatsɛ Yerusalɛm ji ‘Yehowa ji wɔjalɛ.’

Ezekiel 34:25

Mikɛ amɛ baakpãŋ kpãŋmɔ ni baahã amɛhe ajɔ amɛ, ni mashwie kooloi awuiyelɔi yɛ shikpɔŋ lɛ nɔ koni amɛhi shi shweshweeshwe yɛ ŋa nɔ; amɛaawɔ yɛ koo mli.

Ezekiel 39:1

“Bo Gbɔmɔ Adesa, agbɛnɛ, gbaa oshi Gog ni okɛɛ lɛ akɛ, bɔ ni Nuŋtsɔ Nyɔŋmɔ kɛɔ nɛ, bo Gog, ni bo ji Meshek kɛ Tubal lumɔnukpa, naa mikɛ bo ena,

Zakaria 14:4

Nakai gbi lɛ nɔ lɛ Yehowa baadamɔ Mugɔŋ lɛ ni ma Yerusalɛm bokãgbɛ lɛ nɔ. Mugɔŋ nɛɛ mli baagba enyɔ kɛjɛ bokã kɛyashi anai, ni jɔɔ kpeteŋkple diɛŋtsɛ baakã teŋ. Gɔŋ lɛ fã baaye kooyigbɛ, ni fã hu baaye wuoyigbɛ.

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Zakaria 3:10

Nakai gbi lɛ nɔ lɛ nyɛteŋ mɔ fɛɛ mɔ aaakpee enaanyo kɛaaba ewaintso kɛ agbãmitso shishi, Yehowa kɛɛ.’ ”

Zakaria 9:10

Makpãtã ta shwiilii fɛɛ ni aaajɛ Efraim aba lɛ ahiɛ; ni majie ta okpɔŋɔ lɛ hu kɛje Yerusalɛm. Makumɔ tawuu gãii lɛ amli dukuduku. Eeeshi maji lɛ toiŋjɔlɛ ni elumɔyeli aaajɛ ŋshɔnaa kɛyagbee ŋshɔnaa. Ni eeejɛ Eufrate Faa lɛ naa kɛyashi je lɛ naagbee hei tɔ̃ɔ.