Hosea 2:12 - ŊMALƐ KRƆŊKRƆŊ LƐ

¹² Ni maŋala ewaintsei lɛ kɛ agbãmi tsei lɛ ni ekɛɔ akɛ nomɛi ji nɔ ni enaa yɛ eshieŋtsɛmɛi lɛ adɛŋ akɛ enyɔmɔwo lɛ. Mahã fɛɛ atsɔ̃ koo koni ŋaŋ kooloi aye amɛnɔ nii.

Ṅmãle̱ Kroṅkroṅ Le̱

¹² [10.] Ni agbe̱ne̱ *madšie enyenyeṅ-tſibō̱ le̱ kpo ye̱ esuolo̱i le̱ ahĩe, ni mokomoko edšieṅle̱ ye̱ mideṅ! *Ier. 13,22. 26.

Hosea 2:12 ပူးပေါင်းရင်းမြစ်များ

Lalai 80:12

Mɛni hewɔ mɔ okumɔ waintso lɛ he afabaŋ lɛ, ni mɛi fɛɛ ni hoɔ tserɛɔ enɔ yibii nɛɛ?

Yesaia 29:17

Te etsɛŋ ni Lebanon koo lɛ baatsɔ ŋa nɔ humɔhe ni baa nii, ni aaaŋɔ ŋa nɔ humɔhe lɛ akɛ koo?

Yesaia 5:5

“Agbɛnɛ mibatsɔ̃ɔ nyɛ nɔ ni mibafee miwaintrom lɛ. Mibajie ehe afabaŋ lɛ koni kooloi akpãtã ehiɛ. Mibakumɔ ehe gbogbo lɛ hu koni anaanaa enɔ kɛho.

Yesaia 7:23

“Nakai be lɛ, he fɛɛ he ni sá lɛ waintsei akpe ŋmɔ yɔɔ, nɔ ni ahɔ̃ɔ aheɔ jwiɛtɛi talentai akpe lɛ, jɛi baatsa kɛ kpitikpitii kɛ ŋmeii sɔŋŋ shikpɔŋ.

Yeremia 13:26

No hewɔ lɛ, mi diɛŋtsɛ mibawo ohiɛ mama nɔ koni ohiɛ ashwie shi.

Yeremia 26:18

“Be ko lɛ Mika ni jɛ Moreshet lɛ gba yɛ Yuda Maŋtsɛ Hezekia yinɔ, ni ekɛɛ Yudabii fɛɛ akɛ, ‘Nɔ ni Yehowa, Taiatsɛ lɛ, kɛɛ ji,’ ‘Abaahu Zion tamɔ ahuɔ ŋmɔ, Yerusalɛm baatsɔ̃ koikoi, ni Sɔlemɔ we lɛ gɔŋ lɛ baatsɔ̃ koo ni etsa sulaŋŋ.’

Yeremia 5:17

ni amɛbaaye nyɛŋmɔshinii ni nyɛkpa kɛ niyenii fɛɛ, ni amɛbaagbegbee nyɛbihii kɛ nyɛbiyei lɛ amɛye; amɛbaagbegbee nyɛtoi kɛ tsinai amɛye, ni amɛbaaye nyɛwaintsei kɛ agbãmitsei ayibii fɛɛ; ni nyɛmaji ni atswa gbogbo awo amɛhe ni nyɛhiɛ kã nɔ lɛ, amɛbaafite fɛɛ.”

Yeremia 8:13

Kɛkɛ ni Yehowa kɛɛ, “Be ni miba miwebii lɛ anaabuamɔ lɛ, amɛtsɔ̃ tamɔ waintsei ni wainyibii bɛ nɔ, loo agbãmi tsei ni agbãmi bɛ nɔ, ni amɛnɔ bai tete eŋãla; ni nii ni mikɛhã amɛ lɛ hu eje amɛdɛŋ.”

Hosea 13:8

Mibatua nyɛ oookɛɛ oshishibrishi ni amɔmɔ ebii yɛ ehe tuaa mɔ, ni mibatserɛ nyɛmli maye yɛ minajiaŋ tamɔ jata. No ji akɛ mibatserɛ nyɛmli mɛnyɛmɛnyɛ tamɔ ŋaŋ kooloo awuyelɔ tsɛrɛɔ loo mli lɛ.

Hosea 2:5

Ejaakɛ amɛnyɛ bɔ ajwamãŋ; efee hiɛgbejianii kɛna amɛ musu. Ekɛɛ ehe akɛ, ‘Hã maya mayatiu mishieŋtsɛmɛi lɛ; amɛ amɛhãa mi niyenii kɛ nu kɛ mikuntu kɛ klala lɛ kɛ mimu kɛ dãa.’

Hosea 5:14

Mibahuru tamɔ jata mayi Israel kɛ Yuda hu nɔ, ni mi diɛŋtsɛ mibatserɛ amɛmli, kɛkɛ lɛ mishi amɛ mitee. Mashãtã amɛ kɛya ni mɔ ko mɔ ko nyɛŋ amɛyiwala ehere.

Hosea 9:1

Israel, omli akafili bo, ni kaanya tamɔ wɔŋjalɔi lɛ. Ejaakɛ bo lɛ oje oNyɔŋmɔ lɛ sɛɛ, ni oyeee lɛ anɔkwa. Ohɔ̃ɔ ohe tamɔ ajwamãŋ yɛ he fɛɛ he ohã jemawɔŋ Baal lɛ, ejaakɛ osusuɔ akɛ no hãa anaa abele lɛ.

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.