Hosea 2:14 - ŊMALƐ KRƆŊKRƆŊ LƐ

¹⁴ “No hewɔ lɛ, mibagbe eyitso ni mi kɛ lɛ aaatee ŋa lɛ nɔ ekoŋŋ; mi kɛ lɛ aaayawie naajɔlɛ wiemɔ yɛ jɛi koni eyiŋ atsɔ̃ kɛba shĩa.

Ṅmãle̱ Kroṅkroṅ Le̱

¹⁴ [12.] Ni mafite eweintšei ke̱ egbã-mitšei le̱ ní ekē̱o̱ ye̱ he ake̱: “Minikē-nii ní misuolo̱i le̱ ke̱mi ne̱!” le̱, ni maṅõame̱ mafe kō, ni ṅãṅ koloi aaye.

Hosea 2:14 ပူးပေါင်းရင်းမြစ်များ

1 Mose 34:3

Shekem tsui mɔ Yakob biyoo Dina lɛ, ni esumɔ oblayoo lɛ, ni ekɛ lɛ wie tsuijurɔ naa.

Hiob 36:16

Nyɔŋmɔ jie bo kɛje jaramɔ mli kɛba he ko ni ohe jɔ bo yɛ, ni okplɔ̃ lɛ nɔ eyi tɔ kɛ niyenii.

Salomo Lalai 1:4

MiMaŋtsɛ, hã manyiɛ osɛɛ; hã wɔye wɔhe oyai kɛya opiai lɛ amli. Wɔɔnya, ni wɔmii aaashɛ. Wɔɔkafo osuɔmɔ lɛ fe wain; ŋwanejee ko bɛ he akɛ, no hewɔ yei sumɔɔ bo lɛ.

Yesaia 30:18

No hewɔ lɛ, Yehowa miimɛ koni eduro nyɛ, ni no hewɔ lɛ, efee kralo koni ena nyɛ mɔbɔ, ejaakɛ Yehowa lɛ Nyɔŋmɔ ni yeɔ jalɛ sane ni. Ajɔɔ mɛi fɛɛ ni hiɛ kã enɔ lɛ.”

Yesaia 5:5

“Agbɛnɛ mibatsɔ̃ɔ nyɛ nɔ ni mibafee miwaintrom lɛ. Mibajie ehe afabaŋ lɛ koni kooloi akpãtã ehiɛ. Mibakumɔ ehe gbogbo lɛ hu koni anaanaa enɔ kɛho.

Yeremia 16:14

Yehowa kɛɛ akɛ, “Naa, be miiba ni akɛ Yehowa gbɛi kãŋ kitã lɛ, akɛŋ hu dɔŋŋ akɛ, ‘Mina Yehowa, mɔ ni jie Israelbii kɛje Ijipt shikpɔŋ lɛ nɔ lɛ,’

Yeremia 2:2

“Yaa, koni oyashiɛ owo Yerusalɛmbii atoiiaŋ, ni okɛɛ amɛ akɛ, nɔ ni Yehowa kɛɛ nɛ, ‘Mikaiɔ oblayeiaŋ anɔkwa ni oye mi lɛ, kɛ osuɔmɔ tamɔ ayɛmforo suɔmɔ lɛ. Mikaiɔ bɔ ni onyiɛ misɛɛ yɛ shiaŋa lɛ nɔ, ni ji shikpɔŋ ni aduko nii yɛ nɔ lɛ nɔ lɛ.

Yeremia 45:4

Bɔ ni okɛɛ Baruk nɛ. Nɔ ni, Yehowa kɛɛ nɛ, “Naa, nii ni mima mima shi lɛ, mi nɔŋŋ miikumɔ mashwie shi, ni nii ni mi nɔŋŋ mitɛo lɛ, miifamɔ mashwie. Nakai ji bɔ ni mikɛ shikpɔŋ muu lɛ fɛɛ yeɔ nɛɛ.

Ezekiel 20:10

“No hewɔ lɛ, mijie amɛ kɛjɛ Ijipt shikpɔŋ lɛ nɔ, ni mikɛ amɛ ba ŋa lɛ nɔ.

Ezekiel 20:33

Nuŋtsɔ Yehowa kɛɛ akɛ, “Gbii abɔ ni mi ji Nyɔŋmɔ hiɛkãalɔ lɛ nɛɛ lɛ, mikɛ nineshiwalɛ kɛ hewalɛ kɛ mlila ni naa wa baaye nyɛnɔ maŋtsɛ.

Hosea 2:3

Kɛjeee nakai lɛ maŋmɛ lɛ yayai tamɔ gbi ni afɔ lɛ lɛ; mahã etsɔ̃ tamɔ ŋa nɔ shikpɔŋ ni nɔ egbi, ni mikɛ kumai baagbe lɛ.

Mika 1:7

Aaajwara emãgãi lɛ fɛɛ wɔtsɔwɔtsɔ, ni nii ni akɛbawoɔ Sɔlemɔ we lɛ ajwamãŋi anyɔmɔ lɛ, aaashã fɛɛ. Makumɔ ewɔji lɛ fɛɛ mabua shi ni etsɔ̃ tamɔ gɔŋ. Ajwamãŋi anyɔmɔwo mli Samaria bua nii nɛɛ anaa kɛjɛ, ni agbɛnɛ Samaria henyɛlɔi aaaloo fɛɛ kɛaatee amɛjamɔhei yɛ hei krokomɛi.”

Mika 4:10

Yerusalɛmbii, nyɛkɛ̃mɔa, ni nyɛkɔ̃mɔa tamɔ yoo ni fɔmɔ eta ehe; ejaakɛ nyɛbaashi maŋ lɛ mli ni nyɛaayahi ŋa lɛ nɔ; nyɛbaaya Babilon tɔ̃ɔ. Shi jɛi lɛ Yehowa aaahere nyɛ yɛ nyɛhenyɛlɔi lɛ adɛŋ.

Yohane 12:32

Ni mi lɛ, kɛji awo minɔ kɛjɛ shikpɔŋ lɛ nɔ lɛ, magbala mɛi fɛɛ kɛaaba miŋɔɔ.”

Yohane 6:44

Mɔ ko nyɛŋ aba miŋɔɔ, akɛ ja Tsɛ lɛ ni tsu mi lɛ gbala lɛ dã, ni mi lɛ matee lɛ shi yɛ naagbee gbi lɛ nɔ.

Kpojiemɔ 12:14

Ni akɛ okropɔŋ kpeteŋkple lɛ fiji enyɔ lɛ hã yoo lɛ, koni efiliki ni eshi onufu lɛ kɛya ŋa lɛ nɔ yɛ egbɛhe lɛ, he ni alɛɔ lɛ yɛ afii etɛ̃ kɛ fã lɛ.

Kpojiemɔ 12:6

Ni yoo lɛ jo foi kɛtee ŋa nɔ he ko, he ni Nyɔŋmɔ esaa eto ehã lɛ lɛ, koni ayalɛ lɛ yɛ jɛi gbii akpe kɛ ohai enyɔ kɛ nyɔŋmai ekpaa.

Kojolɔi 19:3

Kɛkɛ ni ewu lɛ yiŋ etee koni eyatiu esɛɛ ni ekɛ lɛ awie yɛ tsuijurɔ naa koni ekpala lɛ kɛba ekoŋŋ. Nuu lɛ kɛ etsulɔ kɛ tejii enyɔ tee. Be ni Levinyo lɛ yashɛ yoo lɛ tsɛ lɛ we lɛ ni eshaanuu lɛ na lɛ lɛ, ehere lɛ kɛ miishɛɛ.