Hosea 2:13 - ŊMALƐ KRƆŊKRƆŊ LƐ

¹³ Magbala etoi yɛ tsofakɛŋma ni etee eyashã ehã Baal jemawɔji yɛ amɛgbii juji lɛ anɔ lɛ hewɔ. Ewula kɛ jwinei kɛtee eyanyiɛ eshieŋtsɛmɛi lɛ asɛɛ, ni ehiɛ kpa minɔ.” Nɔ ni Yehowa kɛɔ nɛ.

Ṅmãle̱ Kroṅkroṅ Le̱

¹³ [11.] Ni mahã emliflimo̱ le̱ fẽ se̱ afo, egbĩĩ dšudši, enyõdšĩ hēi ke̱ ehe-dšō̱mo̱gbīĩ ie̱ ke̱ egbĩdšũrõyelii le̱ fẽ-kwa.

Hosea 2:13 ပူးပေါင်းရင်းမြစ်များ

2 Maŋtsɛmɛi 1:2

Israel Maŋtsɛ Ahazia, jɛ eŋwɛi asa ni yɔɔ Samaria lɛ samflɛ mli eyagbee shi, ni epila waa. No hewɔ lɛ, etsu bɔfoi koni amɛyabi Baal-Zebub, Filistibii anyɔŋmɔ ni yɔɔ Ekron lɛ nii akɛ, “Ani hela ni yeɔ mi nɛɛ, mana hewalɛ lo?”

2 Maŋtsɛmɛi 10:28

Nɛkɛ Yehu fee, ni ekpãtã Baal hiɛ yɛ Israel.

2 Maŋtsɛmɛi 21:3

Ejaakɛ jamɔhei grɔŋŋi lɛ ni etsɛ Hezekia fite lɛ esaa emamɔ ekoŋŋ. Emamɔ afɔleshãa latɛi koni akɛshã afɔle ahã Baal; ni efee jemawɔŋ yoo Ashera amãgã tamɔ bɔ ni Israel Maŋtsɛ Ahab fee lɛ. Asaŋ Manase ja ŋwɛi ŋulamii lɛ, ni esɔ̃mɔ amɛ hu.

Hiob 8:13

Mɛi fɛɛ ni hiɛ kpaa Nyɔŋmɔ nɔ lɛ, bɔ ni amɛnaagbee yɔɔ nɛ; mɔ ni sheee Nyɔŋmɔ gbeyei lɛ, ehiɛnɔkãmɔ aaafite.

Lalai 106:13

Shi yeee be ko, ni amɛhiɛ kpa nii ni etsu ehã amɛ lɛ anɔ, ni amɛmɛɛɛ eŋaawoo dɔŋŋ.

Lalai 106:21

Amɛhiɛ kpa Nyɔŋmɔ, amɛyiwalaherelɔ lɛ, mɔ ni fee nii wuji yɛ Ijipt lɛ, nɔ.

Lalai 78:11

Amɛhiɛ kpa nɔ ni etsu kɛ naakpɛɛnii ni efee etsɔ̃ɔ amɛ lɛ anɔ.

2 Mose 32:34

No hewɔ lɛ, agbɛnɛ, yaa ni oyakpala maŋ lɛ kɛya he ni mi kɛ bo ewie he eto lɛ. Naa, mibɔfo lɛ aaanyiɛ ohiɛ, shi moŋ kɛji gbi lɛ shɛ lɛ, mibagbala amɛtoi yɛ esha ni amɛfee lɛ hewɔ.”

Yesaia 17:10

Israel, ohiɛ ekpa oyiwalaheremɔ Nyɔŋmɔ lɛ nɔ, ni okaiii obobaa Tɛsaa lɛ. No hewɔ lɛ, yɛ mli akɛ oootɛo tsei fɛɛfɛji, ni ooofee wɔŋkoo oha maŋsɛɛ wɔŋ,

Yesaia 65:7

yɛ amɛ diɛŋtsɛ kɛ amɛtsɛmɛi lɛ hu anishaianii lɛ fɛɛ ahewɔ,’ ” Yehowa kɛɛ.

Yeremia 11:13

Ao! Yuda, onyɔŋmɔi lɛ ayi efa tamɔ omaji lɛ ayifalɛ, ni bɔ ni gbɛjegbɛi ni yɔɔ Yerusalɛm maŋ lɛ mli lɛ fa lɛ, nakai nyɛmamɔ afɔleshãa latɛi nyɛkɛfeɔ hiɛgbejianii, no ji nyɛkɛshãa tsofakɛŋma nyɛhãa Baal.

Yeremia 18:15

Shi mi lɛ, mimaŋ lɛ hiɛ ekpa minɔ, ni amɛshãa tsofakɛŋma amɛhãa yaka nyɔŋmɔi. Amɛtɛrɛtɛrɛɛ yɛ blema gbɛ ni amɛnyiɛ nɔ lɛ nɔ, ni amɛje tɛmpɔŋ lɛ nɔ kɛyanyiɛ nane gbɛi anɔ.

Yeremia 2:32

Ani oblayoo hiɛ kpaa ehewulamɔnii anɔ, ani ayɛmforo hiɛ kpaa ekpeemɔ atade nɔ? Shi mi lɛ miwebii lɛ ahiɛ ekpa minɔ kɛjɛ jeeŋmɔ.

Yeremia 23:2

Bɔ ni mi, Yehowa, Israel Nyɔŋmɔ lɛ, mikɛɔ yɛ lumɛi ni kwɛɔ miwebii lɛ anɔ lɛ ahe nɛ, ‘Nyɛkuraaa miwebii lɛ, ni nyɛgbɛ amɛ nyɛshwã, ni nyɛshwie amɛ kɛtee. No hewɔ lɛ, naa, mi Yehowa, mikɛɛ akɛ mibawo nyɛ nyɛnifeemɔnii fɔ̃ji lɛ ahe nyɔmɔ.

Yeremia 7:34

Mafo nyamɔ kɛ miishɛɛ sɛɛ yɛ Yuda maji lɛ kɛ Yerusalɛm blohui fɛɛ amli. Anuŋ ayɛmforo kɛ ayɛmforo wu gbee dɔŋŋ, ejaakɛ shikpɔŋ lɛ baatsɔ̃ amaŋfɔ̃.”

Yeremia 7:9

Aso nyɛaaju, ni nyɛaagbe gbɔmɔ, ni nyɛaafite gbãlã, ni nyɛaakãmɔ amale kitãi, ni nyɛaashã tsofakɛŋma nyɛkɛhã Baal, ni nyɛaayaja nyɔŋmɔi krokomɛi ni nyɛleee,

Yāfó 1:4

Gbɛjegbɛi ni yaa Zion lɛ miiye awerɛho, ejaakɛ mɔ ko mɔ ko baaa ebayeee gbii juji ni ato lɛ. Emaŋ agboi lɛ kãmɔ efolo esɔfoi lɛ miiye ŋkɔmɔ, eblayei lalɔi lɛ efee mɔbɔmɔbɔ, ni lɛ diɛŋtsɛ lɛ, eena nɔ naakpa.

Yāfó 5:14

Hiimeji ekpa koishi yaa, ni oblahii hu ekpa amɛsaŋkutswaa.

Ezekiel 16:12

Miwo ogugɔŋ ga, ni miwo otoiiaŋ toiiaŋnii. Mikɛ akekre fɛɛfɛo fi oyitso.

Ezekiel 16:17

Osaa oŋɔ ojwinei fɛɛfɛji ni ji mishika kɛ mijwiɛtɛi ni mihã bo lɛ eko okɛfee hii amãgãi ohã ohe, ni okɛ amɛbɔ ajwamãŋ.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Ezekiel 23:35

No hewɔ lɛ, bɔ ni Nuŋtsɔ Nyɔŋmɔ kɛɛ nɛ, “Akɛni ohiɛ ekpa minɔ, ni oshɛ mi ofɔ osɛɛ hewɔ lɛ, obaana ohiɛkɔ̃ɔ kɛ ojwamaŋbɔɔ lɛ he nɔ.”

Hosea 11:2

Shi shii abɔ ni mitsɛɔ lɛ lɛ, shii abɔ ni eyaa sɛɛsɛɛ moŋ eshiɔ mi ji no; ni amɛyaa nɔ amɛshãa afɔlei amɛhãa Baal, ni amɛshãa tsofakɛŋma amɛhãa amãgãi.

Hosea 13:1

Kulɛ kɛji Efraim shwiei lɛ wie lɛ, mɛi ahe kpokpoɔ yɛ Israel. Awo Efraim nɔ yɛ Israel; shi kɛtsɔ̃ jemawɔŋ Baal jamɔ nɔ lɛ, Efraim shwiei lɛ tɔ̃, ni no hewɔ amɛgboi.

Hosea 13:6

shi be ni nyɛna nii nyɛye ni nyɛtɔrɔ pɛ, kɛkɛ ni nyɛwo nyɛhe nɔ ni nyɛhiɛ kpa minɔ.

Hosea 2:5

Ejaakɛ amɛnyɛ bɔ ajwamãŋ; efee hiɛgbejianii kɛna amɛ musu. Ekɛɛ ehe akɛ, ‘Hã maya mayatiu mishieŋtsɛmɛi lɛ; amɛ amɛhãa mi niyenii kɛ nu kɛ mikuntu kɛ klala lɛ kɛ mimu kɛ dãa.’

Hosea 2:7

Eeetiu eshieŋtsɛmɛi lɛ asɛɛ nɛ, shi eninaŋ amɛ; ni eeetao amɛ, shi enaŋ amɛ. Kɛ̃lɛ lɛ eeekɛɛ ehe akɛ, ‘Hã makpale kɛya miklɛŋklɛŋ wu lɛ ŋɔɔ; ejaakɛ be ni mikɛ lɛ yɔɔ lɛ, ehi hã mi moŋ fe amrɔ nɛɛ.’

Hosea 4:13

Amɛshã afɔlei yɛ gɔji lɛ ayiteiaŋ, ni amɛshã tsofakɛŋma yɛ gɔ̃ŋkpɔi lɛ anɔ; amɛshã yɛ odum kɛ onyai kɛ papao tsei ashishi, ejaakɛ tsei lɛ ahɔ̃ɔŋ lɛ mli hi. “Enɛ hewɔ ni nyɛbiyei lɛ bɔɔ ajwamãŋ, ni nyɛbihii aŋamɛi lɛ fiteɔ gbãlã lɛ.

Hosea 4:6

Mimaŋ lɛ hiɛ ekpãtã ejaakɛ amɛleee nii. Akɛni okwa nilee hewɔ lɛ, mi hu miikwa bo akɛ misɔfo; ni akɛni ohiɛ ekpa oNyɔŋmɔ lɛ mla lɛ nɔ hewɔ lɛ, mi hu mihiɛ miikpa obii lɛ anɔ.

Hosea 8:14

“Ejaakɛ Israel hiɛ kpa ebɔlɔ lɛ nɔ, ni emamɔ mɔji moŋ ehã ehe; ni Yuda hu tswa gbogbo ewo emaji pii ahe. Shi mawo amɛmaji lɛ amli la ni mashã amɛmɔji lɛ.”

Hosea 9:7

Toigbalamɔ gbii lɛ eshɛ, be ni abaawo mɔ fɛɛ mɔ nyɔmɔ bɔ pɛ ni sa lɛ lɛ eshɛ. Israel baana ele akɛ gbalɔ lɛ buulu ni, ni mumɔŋ gbɔmɔ lɛ sɛkɛyelɔ ni yɛ enishaianii hewɔ.

Amos 8:10

Mahã gbii juji ni nyɛyeɔ lɛ atsɔ̃ yarafeemɔ, ni lalai kɛ ŋɔɔmɔ ni nyɛlaa lɛ baatsɔ̃ yaafo. Nyɛbaabumɔ kpekpe, ni nyɛaashɛshɛɛ nyɛyi, ni nyɛbaatsɔ̃mɔ tamɔ fɔlɔi ni miiye amɛbi koome ni egbo he awerɛho. Nakai gbi lɛ naagbee mli baajoo pam.

5 Mose 32:18

Nyɛbuuu Tɛsaa ni babɔ nyɛ ade lɛ, ni nyɛhiɛ kpa Nyɔŋmɔ mɔ ni bɔ nyɛ lɛ nɔ.

5 Mose 6:12

nyɛkwɛa nyɛhe nɔ ni ahĩa koni nyɛhiɛ akajea Yehowa, mɔ ni jie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ, nɔ.

Kojolɔi 10:6

Israelbii lɛ fee efɔŋ amɛshi Yehowa ekoŋŋ. Amɛyasɔmɔ Baal nyɔŋmɔi lɛ kɛ Astarte nyɔŋmɔi lɛ ni ji Siriabii kɛ Sidonbii kɛ Moabbii kɛ Amonbii kɛ Filistibii anyɔŋmɔi lɛ. Amɛkwa Yehowa, ni amɛsɔmɔɔɔ lɛ hu.

Kojolɔi 3:7

Israelbii lɛ fee efɔŋ amɛshi Yehowa. Amɛhiɛ kpa Yehowa, amɛNyɔŋmɔ lɛ nɔ, ni amɛyasɔmɔ Baal nyɔŋmɔi lɛ kɛ Ashera nyɔŋmɔi lɛ.

1 Samuel 12:9

Shi nyɛtsɛmɛi lɛ ahiɛ kpa Yehowa, amɛNyɔŋmɔ, lɛ nɔ. No hewɔ lɛ, Yehowa ŋmɛɛ amɛhe ehã, ni Hazor Maŋtsɛ Yabin tatsɛ Sisera lɛ, kɛ Filistibii lɛ hu kɛ Moab maŋtsɛ lɛ hu kɛ amɛ wuwuu tai, ni gbɔmɛi nɛɛ ye nyɛtsɛmɛi lɛ anɔ.